|
الــجــــوهـــر مـــالــه ذنب و لكن لاعب نـــادي الاتــحــاد هــو الســبـــب بســـــــــم اللـــــه الرحمــــــن الرحيــــــــــم السلام عليكم ورحمة الله وبركاته اخواني السعوديين فقط لمن عنده حس وطني هاردلك على الخسارة وان شاء الله تكون رجوع المنتخب للمستوى المعروف عن الكرة السعودية اما مايخص مبارة الامس فأنا لا ارى المشكلة في الجوهر لكن في خط الدفاع المرتبك لدرجة لاتدل على انهم لاعبين محترفين وبالذات لاعب الظهير الايمن اسامة المولد الذي اكاد اجزم واجزم انه هو شبب عدم توازن الفريق والدليل ان الاعب الكوري رقم 6 يستلم الكرة من الجهة اليمنى في هجمة الهدف الاول واسامة المولد في منتصف الملعب وهذا ماحصل في الهدف الثاني ايضاً. اي ان غياب عبدالله شهيل كان اكبر مشكلة في مبارة البارحة حتى ان اسامة المولد ما فعل اي شي في المبارة ولايهون تكر واحمد عطيف واسامة هوساوي الي كانو سبب بعد قدر الله في الهزيمة. وهذا انا اقولها بالبفم المليان وكل المتابعين يشهدون علي ان المنتخب السعودي سيعود اذا عاد ياسر للخطة الاساسية الله يقومه بالسلامة اي ان المنتخب سيعود اذا كان مالك وياسر في الهجوم كل التوفيق للصقور الخضر في كل زمان ومكان واسف على الاطالة اخوكم عبدالله |
خليها على ربك مالنا الا نقول ياررب تعبنا وصحنا عشان المدرب والاعبين وحتى الاتحاد السعودي لكن لاحياة لمن تنادي |
وهذا انا اقولها بالفم المليان وكل المتابعين يشهدون علي ان المنتخب السعودي سيعود اذا عاد ياسر للخطة الاساسية الله يقومه بالسلامة اي ان المنتخب سيعود اذا كان مالك وياسر في الهجوم .. .. بهذي صدقت روح المنتخب ياسر |
لاتلف ولاتدورالجوهر هو السبب الاول والأخير والله يستر من الجاي |
الجوهر قهرني انه يحطلي هزازي بدال مالك.. وذا الهزازي جابله كم قول وكبر راسه.. على الاقل السلطان يناول ويتعب ويقاتل.. اما هزازي جتله كوره تقدم وراح يشوت.. ليس فقط على هزازي .. ((المنتخب ميت)) لا يوجد اي مستوى.. وانا الي خايف منه وشلون بيلعبون على ارض كوريا وايران دام ذا المستوى.. واظن كوريا الشماليه تفوز .. :) |
مو ذنب اسامة المولد يلعب بمركز مو مركزه اسامة معروف قلب دفاع ويلعب ظهير للضرورة ومثل ما قال فيصل بو اثنين الجوهر خلى اسامة المولد في وجه الجماهير و الانتقادات يعني راح ينتقدوا اسامة لكنمين اللي حط اسامة في مركز مو مركزه اين حسن معاذ؟؟؟؟؟؟؟؟؟؟؟؟؟؟ |
البلى كله من الجوهر ذا الدرج.........!! |
مافيه منتخب مافيه ياسر ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
يا حبيبي اللعيبه يلعبون بدون روح |
أنا يوم شفت واضع أسامة المولد في الجهة اليمنى وواضع أحمد عطيف في المحور وأنا قلت لابد من إقالة هذا المدرب وهو مسوي مدرب جيد وهو يقول أنا لست بحاجة إلى نور والدعيع عرفت أن المدرب لايعرف كرة القدم :: وأنا بعد ماشاهد الإعداد المنتخب في التشيك شهر كامل وأتوا اللاعيبين يلعبون أمام منتخب إيران لياقة صفر يلعب شوط وشوط ثاني يناظرونبعض والإعداد صفر والتشكيل صفر؟؟ وأنا قلبي ناغزني من هذا المدرب وانا عرفت أن المدرب ماشي على البركة والعبرة في تصريح كوزمين عن اللاعيبين الهلاليين المنــظمين في المنتخب قال لياقته لاعيبين صفر :: أما عبدالله شهيل !! قسم بالله كملت الناقص أجل عبدالله شهيل أنت شاهدته أمام إيران كيف المنتخب الإيراني ينطلق من عنده :: والإتحاد السعودي هوسبب في إقالة مدربيين على مستوى جيد أفضل من هذا المدرب المنتهي ... وهم كالدرون وباكيتا وأنجوس ولابد نرفع بصوت واحد إقالة المدرب ناصر والله هو راح يودينا في ستين داهية مدرب |
صراحة لياقة الاعبين امس انفضحت في الشوط الثاني اللياقة صفر ومادري وش فايدة توقف الدوري قبلها بفترة واللياقة زي كذا |
بلا مجاملات المدرب هو سبب الخسارة وبس |
اخواني انا ماكان قصدي ان اسامة المولد هو السبب لان الخانة ليست خانته لكن رالديس لاعب الهلال رفض ان يلعب في هذه الخانة الي هي الجهة اليمنى ولننسى ان عندنا لاعبين امثال حسن معاذ وكامل المر هم اساساً يلعبون ظهير ايمن ولاننسى الكبير احمد البحري لكن كرتنا السعودية عليها السلام من بعد فيصل بن فهد الله يرحمه اتمنى ان يعود منتخبنا الى سابق عهده بالتوفيق للصقور الخضر |
الجـــــوهــــــر هو السبـــــــــــــب |
عندما تكون تشكيلة الفريق مختاره من المدرب بشكل صحيح وبوضع اللاعب المناسب في المركز المناسب سوف يقدم المنتخب مستواه المعروف لكن عندما يختار المدرب لاعبين في مراكز لايلعبون اصلا فيها يكون اداء المنتخب بشكل عام مهزوز وهذا ماحصل في مباراة المنتخب البارحه الجوهر يترك حسن معاذ والشهيل والمر والرهيب ويفرض على المولد يلعب ظهير ايمن وهو المعروف عنه لعبه بقلب الدفاع يترك المرشدي والعمري والقاضي وهم في كامل جاهزيتهم ويختار تكر العايد من الاصابه يترك ناصر الشمراني وصالح بشير وهم اساسيين في فرقهم ويختار السلطان وهو احتياط وهزازي والنمري وهم لم يظهروا للنور الا في 3 مباريات وتقولون الجوهر ماله ذنب؟ انا اقول الجوهر افضل لمنتخبنا من المدرب الاجنبي لكن عليه عدم المكابره و اختيار اللاعب المناسب في المكان المناسب |
مروركم اسعدني واتمنى رجعت المنتخب بمستوى مثل ماكان في كاس اسيا بالتوفيق للصقور الخضر |
شف الجوهر ماله دخل في كل الي صار شف قاال تصريح قبل المباره باربع ايام قال انا مدرب مااحط مبريرات مثلا لو كان مدرب غيري كان قال ياسر مصاب ومالك اغذروني اذا انهزمت ياسر ومالك مصابين باصراحه الجوهر كفوو بانه يكوون مدرب المنتخب لنه لوو انهزم ماراح يياس ولاتناسون ان الحكم كاان ظاالم مادري ليش يمكن حااقد على السعوديه يووم تهزم سنغافوره يالله قدر الله ومشااء فعل |
وش السبب انه ما يلعب مالك معاذ .......<<<<< هل لانه راجع من اصابه انا اقدر اجزملكم ان مالك لو كان مشلول كان سجل هدف لانه يلعب بروح وفن ومهاره وعدم كبر وثقه في محلها ...مو هزازي سجل هدفين وازعجنا ..ويبي ضربت جزاء لو انه مالك كان اخر شي يفكر فيه هو البلنتي لكن ... خلهم يتعلمون من اخطائهم ...وان شاء الله خيره |
أخوي صاحب الموضوع الدفاع فيه مشكلة صحيح ، لكن من السبب في أن الدفاع يكون فيه مشكلة !! هو ناصر الجوهر مدربنا الوقور يعلم أن لاعبي كوريا يمتازون بالسرعة والضغط على حامل الكرة ومع ذلك يصر على أن يلعب بخالد عزيز في خط المحور وحيدًا ومعه اللاعب اللي مدري وش جابه محور أحمد عطيف في الأظهرة مين كان يلعب ؟؟ أسامة المولد لاعب ثقيل وما يقدر يجاري سرعة لاعبين كوريا في الهجوم فيصل السلطان لو لاعب من منتخب الشباب يلعب بداله أبرك يا جماعة عندنا مدرب يصر على تشكيلة وطريقة معينة ، بعكس مدرب الهلال مثلاُ اللي ما عنده مشكلة يشيل الشلهوب ويلعب بداله الفريدي ليش لأن الفريدي كان يقدم مستوى أحسن من الشلهوب الجوهر بصراحة ملينا منه ومن تصريحاته الباهتة ، يعني مدرب موجود معنا من عام 2000 ما عدا في فترة فاندرليم وفي تلك الفترة المنتخب حقق بطولة كأس الخليج وكأس العرب وغير كذا ما شفنا شي !! ويا سلطان بن فهد الحكام صحيح يخطؤون لكن أقلها صحح أخطاءك قبل أن تنتقد الحكام |
اخواني الاعزاء انا من الناس الذين يؤمنون بالقضاء والقدر والحمد لله على كل حال لكن لو تلاحظون ان الجهة اليمنى هي مصدر انطلاق الهجمات الكورية وسبب في الهدفين لو نفرض مثلاً ان عبدالله شهيل كان موجود ماذا سيحصل في الجهة اليمنى ؟ انا اجزم انه لو كان موجود لفعل المستحيل مالم يستطع فعله اسامة المولد لانه لم يفيد الفريق لاهجومياً ولادفاعياً واتمنى ان يكون عند الجوهر قرار رجولي بظم الاعب محمد نور مع منتخبنا لانه لاعب (خبره ) لانها اهم شي في التصفيات ولو رجعنا لتصفيات 2006 لعلمنا ما فائدة لاعب الخبرة مثل(سامي الجابر ) فحان وقتك يا نور ان تكون مع المنتخب بالتوفيق للصقور الخضر |
ناصر ىلجوهر الذنب مو عليه الذنب ذنب اللعيبه يلعبون وهم يفكرون في المكافات كم بيعطونا ميه الف ولا ميه وخمسين هذولا مايلعبون الا عشان الفلوز اتحدى لو الواحد يلعب عشان يخدم المنتخب عشان يوصل كاس العالم فانا من وجهة نظري ان اللعيبه مايستحقون اي مكافات في حالة الفوز وشكرا |
الجوووهر هو السبب 100% 1/ ماطلع هزازي :upset: يوم أخذ الكرت الأصفر لأنه ماعنده أي خبرة 2/ عدم إدخال البحري بدال اسامة المولد :upset: وغيرهن كثييير |
اخوي المدرب مادخل البحري من اول التصفيات لكن عنده لاعبين افضل من اسامة ومن البحري الي هو حسن معاذ بالتوفيق للصقور الخضر |
أحمل الجوهر نسبة 85 % من الخسارة كان يجب عليه قراءه خصمة زين قبل المباراة و اثناء المباراة من بداية الشوط الثاني كان يجب انه مسوي تغييرين على الأقل وسلامتكم |
لمن يرجعو ياسر ومالك ونور والدعيع بعدين اتكلمو |
اخوي كوالتي لاتنسى ان لو كان ياسر ومالك هم الهجوم في مبارة البارحة لرأيت العجائب في فن الكرة لكن قدر الله ان يكون ياسر مصاب ومالك غيررجاهز بحسب كلام المدرب بالتوفيق للصقور الخضر |
إقتباس:
لكن المشكله بالزوري فاشل وهو سبب الخساره واتوقع لو ان حسين موجود كان ماخسرنا |
إقتباس:
يا أخي شاهده أمام المنتخب الإيراني وأحكم اللاعب عبدالله شهيل يمتلك مهارة فردية عالية يمكن توضعه في جناح ينفع لكن عنده ضعف في البنية وضعف في الدفاع |
يا حبيبي اللعيبه يلعبون بدون روح |
الحين اسامة هوساوي حاطه سبب من اسباب الهزيمة اسامة هوساوي ووليد عبدالله ملوك مباراة الأمس لولا الله ثم هم وربي نتيجة تاريخية امس خالد عزيز وتكر والزوري والمولد والسلطان والشلهوب هم اللي ما سووا شي يذكر خلنا واقعيين تحياتي |
| الوقت المعتمد في المنتدى بتوقيت جرينتش +3.
الوقت الان » 12:05 AM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd