اسباب الخسارة
 

اول شي مانبغى نتكلم عن التحكيم لأني بصراحة مو مقتنع انه بلنتي دعونا نناقش ناصر الجوهر المدرب الفاشل:

أولاً: في اختيار اللاعبين من البداية:

اللاعبين المستحقون الانضمام للمنتخب: محمد نووووووور، حمد المنتشري ، عبدالرحمن القحطاني

اللاعب محمد نور: افضل لاعب في الدوري السعودي يقول ناصر الجوهر لسؤال احد الصحفيين في المؤتمر الاخير عن سبب عدم اختياره في تشكيلة المنتخب تدرون وش رد؟
يقول واضع خطط معينه وانا مااحتاجه في خططي والله شي مضحك
انا اتوقع مشكلة محمد نور مع الاتحاد السعودي

حمد المنتشري: لو انه بجنب اسامه هوساوي كان افضل بكثير

عبدالرحمن القحطاني: هو افضل و الا الشلهوب

اللاعبين لايستحقون اللعب في المنتخب: محمد الشلهوب، رضا تكر

محمد الشلهوب: لاعب كبير ولكن مستواه طايح من زمان وكلنا عارفين حتى اللاعب نفسه يبغى يرتاح شوي ويلعبونه بالقوة.

رضا تكر: الجمهور السعودي دائما يشتكي منه.

أخطاء تكتيكية في المباراة :

1- ليش يلعب اسامة المولد ظهير ايمن هو يلعب قلب يعني ماعندنا اظهره؟

2- يلعب فيصل السلطان في الصندوق و هزازي يستلم الكور وهذا غلط نعرف ان ميزة الهزازي ضربات الرأس وضعيف في استلام الكورة والمشي بها يعني تلعبه في الصندوق يعني يكون العكس.

3- دخول الفريدي صح انه حرك النص شوي ولكن نعلم جميعا ان المنتخب الكوري يمتاز بالسرعة يعني الفريدي ماينفع المفروض يدخل تيسير الجاسم

افضل اللاعبين في المباراة (أحمد عطيف و اسامة هوساوي):smilie47:

ملاحظة : بعض الجمهور كان يقول ليش مايدخل مالك من بدري ياخي مالك راجع من اصابة و باقي ماتأقلم مع المباريات.