|
اخر لاعب هلالي سجل هدف وتوجه للجمهور ؟ من هو ؟ عشقي تيماوي يعود اليكم من جديد ** كمشجع هلالي غيور يهمني بالدرجه الاولى الكيان بغض النظر عمن يمثله سواءا كان الجيل الذهبي وهو بداياتي لمعاصرة الكوره ام كان محمد لطف والمسعري وعبده صبياني اللاعبين المجتهدين ام كان الجيل الذي اتى بولاده متعسره كان بطلها ( فهد المصيبيح ) بعد ابعاد النجوم وظهور الشايع والمطرف وبقيتهم الباقيه ** او حتى بعد ظهور جيل مابعد النكبه الاسيويه والذي اعاد للهلال بعضا من بريقه البطولاتي فقط , ولكن دعونا نتوقف هنا قليلا , هذا الجيل واقصد جيل 1425 ومافوق جيل الصويلح وياسر والعنبر والفريدي والشلهوب , ظهرت عليه بعض من الصفات الغريبه والخاطئه والتي لاتمت للهلال بصلة اطلاقا , ** فما عرف عن لاعبينا انهم حماسيين الى درجة ان يلعب احدهم ووالده بالعناية المركزه وان يبيع الاخر حر ماله لانعاش خزنة الهلال وان يصاب ثالثهم بست اصابات ومع ذلك يستمر باللعب ** الجيل الحالي يلعب وكأنه مغصوب على اللعب وعلى مبدأ ( تأدية واجب لاكثر ) ولايكاد يوجد ن يلعب بروح سوى الدعيع ( ماتبقى من العصر الذهبي ) والليبي التائب فقط وشئ من عزيز ** اذا كان الاحتراف يلغي الولاء والعشق للنادي فهو انحراف , ** حتى لو سألت اي مشجع هلالي منكم متى اخر مره سجل اللاعب الهلالي هدف وتوجه لتحية الجمهور ؟ لكانت الاجابه لانعلم وربما نعود للخلف اكثر من سنه لناتي بهذه اللقطه ** تخيلوا من البرود الحاصل ان اللاعب يستحي او يتعايب الركض نحو الجمهور .؟ ويكتفي بالوقوف او الذهاب لصانع الهدف ** لو سألت بعضكم متى اخر مره توجه اللاعبين لتحية الجمهور بعد المباراه كما يفعل الاتحاد كل مره ؟ لكانت الاجابة لانعلم .!! ** كل ماسبق هي مقومات للحضور الجماهيري فتفاعل اللاعب مع الجمهور هو الداعم الحقيقي للحضور مره اخرى , فليس من المعقول ان يصرخ الجمهور طوال المباراه باسم ( سامي سامي ) وسامي للاسف معطيهم ظهر ولايرد , كما حصل مع جمهور الرس .!! ** وليس من المعقول اني ارى لاعبين الاتحاد بهذه الاخوه الجماهيريه بعد كل مباراه , ومن ثم تسألني : لماذا جمهور الاتحاد يعشق ناديه ؟ ** باحد المبارايات التائب يجر اللاعبين جر لتحية الجمهور , واللاعبين بكل بروده يرفضون ؟ ولمن يريد ان يتأكد فهي مباراه الشباب والهلال 4/0 بالملز وكنت احد الشهود للاسف ** اوصلت حالة التهميش الى ان يقول احد لاعبين الفريق ( اللي بالمدرج يتفرج ) ومع ذلك تجد من يطبل له ويحاول ان يفهمنا انه صح واننا فهمنا غلط .!! ** انا وغيري ناتي من ابعد المسافات ونقطع الاف الكيلوات لكي نقابل بـ ( تفرج وانت ساكت ) ؟ هذي ماقالها ابو يعقوب تقولها انت .؟ ** كل مايريده المشجع الذي قد تراه بسيط وقد يكون اكبر منك عقل يافلان او علان هو تقدير , لعب وروح بالملعب تفاعل مع الجمهور , لكي تضل كوره قدم حقيقيه , فالجمهور هو المتعه ** تخيلوا احد كبار السن وعمره قارب الخمسين , هل يرضى بأن يقال له ( تفرج وانت ساكت ) .؟ مع انه يشاهد الكوره قبل ان يولد ذلك اللاعب ( فأسفاهـ ) ** كل ماسبق ليس تبرير ولكن هذا الحق , فالانسان لو اتاك مره واخرى وبدون تقدير له صدقني لن ياتي غيرها ..!! تحياتي واشواقي |
اخـــــوي اشكرك على موضوعك ولكن لاعبيناا اغلبيتهم اذا سجلوا هدف يتوجهون للجمهور مثل ياسر على الاتفاق في النهائي والتايب اامام الوحده في مكه والتايب بين الشوط الهلال والنصر دوري الـ16 كاس ولي العهد وتقبل مروري |
أنا معاك في نقاط كثيرة جدا .. تقبل تحياتي .. |
ياسر لما جاب قول على النصر في المباراة الأخير صفق للجمهور و هو متجه لملعب الهلال ؟ و الموضوع مو كأنه قديم و كتبه أحد الأعضاء !!!!!!!!!!!!!!!!!! |
الجمهور يتحمل ذلك لكن ليس جميع الأهداف بالتوفيق للزعيم |
لو سألت بعضكم متى اخر مره توجه اللاعبين لتحية الجمهور بعد المباراه كما يفعل الاتحاد كل مره الاتحاد والنصر يذهبوووووون لجمهورهم لو رايتم سعد الحارثي في مباراة النصر الاخيره توجه للجمهور اما لا عبينا من بعيد لبعيد فقط كانهم خايفين ليه؟ مدري وموووووضوعك قيم فيه ناس تجي من الاف الكيلوات وسكاتين بس |
وموووووضوعك قيم فيه ناس تجي من الاف الكيلوات وسكاتين بس |
معك فى ان الهلال يلعب بدون روح يعني تاديه واجب ومن غير نفس واحيان اتمنى ان الفريق المنافس يسجل هدف عشان تصحى الروح الهلاليه والسوااال ليه غابت الروحالهلاليه . اتوقع لن الاعبين لم يتدرجوا فى الفئات السنيه واكثرهم مستقطبين من انديه اخرى |
لي وجهة نظر أخرى ... أرى أن غياب فن الهلال وروح الهلال بغياب خطته الهجوميه ... كلنا يعلم ان الهلال لو سجل هدف فالدقيقة الاولى الشوط الاول ... يدافع ولا تشوف له ولا هجمه ... الهلال لازم يرجع لطرقه القديمه خصوصا ان عنده دفاع ممتاز ومحاور ممتازين لتعود روح الهلال وهيبته ... بالنسبة لتحية الجمهور ... والله ما ننتظر من نجومنا ذولا شيء زين ... مع احترامي لهم الحارثي قدام الوطني قدر جمهوره ... حنا والله لو يمتلي الملعب ونفوز الواحد يطلع وهو منزل راسه ... ولا سلام ولا كلام اتوقع الثقافة والمستوى التعليمي هو اللي يخلي بعض النجوم ما يحسبون حساب لجماهيرهم تقبل تحياتي و رأيي |
إقتباس:
|
اخوي كلام الي بتقوله ان كنت ناوي اقوله وين زمان الاعبين الي يركض لم الجمهور ويروح يحيهم زمان سامي ويوسف والنعيمه ياناس خله يجيب قول ولا يفوز فريقه على طول للجمهور الحين تفوز بكاس وبعض الاعبين مايحتفل مع جمهوره !؟ ياناس شوفو لاعبين االاتحاد والنصر الحارثي اول مايجب قول وين يروح الدغيثر اول مايصرح على طول شكر للجمهور حنا تهميش غير طبيعي محمد بن فيصل الله يذكره بالخير هو الي يشيد فينا ابها امتلى الملعب لم نرى احد يتكلم عن الجمهور الرائد امتلى لم ارى احد يتكلم عن الجمهور عكس ادارة النصر والاتحاد حضرو ماحضرو راح نمدحهم يوم السبت راح يمتلي الملعب تتوقعون فيه احد راح يتكلم من المسؤالين والاعبين اتمنى ذالك وفي النهائيه احب اقولهم اسال النعيمه عشان يعلمكم معنى الوفاء يلعب وابوه يسوي عمليه ولايهون سامي اليوم يلعب مكسر خشمه واليوم يلعب وابوه بالعنايه وفيه لاعبين لاجاهم زكمه كبر الموضوع المهم ياشعب الهلال الوعدالسبت ان شاء الله |
يابابا ياشاطر لا تقول كلام ماتدري عنه كماتشو لما سجل في العين الاماراتي راح للجمهور ومن اول اهداف الشلهوب كلها يقف على لوحات الاعلانات ويحيي الجمهور وهدف طارق التايب على النصر في دور ال16 في كاس ولي العهد راح للجمهور وانا اخوك لاتكتب شي ماتدري عنه بس خاش عرض |
إقتباس:
عشقي التيماوي اهنيك على موضوعك وفكرك الراقي واوافقك بكل كلمه قلتها .. تحياتي |
لا تزعل نفسك اخوي ..... كله يهوووووووووووووووون لعيون الكيان الهلالي العظيم ..... تاكد لولا هالجمهور ماكان فيه هلال النجوم تذهب ويبقى الهلال s13ss13ss13s |
الزمن هذا أختلف من أول يلعبون لأنهم يحبون شي أسمه كورة أما اليوم أكثر الاعبين يلعبون عشان الفلوس تحياتي .... |
| الوقت المعتمد في المنتدى بتوقيت جرينتش +3.
الوقت الان » 02:56 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd