بطل يا ناصر الجوهر رغم المعارضين - نادي الهلال السعودي - شبكة الزعيم

MAN MAN · #1 20/11/2008, 03:08 AM

السلام عليكم ..

في اي خسارة للمنتخب على طول ياتي الوم على راس المدرب السعودي ناصر الجوهر ..واشوف المواضيع كلها على المدرب ناصر الجوهر ليش لا اعلم

اعتقد اللي يعرف كوره وشاهد الاعلام قبل المباراة والاجواء اللي عاشها المدرب لو زاجالوا ما قدر يسوي اكثر من اللي سواه ناصر الجوهر ..

مدرب من بعد ما اعلن التشكيلة وهو يحارب من الاهلي ومن الاعلام على شانه ما ضم لاعبين الاهلي ولا ضم نور ولا الدعيع ولا لاعبين من النصر وقالوا مالك مصاب واليوم يطالبون فيه يلعب مباراة كبيره يا سبحان الله واي مدرب بالعالم مستحيل يلعب لاعب راجع من اصابه في بداية المباراة ..

ويطالبون ضم نور والكل يعرف ان ضم نور مو بيد الجوهر..

مدرب يفقد افضل ظهير ايمين وهجوم كامل بقيادة ياسر وسعد ومالك وان لعب 10 دقايق .. وش تبيه يسوي يا فالح اذا غاب ياسر عن الهلال او ما هو في مستواه ما فاز الهلال والامثله كثيرة ..

فرصه تضيع على خط السته الشوط الاول وبلنتي صحيح وطرد وش تبيه يسوي ياللي تطالب باقاله الجوهر .. ؟؟

وايضا طرد للاعب الكوري اللي ضرب الفريدي كفيل بانه يلخبط اوراق مدرب كوريا ..!!

انت ياللي تقول السلطان والهزازي قبل المباراة وانتم جالسين تطبلون لهم وتمدحون فيهم والهزازي لاعب المنتخب الاولمبي على فكرة والظاهر كثيرين ما يدرون ..

ويوم جت الهزيمة صاروا ما يفهمون كووره ولا يعرفون يلعبون وقليلين خبرة ورحتوا رجعتوا للارشيف ..

الاعلام المرئي والمقروء حتى انا كنا نقول نحن عقدة للكوريين ورما راح يفوزون علينا لو نلعب بالفنايل بس واغاني وحوسه وكاننا ضامنين الفوز وشوف الترشيحات الي بالمنتديات والجرايد وتعرف ..

الاعبين كانوا مضغوطين نفسيا وهذا ملاحظ عليهم .... اولهم تكر وعبده عطيف ..؟؟

والله ثم والله لو فاز المنتخب ما راينا كل هذا وخاصه على المدرب ناصر الجوهر ..واول عنوان منتخبنا لا يتاثر بالنقص وو ... وو ... الخ واغاني للفجر ..

تحياتي الخالصه