|
معا لتطوير مستوى محمدالعنبر في ظل غياب ياسر في الفترة المقبله+ردود افعال الاعضاء بسم الله الرحمن الرحيم اسعد الله مساؤكم ايها الزعماء نظرا لــ الكلام الكثير حول ما أثير بالنسبة للمهاجم الدولي محمد العنبر الحديث الذي لايسمن ولايغني من جوع اذا لم يكون مردودة سلبي لن يكون ابدا مردودة ايجابي .... ايها الزعماء لننظر الى مشاركات اللاعب محمد العنبر من بداية الموسم ... كم مباراة لعب محمد العنبر او بالاحرى كم دقيقة لعب... دائما يلعب في اخر الشوط الثاني ... لذالك السبب محمدالعنبر بل النجم القادم محمد العنبر لم يأخذ فرصتة الكافية لأثبات وجودة ... والدليل انه في الوديات يبدع ويسجل ... بسبب اعطائة الفرصة الكافية ... وايضا الدليل تسجيلة هدف في مباراة الرائد الودية الماضية...لذا نستنتج ان محمد العنبر لازالت الحاسة التهديفية لدية موجودة وايضا بقوة خصوصا في الرأس ... يامن تتكلم عن محمد العنبر ارجع وشاهد هدفة مع المنتخب امام كوريا الجنوبية... شاهد الهاتريك الذي سجلة في ابها في كأس الامير فيصل عام 2005 ..بالعربي ارجع الى مكتبة الهلال وشاهد اهدافة... يعني ارجو من الجماهير الهلالية رجاء خاصا لاتهدمو اللاعبين بألسنتكم ...م سواء محمد العنبر او غيرة من اللاعبين لان ذالك تهدمة نفسيا ... يا اخوي شفها لنفسك انت تخيل انك مكان اي لاعب ولم يحالفك الحظ في عدد من المباريات وتدخل المنتدى وتقرا اشخاص كاتبين..اعتزل .. لازم ينسق... لازم يعار ..اكيد رايح ينزل مستواك... اخوي الهلالي لا انت ولا انا اعرف بمصلحة الفريق بكثر الرئيس الامير عبدالرحمن بن مساعد... فماذا قال عن محمد العنبر((لو كان محمد االعنر موجودا في نادي اخر لدفعنا الغالي والنفيس من أجل استقطابة)) ردود الاعظاء: الشقردي $ الهلال يل يا محمد العنبر هاذا فرصتك قمر الكون هلال العنبر ياليت تطور نفسك عندك فرصه لاتفوتها مطشش الهلالي يالله يالعنبر فرررررررررررررصتك لو مااستغليتها؟؟؟؟؟؟؟؟؟ 14هلال السماء20 يل يا محمد العنبر هاذا فرصتك هاوووووي نواااااف تمنى انه يستفيد منها العنبر لكي يثبت نفسه امام المدرب هلالي بالعقل هذي فرصتك يالعنبر >>> كلمة مؤثرة وجدا قوية ،، فرصة كبيره بل هي اكبر فرصة لا تحصل لكثير من اللاعبين ،، كلمة تعبر عن تعلق اماااااال شعب كامل اسمه جمهور الزعيم بلاعب اسمه محمد العنبر . هي رجاء واي رجاء هي طلب واي طلب هي نخوه واي نخوه هي اااماااال هي انتصار هي فوز هي تاريخ هي بطوله هي .... هي .... هي ... مانيو و هلالينو إنشالله يبدع العنبر ولا تضغطو عليه عنده مقومات النجاح بس يبي له يطور نفسه و ثقة بالنفسة مورينهو السعودية الله يوفق الهلال والعنبر ثقتنا كبيرة بكــل من يلبس شعار الهلال لانهم تحت إدارة أبو فيصل اللهالهلالي الوسيــــــم يوفقه وان شاء الله فيه الخير والبركة هلالي مزاااج والله..إني..أناظر..كوريا..والسعوديه..على..القناه..الرياضيه.<<أقسم..بالله..ماصدقت..إنه..العنبر.. خورـــآآآفي..ان..شاء..الله..يرجع..مستواهـ..بالتوفيق..للجميع STS2005 اتوقع .. هذي هي الفرصه الذهبيــه للعنبر .. الحمد لله جاهز فنيا يعني مافيه اصابات .. وعنده خط وسط ناري وصانعي لعب .. يعني احنا مانبي اكثر انه يرجع لمستواه .. واهدافه .. ونذكره بحسـمه لبطوله ولي العهد مع القادسيه وهدفه في كوريا .. الأزرق النفيس إن شاء الله نشوف العنبر يرجع لمستواه أول..والله لو كان على نفس مستواه السابق قبل الإصابه كان يكون هو وياسر أساسي.. الله يكتب الي فيه الخيره..وبالتوفيق للزعيم في قادم الأيام. قاتل الثواني انت لاعب كبير يامحمد العنبر اتمنى ان تنتصر على عاطفتك وترجع الينا محمد العنبر 2005_2006ونت قادر انشاء الله على العودة وسلام عليكم ورحمة الله وبركاتة اتمنى ان يكون عند حسن الضن .. لان الفرص في نادي الهلال نادره جدا .. ولا مكان الا للنجوم .. |
اتمنى من احد الاعضاء اهداء تصميم لمحمد العنبر |
الصويلح أولى بلا عنبر بلا خرابيط العنبر قبل قب ماتجيه إصابه الحين مافيش مخ |
والله ان العنبر مبدع لكن بعض الجماهير تبي اللي يسجل في كل مباراة ياناس العنبر انقطع لفترة عن اللعب يعني لازم نشجعه ونوقف معه مو نحطمه نسيتو اول ما جاء للزعيم وش سوى مع الفريق الاولمبي وحتى الأول لاعب يتميز براس وقدم قويه |
كيف الحال اخوي اي تطوير يالله يطورونه امانة مدينة الرياض |
مافي امل حرام في الهلال ان شاء الله وراء العنقري تنسيق |
كلامكـ صحيح عزيزي وهذا كلام العقل وكلنا معاااااااااااااك يا ابو عنبر انت شد حيلك شوي بس وموفق يا ابو حميد |
أقول عاد بلا خرابيط زايدة ....كشخص كريم العنبر عالعين والراس ....بس كلاعب (والآن) لاااااا والله ما عنده سالفة بصراحة .....لا وبعد تبي تشركه من البداية ....وعلى حساب نتايجنا وعشان نعطيه فرصة إيه عادي!! خاصة إنا مرة يعني النقاط مضيّقة علينا عادي خلنا نعطيه فرصة ....سلامات!! مركز صيفي فاتحين ...والا حصة رياضة يمكن!! إلا لو إنّه قادر يعطي وعنده حسّ تهديفي يبين من أولها ....تكفون لا ترفعون ضغطي ما عاد بقى إلا هي بعد ..... |
رجاء الي يرد يرد زي الناس والا يكرمنا بسكوتة |
الله يجازي اللي كان السبب والله العنبر انه يحتاج الى تاهيل نفسي اما كرة القدم فهو استاذ يدرس فنون الكرة ولو ياخذوا براي يعيرونه لاحد الاندية القريبه منا والتي تلعب بالممتاز |
الصراحه لما شفت مستوى هجوم منتخبنا اليوم .. قلت الله يحللك يالعنبر .. على الاقل العنبر مستواه نزل لكن هجوم المنتخب اليوم هذا قمة مستواهم .. |
هههههههههههههههههههههههههههههههههههههههههه والله أأسمحلي على الضحكه صراحه تقووووووووول يتطور العنبر والله شي مضحك بدال ماتقوووووووول يلغون عقده ينسقونه تقول يطورونه ضاقت الدنيا عااااااد مابقى الا ذا يتطور مسسسسستواه سئ للغايه |
شوف اذا انت تقرب له ماهى مشكله نقول يبى يفزع له<<<< ليه حرب هى خخخ لاكن اذا كنت تقولها من جدك وعن قناعه فاقولك وانا اخوك والله انك ماتفقه بالكوره شى,, بس ريحنا الحين العنبر حاطه لاعب كورهـ ياولد انت تقوله بكامل قواك العقليه,,, يارجال هاذا درجه ثالثه في بنغلادش وتخب عليه,,, عزالله انها نقطه سوداء في تاريخ ادارتك يابن مساعد تصريحك الفاشل عن العنبر.. اقول اكتبوا مواضيع مفيده ولا بلاش تكتبون تابعوا احسن لكم خخخخ شكل التايب يبى يترك الزعيم بسبب العنبر والسعود . |
رجااااااااااااااااااااااااااااااااااااااء لا احد يرد خلاص مااااااااااااااااااااانبي رد |
إقتباس:
ان المنتخب الكوري لعب المباراه بدون محترفيه بعدين ارجع للمباراه وشف العنبر وش سوى غير الهدف العنبر اخذ فرصته اكثر من مره بس للأسف مهو بمستوى الزعيم |
| الوقت المعتمد في المنتدى بتوقيت جرينتش +3.
الوقت الان » 08:19 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd