الزعيم تنظيمة رايح فيها ! لا يا رئيس النادي ابناء النادي اولى بالملايين قبل مايتدخل احد ويخليكم تدفعون اضعاف اضعاف من هنا ولا هناك!!
 

1- ضعف اللياقه واضح وصريح وخاصة من بدا الشوط الثاني .

2- المدرب كوزمين لازال يتخبط والفريق مافية ملامح فريق منظم .

3- الكورة من الدفاع الى الهجوم بطريقة عشوائية .

4- التايب لابد من انه يكبح تصرفاته ويبعد عن العصبية والعب الخشن اللي ماله داعي بعض فترات المباراة .

5- العنبر مافية اي مهارات وعبداللطيف مايدري وين يروح ضايع ونامي يدور الكروت والطرد والزوري لك علية .

6- الدعيع لابد يصحصح شوي وبلاش خروج ماله داعي .

7- لاعبينا اللي رايح يجدد معهم عقود يفكرون بالعقد والتوقيع والانتقال اذا المبلغ المقدم لهم لخمس سنوات مليون

فقط ., وهذا ماهو حقهم يستاهلون اكثر تشوفهم في المباراه مو طبيعيين ما نلومهم .

8- عزيز لو فيه منه ثلاثة في الزعيم بنفس الروح كان الزعيم حاجه ثانية والله .

تحية كبيرة من الاعماق لجمهور الزعيم في المنطقة الشرقيه

قبل ماتقول الكلام كله انت تدري ان فريق الزعيم اتوقع ولا مباراه كانو الاعبين جاهزين لازم يكونون في اصابات او موقوفين ولا في مهاجمين وش تبي يسوي كوزمين

يعطيك العافية الشوحطي

ياخي خلاصه الكلام عشان لا اعور راسك وراسي


موضوعك ماله اي داعي وفي وقت غبي جداً

BMB اسمحلي ان نظرتك محدوده وعقيمة للغاية فزنا اليوم خلاص اخذة الدوري يافالح

يالشوحطي وش تحس فيه ؟ تشعر ان عندك حالة استغباء مفتعل ؟

الله يصلحك ويرحم حالتك ياوليدي ,, الا ودي اقترح عليك اقتراح

عندي بشت مالبسته غير مره ماودك تلبسه وتصير رئيس بدل الامير عبدالرحمن

مادامك تفصل وتخيط وتبي الرئيس يلبس

لا البس انت هالقرارات

الله يرحم حالك ويعين الرئيس والنادي عليك وعلى امثالك

ما اتفق معك الا في نقطة خالد عزيز
اما الباقي اسمح لي .. اعارضك و بشده !

الف مليون مررره قلنا العنبر ما فيه منه اي فايده

يعني نقول الحمد الله ان الفريدي ضرب الكره براسه ورجعت للعنبر

يا ادارة الهلال عبد العزيز الدوسري <<<< لا تحطموه بدكة الاحتياط مثل ما تحطم غييييييره

بالنسبة للجمهور عادي جداً هالحضور من يحصل له الهلال .....ترا مره بالسنة .

أما بالنسبة لكلامك الثاني لا أوافقك الراي في كثير من طرحك (إلا نامي)

موضوعك زي اسمك مدري وش تحس فيه
ياحليلك بس