|
بعض جماهير مخ مقفل واتوقع انهم دخلاء على الهلالليين |
والله العنبر اخذ كامل فرصته بس المنتدى لازم تجامل مافيه اي مميزه بطى الحركه ومافيه كنترول ولامهاراه اتمنى حفظ الصفحه واذكركم غير ياسر مافيه هجوم |
السلام عليكم يا اخوي انا اشكرا اني حطيتني اول واحد وكل كلامك صحيح الله ان العنبر لاعب وبطل بس عطوه فرصه لاتنسوا قول محمد العنبر علي كوريا (ج) وهاردك يل منتخب وشكرا |
إقتباس:
اما ان تقصر مشاركته على دقائق معدوده فلا تنتظر ان يعود خاصة اذا عرفنا ان غير مرغوب به من الجماهير غير الواعيه |
شف يا خوي أحس أني رحمتك والله .....لا مقفل ولا شي ولا دخيلين ولا شي الا هلاليين عن أب وجد وحتى النخاع وقبل لا تولد بعد لو تبي أتحداك .....بس موضوعك بصراحه ما كان بمحله ويا ليت صدق تقفله .....أخاف إنك العنبر بس !! والله تعزّه كشخص بس كلاعب خلاص أخذ فرصته ....ولا هو بمستوى الزعيم بصراحه .....لا وموقعين معه خمس سنين قدّام بعد ...أحس والله العالم إنها وحدة من الثنتين .....يا أن عنده واسطة قوية وإلا أنّه بارّ بأمه وتدعيله بإن الله يسخّر له ملايكة السماء وجنود الأرض .....لأن عزّ الله أن الإدارة مو قاعدة تشوف فيه اللي نشوفه ....معميها الله ..بس عاد أنت يا قاتل الثواني لا تصير نفيسة وزعول ....تستاهل ما جاك أجل ذي سالفة !!! قل الله يعجّل برجعتك يا ياسر ...الله يوفقك يالدوسري ....الفرصة خلنا نعطيها للمؤشر ...وغيره من اللي توهم طالعين ....والعنبر يحمد ربّه ....راتبه وماشي وعنده هدفه بكوريا إنجاز ...وبس عاد خلصنا |
عاشق الزعيم 999 شكرا على الكلام وسوف تبدي لك الايام ماتشاء |
انا حاس ان العنبر هو الي بيشيل الهجوم بعد فترة توقف ياسرما أدري ليش وخاصه وراهـ طارق وولي والشلهوب والفريدي وجنبه الصويلح يعني دعواتكم له |
بعص الجمهور الهلالي لن تستطيع أن تقنعه مهما حاولت حتى إن أحد الذين يشنون حملة على العنبر في المنتديات الهلالية طلبت منه أن يشاهد مباراة كوريا والتي أحرز فيها العنبر هدفه الشهير فماذا تتوقع كان رده بعد أن شاهد الهدف؟؟ لقد قال لي بأنه هدف عادي جداً وأن هدف الصويلح برأسه في مباراة الرائد الودية أفضل منه!!! فكيف تريد أن تقنع هذه الجماهير ومشجع آخر كتب موضوعا يفول فيه ماذا قدم العنبر للهلال؟؟؟ فبرأيي أن كأس ولي العهد إذا لم تكن إنجازاً وهي التي كانت سابقا مؤهلة لدوري أبطال آسيا فما مقياس الإنجاز عنده!! أخيرا لست والله قريباً للعنبر ولكن أقول باختصار العنبر لاعب يمكن أن تحتاجه إذا كنت ضاغطاً على الخصم ويمكن أن تستفيد منه الاستفادة الكبيرة إذا لعب بجواره مهاجم سريع وسيندم الهلاليون كثيراً إن نسقوه أقول إن بالتوفيق للفريق الهلالي في المرحلة القادمة،،، اللهم آمين |
بصراحه ان العنبر هو علة كوزمين داخل بواسطه ولاشفنا منه شي يعني الاولى اعارته او تنسيقه وجلب مهاجم يفيد الفريق حاليا ومستقبلا |
والله ما اعتقد احنا نبي نرفع معنوياته اكثر من كلام الأمير عبدالله بن مساعد حنما قال لو العنبر في فريق ثاني كان دفعنا الغالي والنفيس وجبناه !! ولكن يجب هو من يطور نفسه في نفسه !! |
والله بعد ياااااااااسر لا يوجد هجوم |
إقتباس:
فيه مناقشات بعقل أطرح موضوعك بعقلانية وأنتظر الردود المفيدة للجميع لكن أن تفرض على الجميع مدح العنبر دون أنتقاد ... أعتقد أنك أخترت المكان الخطأ اذا اردت أن تمدحه اعمل له موقع خاص واكتب فيه ماتريد لكن العنبر .. للاسف أخذ الفرصة كاملة ولو به شمس كان من أمس تقبل مروري بسعة صدر |
يا حبيبي العنبر فاشل عطيناه الفرصة الكافيه واتمنى تنسيقة او اعارته لان وجوده في الملعب ماله اي فايده واتمنى من ادراة الهلال اعارته يالبى قلبك يالصويلح الصويلح المهاجم القادم بقوة والهلال مو محتاج للعنبر |
محمد العنبر يعجبني كثير ومثل ماقلت الفرصه قليله الله يوفقه |
طيب يالله خلينا نجامل علشان خاطرك بس بنشوق وش اخرتها مع العنبر |
| الوقت المعتمد في المنتدى بتوقيت جرينتش +3.
الوقت الان » 07:59 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd