أه حلم مزعج جدا جداً تصوروا وش صارلي بالحلم أهات وحسرات وحقدت على كل شي أزرق
حتى السما ما قدرت أرفع راسي لها كرهت البحر تعقدت مليون عقده ومادري ليش اشجع مع النصر فريق السنقا (( الاتهاد ) وماعرف الأسباب .

واجهت ثلاث مصائب رئيسية السكر .... واضغط ..... والهلال .

السكر رحت للمستشفى وعطوني وايت انسولين .
الضغط أكلت في ليلة انتصر فيها الهلال 270 حبة ضغط ومانزل .

الهلال قصتي معه قصه عجزت ألقى له حل ... بطولات وانتصارات جمهور كبير سألت وقريت ومالقيت
..... أخيراً دلوني على طريقه لتدمير الهلال ...... الطرقة الوحيدة هي الدنبوشي . قالي ساحر ...... لابد من زرع الملعب بالجن لازم تنزل للأرض تفاوض الجن .

نزلت للأرض
وجدت سوق كبير مليان محلات لمصائب البشر سألت أخواننا الجن وين القسم الرياضي قالوا : في دهاليز شارع عبروش ركبت (( عسيب ليموزين )) وصلني للدهاليز لقيت لوحة في الشارع كبر الفيصلية مكتوب عليها (( مستعدون لقلب جميع نتائج الفرق بالعالم ... ما عدا الهلال .. )

ارتفع عندي الضغط وتأزم الموقف وجلست أناقشهم ليش الهلال وش معنى قالولي تعال نوريك دخلوني مستشفى كبير وقالوا تفرج .

العنبر الأول : وجدت فيه ناس كبار وصغار يتألمون وكلهم على نقالات قالوا شـــف (( ضحايا الثنيان )) . يا ساتر العنبر مليان وكله تفكيك ضلوع (( فيه جن شيبان مسحبهم ابو ناصر من 15 سنة )) يحتاجون ضلوع .

العنبر الثاني لقيت جن مفلقين كل واحد في راسه مليون غرزة وقسم بالعنبر للضـغط (( جن ومرتفع ضغطهم )) وسألت عنهم قالوا ( ضحايا الذيب سام 6 ) والغريبة أنهم جن من مختلف الجنسيات وبعضهم يشربون قدو ؟؟؟؟

العنبر الثالث : للتكميد جن طايرة جلودهم ياساتر وش اللي صالخهم قالوا (( ضحايا المدفعجي الجمعان )) وفيه عنايه مركزة لقيت فيها واحد عدساته السود متجمعة في عين وحده قالوا هذا اللي حاول يرد الهدف الأول بالاتحاد على كاس الدوري ما لقوا له أعلاج إلى اشعار أخر.

العنبر الرابع : مليان جن مهبل طايره عقولهم مابهم صاحي يرددون جملة وحدة (( يا رودا تكفى خذه عنا )) قالوا لي العنبر هذا يستحيل شفاهم (( ضحايا الفتى الذهبي )) .

انا بغيت انهبل قلت رجعوني ... وجلست اصرخ رجعوني ... رجعوني ....

صحيت من النوم وريقي ناشف وتذكرت الحلم المزعج وأني شربت بالحلم قارورة البنج حقت المدلك بعد هدف لسامي ...
وزاد همي أخذت التلفون واتصلت على واحد من أصدقائي وسألته علمني بسرعة أنا وش اشجع بسرعة تكفى
قال (( انت منهبل وش هذا السؤال انت هلالي )) قلت ماني مصدق قال لا حول ولا قوة ياخي : رأسك بأي اتجاه قلت مرتفع فوق قال : خلاص مادام راسك مرفوع فانت هلالي صكيت السماعة وأخذت نفس عميق وحمدت الله وشكرته .