بــ إختصــــــــار


إذا أردنـــــــا منتخب يتأهل الى كأس العالم بـ كل سهولة ويسيطر على آسيـــا في جميع البطولات سواء على مستوى الاندية او المنتخبات السنية او الكبار وغيرهــا .....

يجب أن :

ننظم دوري بـ شكل عالمي ومن دون اي توقفات او تقديمات او تأخيرات

التنازل عن المشاركة في البطولات العربية و الخليجية وغيرها لانها تؤثر على سير الدوري السعودي ((والذي يجب أن يكون مقدس بالنسبة لـ الاتحاد السعودي لانه اذا كان منظم ويسير بشكل عالمي راح يدر ذهب على الاتحاد السعودي وعلى الاندية والمشاراكات العربية والخليجية لن تزيد الا اخفاق )), واذا كان من الصعوبة التنازل عنها يجب ان تكون البطولات الخليجية والعربية على مستوى الاندية فقط وتقام في وقت تجهيز الاندية العربية لـ دورياتها المحلية (( في العطل )).

تطوير العمل التنظيمي لـ جميع لجان الاتحاد السعودي لكرة القدم وخصوصا لجنة المسابقات .

تطوير البنية التحتية لـ جميع الاندية وخصوصاً الاندية التي لها فرق في الدرجة الممتازة في الدرجات السنية .

تحفيز الاندية على الاهتمام بالدرجات السنية بـ (زيادة قيمة جوائز البطولات السعودية على مستوى الدرجات السنية ((لكي تجبر الاندية على الاهتمام بالدرجات السنية )) ودعم الاندية التي توجد في الدرجة الممتازة على مستوى الفئات السنية واستحداث دوري لـ الدرجة الاولى للفئات السنية ولابد من زيادة عدد المباريات التي تلعبها الفرق السنية سواءاً بزيادة عدد فرق الدوري او زيادة البطولات السنية )


وفيه الكثير من النقاط المهمة ولكن التي ذكرتها تعتبر هي الاهم .

أمـــاعن المبـــاراة فـ أعتقد ان المسؤول الاول والاخير عن المستوى المخيبه هو ((ناصر الجوهر )) مع احترامي للي يقول (( الغيابات والحكم )).

لانه لم يستطع قرائة طريقة لعب كورياج التي تعتمد على اللعب عن طريق الاطراف والسرعة واللياقة العالية .

وكان من المفترض أن يشرك أجنحة هجومية للحد من تقدم أظهرة كورياج ولـ استغلال الفراغات التي يحدثها تقدمهم بـ اشراك ((صانع العاب خبير )) . واشراك كل لاعب في محله وشفنا كيف كان الظهير الايمن مسرح للهجوم الكوري بسبب وجود البدين ((اسامه المولد)) وأعتقد ان افضل تشكيلة كان من المفترض ان يشركها الجوهر امام كورياج :

الدعيع

الزوري ............. المرشدي .........هوساوي ............. حسن معاذ

عزيز ............ كريري


نور

عبدالرحمن القحطاني ...................... عبده عطيف

الشمراني

وفي هذه التشكيلة تستطيع ان تسيطر على وسط الملعب وتضغط على حامل الكرة وتغطي الاطراف وتلعب عالاطراف ((لان المنتخب المقابل يعتمد على الهجوم عن طريق الاطراف )) ويكون الاعتماد في هذه التشكيلة على ((نور)) و((عبدالرحمن القحطاني )) و (( عبده عطيف ))في الهجوم وفي الدفاع على ((عزيز )) و((كريري )) و((القحطاني )) و((عطيف)) .

يا أخوان هذة خطط مهروووووسة

كلام من ذهب طلعت الي في خاطري :)



في مبارة اليوم وضح ان المنتخب يمشي بمهارت الاعبين لابتكتيك مدرب ولاخطط !!
والمهاره وحدها لاتكفي ماضيعنا الا المهارات الفرديه نبي منتخب لعب جماعي المهارات الفرديه صارت عدوى في منتخبات السنيه بجميع مرحلها من المنتخب الاول شباب وناشئين وهذا الي بيضر المنتخب اكثر من انه يفيدنا لان بعض الاعبين لايسخرون هذه المهاره في مصلحة المنتخب

سوء تمرير عدم تركيز عدم ضغط على حامل الكوره مدرب غير قادر على قرائة الخصم وهذا واضح من خلال الشوط الثاني
بامكانه اخرج السلطان طول الشوط الاول والثاني ماقدم شي يتفرض عليه كمدرب اخراجه بسرعه ودخول الراهب وستغلال سرعته وتحركاته في هذا الوقت لان خط الدفاع الكوري قل عطائه في شوط الثاني وبامكانه ان يشكل خطر على مرامهم كذالك من المتفرض عليه اخراج الشلهوب بسرع وقت او من بداية الشوط ثاني ودخول الفريدي

حتى بعد الطرد تاخر اكثر في تغيير وكان من المتفرض التغير بسرعه يبابا انت خسران المفروض تغير بسرعه تتنظر لايش؟ عشان تغير؟ وانت مهزوم ومطرود منك مهاجم والمهاجم الثاني نايم وعندك وسط وجوده مثل عدمه !! انا ماقهرني الا بعد ماقال مالك معاذ انه يقدر يلعب شوط كامل بس هذا تكيتك من المدرب اي تكتيك واليرحم والديك عندك لاعب مثل مالك معاذ دخله 10 دقايق وكان يحاول !! طيب لو دخلته يابو تكيتك من بداية الشوط الثاني وش بيضرك!!

بصراحه الوسط عندنا يحتاج لمحمد نور في ظل عدم ثبات مستوى محمد الشلهوب مره يبدع ومره يختفي
ماله داعي المجاملات تدخل لاعب مهاجم في الاحتياط في ناديه والاعب الاساسي وهداف الدوري غير موجود !

يعني اتمنى انها تكون قرصة اذن لمسؤلين ولناصر الجوهر ويحاول تصحيح الاخطاء الفنيه ومع عودة المصابين في خط الهجوم وبكتمال صفوف المنتخب بيكون اداء غير
واتمنى ان يكون لنا امل في التاهل وكذالك ان تكون نتائج المنتخبات من صالحنا

شـكرا لك .. صدقني لن تنجح رياضتنا السعودية إلا بـ : تجديد الدماء من رأس الهرم إلى أسفله في الاتحاد السعودي و في الرئاسة العامة لرعاية الشباب ، و كذلك في اللجان العاملة .

ارفع لك القبعة اخوي !
كلامك صحيح 100 %
آآآه يا أنجوس :(

توأم الزعيم ... تسلم يمينك .. مللنا من المجاملات ..



على شكل سريع ملاحظاتي :

1- عميد لاعبي العالم لايضم للمنتخب .. صحيح انه معتزل دوليا ... لكن لن يرفض نداء الوطن ..
2-الجوهر .. يقول طال عمره .. في مؤتمر الصحفي في الفتره الماضيه انه لايحتاج لمحمد نور و .. و .... إلخ ...
وانه هو الادرى والاعلم بما يحتاجه المنتخب السعودي من لاعبين .. وفي حاله احتياج المنتخب للاعبين فسوف يتم
إستدعائهم ... سؤال يطرح نفسه ... اين البحث او الوصول لنقطه استقرار الفريق ؟؟ فنيا ؟؟ عناصريا ؟؟ اليس من اكبر مقومات
نجاح المنتخبات والفرق العالميه .. هوا تجانس لاعبي الفريق مع بضعهم البعض ومعرفتهم بأدائهم الجماعي ؟؟
3-سلطان الرياضه .. لكل جواد كبوة ... وصح المثل اللي يقول اتغدى فيهم قبل ماتعشون فيني ... والغداء : التحكيم .


الله يعوض فيك يامنتخبنا اذا جلست على هالوضع المزري ...
والله وطنيتي تخليني اتحمل اللي جالس يصير املا في الامل السعيد ... ان ينسخه نفسه من الماضي العتيد

:bigeek:كلام سليم .. يعني تخيلوا لاعبين المنتخب بدون مهارات .. كان النتيجه تاريخيه :bigeek: ..

انا ابغى افهم شي واحد بس يا سيد ناصر .. لاعب لم يلعب مباراة رسمية من شهر رمضان تقريبا .. تلعبه أساسي أمام منتخب كوريا ليــــش ؟ .. لاعب احتياط في ناديه تلعبه أساسي وتترك ناصر الشمراني .. ليش ؟ :upset: ..

موضوع محمد نور غــــــــامض .. والنتيجة أعصاب جماهير ذنبها الوحيد انها تعشق منتخب بلدها ..

من متى والمنتخب السعودي ينتظر نتائج المنتخبات الآسيويه .. ؟ .. الا مع ناصر ..

ناصر الجوهر خدم المنتخب الكوري خدمه غاليه عليهم .. وهي فك العقده وفي أرضنا بعد ,, يعني طالما ان ناصر الجوهر موجود .. فالله يستر ..

_______

أشكرك اختي هلاليه على الرد والتعقيب .. وبالتوفيق لمنتخبنا ..

لاحياة لمن تنادي ..

سلطان !! .. ما اقول الا رحمة الله عليك يافيصل بن فهد ..

ما اقول الا .. الله يعدّلــها عن الضلع والميل ..

_____

الله يعطيك العافيه على مرورك ..

مشكوووووووووووووووور ويعطيك العافيه هذا الي اقدر اقولها بس

كلامك صحيح
لكن لا حياة لمن تنادي !!!!

مرور الكرام اشكرك على مرورك الكريم ..