|
(سلطان بن فهد) .. عيني بعينك ,,, (فيصل السلطان) .. تراك دبلت تسبودنا سمو الأمير سلطان حفظه الله ورعاه (قولوا آمين أنت وياه) تناول المهم ونسي الأهم.. نعم الحكم منسم ومفلت وجاب العيد فينا, ولكن الحقيقة ان منتخبنا (زفت) من أول المباراة الى آخرها, ومسألة ان الحكم كان السبب الرئيسي في هزيمتنا فهذا تبرير (بيحط العقل بالكف) وعلى سمو الريس أن (ينقزه) لأننا شبعنا من هذه التبريرات اللي ماتوكل عيش.. هناك عدة أسئلة يجب أن يفيدنا سموه في أجوبتها لأننا لا نستطيع طرحها على المدرب ناصر الجوهر لأننا عارفين أن ما بيده حل ولا ربط وأن التشكيلة والخطة تجيه على ورقة رسمية موقعين عليها وكلاء الرئاسة العامة وسمو الرئيس ونائبه واحياناً يتم اضافة بعض التعديلا عليها بالجوال خلال المباراة.. الأسئلة: 1- لماذا استبعدتوا حسن معاذ ولعبتوا باسامة المولد وهو اصلا ما يلعب ظهير؟؟ ......................... (لازم اترك مكان يجاوب فيه سموه) :naughty: 2- الوسط حالته حالة ليه استبعدتوا عبدالرحمن القحطاني ووين تيسير الجاسم وسعود كريري؟ 3- تعال طال عمرك .. دام عندنا اصابات وايقافات ليه ما ضميتوا محمد نور وناصر الشمراني وفكيتونا من العناد؟ 4- خش عالسؤال الرابع .. مالك معاذ.. مالك معاذ ليه ما لعب من بداية الشوط الثاني وانتظرتوا لين خربت مالطا ونزلتوه بعد ما احتج الجمهور؟ ووش فايدة ان الراهب ينزل في أخر خمس دقايق (لا تقول خلص رصيدي قبل أكلم الجوهر من بدري لأني أعرف أن جوالك فاتورة):d 5- هذا السؤال الخامس اجباري وعليه 75 من 100 يعني لازم تجاوب طال عمرك مع أني متأكد أنك ما تعرف الاجابة .. في المنتخب واحد اسمه فيصل السلطان احتياطي طول عمره في ناديه الشباب,, يعني ما يشوف الكورة إلا في المنتخب,, هذا اللاعب سبوق ماشاء الله,, بس مشكلته أنه يلعب مدافع خامس مع الفريق الخصم, والدليل مبارياتنا مع ايران والامارات واخيراً كوريا.. وعشان أساعد سموكم في الاجابة تراه مضيع حتى الان خمسة أهداف محققة يعني بالعربي مضيعنا.. بصراحة يا سمو الأمير هذا لاعب فوق مستوى تطلعات نادي سدوس فما بالك بالمنتخب .. السؤال: من المسؤول عن اختيار السلطان وفرضه على المنتخب مع وجود ياسر والحارثي ومعاذ وهزازي والراهب,, يعني بالعربي وش تبون بالكديش؟؟؟؟؟؟ هذي الأسئلة تفضل جاوب :upset: |
لا تضيق صدرك و أنا أخوك إن تسانك ملزم على سلطان .. فلزم عليه يحسب لنا قرشين من هالملايين اللي تصرف على المنتخب يشترون لنا فيها حبوب الضغط .. موب معقول اللي صاير أبد ! |
اسئله ياليت المنتخب ييراجعها ويدرسها .......... آآآه .....ليتك مدرب المنتخب لأن تفكيرك مثل تفكيري |
اكرم بعد راسي يبا لا تتعب عمرك لو تسأل من هنا لـ 2010 ماراح تلقى جواب لاننا من عرفنا سلطانوه وابن خيوه واحنا مانعرف للشفافيه والوضوح درب:nono: ولا من ناحية الاسئله منطقيه جدا والاجابه عليها تبرد تسبودنا :d تقبل مروري |
ناصر الشمراني ومحمدنور.................. |
تدري وش المشكله واللي يقهرك ؟ إنه زعلان مع ناصر الشمراني لإن ناصر الشمراني قال نكته عليه وزعل وطرده من المنتخب هذي مشيناها لكنك تكآبر وتقول السلطان إحتياطي للأجنبي ماهو لناصر فأنت تفضح نفسك قبل لا تكابر على ناصر الشمراني يعني تعترف إن السلطان إحتياطي في الشبآب .. ليه تجيبه .؟ ههههههههههه قسم بالله مدرب فاشل على هالأسمآء اجل لا النمري ولا القحطاني موجودين ؟ الشلهوب نازل مستواه وإحتياطي في اخر مباريات الهلال تجي تلعبه اساسي قدام كوريا .؟ والأدهى والأمر إن اغلب الاساسيين اليوم مالعبوا في المباريات الوديّه إلا ربع ساعه /// |
إقتباس:
أعرف أن ما فيه اجابة,,,,,, ولو فيه اجابة كان عرفنا وش العلة,,,, الموت الحمر أنهم لا يتكلمون واذا تكلموا لا يصدقون !!! |
والله لو اني مدرب المنتخب هذي تشكيلتي... الدعيع الزوري هوساوي مرشدي حسن معاذ عزيز كريري عبده عطيف نووووووووووووووور ياسر مالك احتياطيهم الراهب و الشمراني ناصر وسعد وبشير وبس |
| الوقت المعتمد في المنتدى بتوقيت جرينتش +3.
الوقت الان » 03:37 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd