|
سـر مكالمتي مع فهـد الروقي.. والسوسه للاسف مازالت (تنـخر) حيــــــــــــــــــــــاكم تذكرون سالفة (كــالون) ؟؟ ذاك اليوم.. كان يوم خميس.. وكان لي مقال في جريدة الرياض في ذاك المقال (حطّيت) على منصور البلوي وشرشحته بلا هواده وماخليت شي ماقلته في هالطفيلي هذا رابط المقال المهم في نفس اليوم اللي نزل فيه المقال.. صارت حركة (اختطاف كالون) الشهيرة يعني سبحان الله كانت صدفه خير من الف ميعاد في الصباح انا قلت ان الآدمي (مفسد) وسوسة تنخر في جسد التنافس الشريف.. وفي المساء هو يؤكد كلامي ويقوم بفعلته النكراء اللي كانت سابقة خطيرة ووصمة عار في جبين الرياضه والروح الرياضيه واذكر اني من بكرا.. اقصد يوم الجمعه بعد العصر.. اتصلت باستاذي / فهد الروقي بالجريدة فمازحني قائلا : والله انا شاك فيك.. شكل البلوي معطيك خبر قبل يسويها وبعد ان حلفت له بأني احد عبيد الله الغافلين وابن عبده وابن أمته.. والسالفه كانت صدفه سألته : وش تتوقع يصير لهالشخص بعد هالحركه ؟؟ قال فهد الروقي : صدقني ماراح تعدي على خير.. وهالمخرّب بيلقى جزاءه والحين بعد سنه كامله من هالسالفه يرجع البلوي من الصفوف الخلفيه ويحاول مجددا انه يحارش ويقاشر رجال الزعيم.. فبعد ان (توهق) بقيمة عقد نور بسبب ذكاء اللاعب وضغطه على البلوي بورقة الهلال.. رجع لنا الحبيب بتصريح (خبيث) يتحدث فيه عن ياسر القحطاني ويقول ان قيمة ياسر تسوى اكثر من 35 او 40 مليون.. في محاوله بائسه وطفوليه لتأليب اللاعب على ادارة ناديه.. (يعني يبغى ياسر يسوي مع الادارة مثل ماسوّى نور معه) لكن للاسف غاب عن ذهن هالعبقري (عبقريه عكسيه بكل تأكيد) غاب عنه ان ياسر اكبر من تفاهاته.. والظاهر انه نسى رد ياسر عليه وعلى فلوسه قبل كم سنه !! ياجماعة الخير ادعوا معي ان الله يخلص الساحة الرياضية من هالرجل والله العظيم من يوم شفناه ماشفنا الا كل (شر) خرّب .. وافسد .. وصارت المنافسه بوجوده (حرب) والله اني ما انسى ذاك اللقاء مع اللاعب / صالح الصقري في الموسم الماضي بعد مباراة الهلال والاتحاد في ملعب الملز.. اللي انتهت بالتعادل لمّا سأله العضيبي عن التوتر بين الفريقين.. قال : والله حنا اللاعبين مابيننا أي شي.. بالعكس كلنا حبايب.. لكن بعض الاداريين هم اللي يشحنون الجماهير ويسببون الازمه.. (وشهد شاهد من اهلها) الله يذكر ايام اول بالخير ايام (اتّي وهلالي واحد) ايام كانت جماهير الاتحاد تملأ مدرجات ستاد جده لمساندة الهلال.. وتتوشح بالشالات الزرقاء بكل روعه قبل يجي هالسوسه.. ويدمر كل شي بحركاته الطفوليه لاحول ولا قوة الا بالله العلي العظيم |
ابو طبيع ما يجوز عن طبعه00:nono: |
والله ماعرف له الا نور لعب عليه بالهلال لما جدد له البلوي هذا الهلال مسبب له أزمه ولاحظوا لاعبين الاتحاد اذا بغوا يجددون قالوا الهلااااال :naughty: .. عارفينه بيجيهم يطامر وينفذ شروطهم !! كبير يالزعــــيم اما موضوع ياسر خلوه يحلم به :stoned: الا ان كانه يبي يلبس عبايه ثانيه :razz: |
يارجال حنا وش علينا !! اهم شئ عندي الهلال يكوش على البطولات بس . وبالنسبة للبلوي الواقفين معاه هم جمهور النصر وبعض الاتحاديين لكن مادام ابن مساعد رئيسنا باذن الله مانخاف:naughty: وبعدين النصراوين كل شئ ضدنا وفي الاخير يسون مثلنا :d جريدة الراضي اول من قاطعها حنا وامتلى منتداهم سب واننا لا نقبل الحقيقة وانها جريدة حيادية والــخ .. وتمر الايام ونور يسجل هدفه الشهير << احسن هدف بالدوري :d جابها بالزاوية من جد هدف خورافي :naughty: ونفس الحكاية مع ار تي وتثبت الايام كلامي ويجي ويوم من الايام يقاطعون ابوظبي بس اصبر شوي . |
مسلسـل نــــور ...... ونتهــى |
ياخوووي وليه إنتو خايفين من البلووي اللي شاف الماقبله مع الامير نواف بن سعد يتأكد إن الهلال في أيدي أمينه ولا البلوي ولا غيره يقدر يتجرأ على الزعيم ومن ناحيه إنه مخرب فمو غريبه عليه هو هدفه الاول والاخير الاعلام وإنه يكون راز وجهه ومتحدي وفي الاخير ياخذها على راسه اما موضوع ياسر انا اتوقع الرد بيكون من ياسر شخصيا .. |
الفضيخ قدامه الآن رجال لديهم سيوف وهم عبد الرحمن بن مساعد وكذالك نواف بن سعد بكلمه ينقلب السحر على الساحر مثقفين إلى أعلى درجه ويعرفون من أين تؤكل الكتف |
|
إقتباس:
أيه والله كانت علاقة الهلال مع الإتحاد لا أقول مثل الأخوة بل مثل الجسد الواحد أيام رئاسة أحمد مسعود بينما عندما جاء البلوي فسدت العلاقات الإتحادية الهلالية من جانب الإتحاد فقط ومشكورين على النوضوع |
لاتفتحون لنا ابواب نور وعقده والبلوي مايقدر يرفع خشمه.... |
إقتباس:
الف شكر لمرورك |
إقتباس:
والله انه ماينام الليل بسبب الهلال وهذا هو سبب حركات الاطفال اللي دايم يتحفنا بها ضد الزعيم الله يخلص الملاعب منه ومن حركاته الف شكر لمرورك |
رزق الهبل على المجانين ومن حصل شيء يستاهله والقانون لايحمي المغفلين المسكين ضيع الورثه يحاول بحط راسه مع الرووس اللي مقامها عالي اسئل عن احوال جماعته بمدينة الوجه اليس الاقربون اولى بالمعروف 30 مليون تصرف على الجمعيات الخيريه اللي بالمملكه كان دفعها عن روح اللي ورث لهم هالملايين بارك الله بك اخي الحبيب |
يبي ياسر يصور معه ويرجع لنا مافيه مشكله لان الاشكال هذي تحب الترزز |
إقتباس:
الف شكر |
| الوقت المعتمد في المنتدى بتوقيت جرينتش +3.
الوقت الان » 05:36 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd