|
الهجوم أكبر مشكله في الزعيم السلام عليكم ورحمة الله وبركاته صباح الخير & مساء الخير لكل الزعماء والزعيمات أولاً / أحب أبارك لنا جميعاَ على رفع الايقاف عن البرنس الليبي طارق التايب . ثانياً / الحمدلله فريقنا وزعيمنا كويس ولا فيه اي مشاكل بس الفتره الي راحت الحمدلله على كل حال أزمه وعدت من ناحية الحارس اقوى حارس عندنا والله يخلي ابوعبدالعزيز والدفاع دفاعنا قوي وكويس وشوفوهم في المنتخب أما الوسط فحدث ولا حرج ما شاء الله عليهم لا نصكهم بعين ويرحون فيها ( طارق التايب , ويلي , الفريدي , وعيال الدوسري 2 , الغامدي , خالد عزيز , الشلهوب صح مستواه نازل من بعد وفاة أمه لان امه تعنيله الكثير بشكل ما تتصورون وبعدها وفاة ابوه بس صدقوني والله يمر بضروف الله يعلم فيها مو ضروف ماليه لا نفسيه والله يعينه الكلام مو كلامي كلام اخوه وانا اعرف اخوه معرفه شخصيه ولازم نوقف مع الموهوب لانه والله يكابر في الهلال وفي المنتخب وان شاء الله يرجع الموهوب مثل اول واحسن . ثالثاً / الهجوم عندنا مشكله اذا اصيب ياسر او الصويلح وين البديل بالله عليكم البديل العنبر او فهد سرور اقل شيئ فهد احسن من العنبر لازم يكون فيه اسماء ثانيه ولازم الاداره الهلاليه برئاسة الامير عبدالرحمن بن مساعد تتعقد مع مهاجمين محليين والله يد وحده ما تصفق بالله احد عنده هذا الوسط كله وما عند هجوم والله ما نبغى الا مهاجم ينهي الكوره في الموسم الماضي الصويلح من بداية الدوري وهو مصاب وياسر ارهق من كثر ما يلعب لازم مهاجم محلي . الفرصه جت الين عند الاداره الهلاليه السهلاوي يفضل العب للهلال باالعربي نفس حركة ياسر قبل ما يجي للهلال ورئيسنا يقول لو بجيب السهلاوي جبت مهاجم عالمي طيب هذا شيئ حلو بس كم راح ياخذ المهاجم العالمي وكم راح يأخذ السهلاوي لا والمهاجم العالمي راح يجلس في الهلال سنه سنتين ويروح لكن السهلاوي راح توقع معه عقدين او اكثر . والله الي ناقص الهلال هو مهاجمين بس أتمنى من الامير عبدالرحمن بن مساعد يتعاقد مع السهلاوي واتمنى من ادارة شبكو الزعيم ايصاله هذه الرساله وتقبلو ودي |
صح واللة السهلاوي لاعب كويس وممتاز جدااااا اتمنى من الادارة الهلالية توقع معاه |
الزعيم يحتاج إلى أكثر من مهاجم في المنطقه الأماميه فبالإضافه للسهلاوي لابد من وجود مهاجم أجنبي هداف ولا يقل مستواه عن ياسر...هذا إن أردنا تحقيق الآسيويه لأن الآسيويه ومن بعدها الموندياليه"بإذن الله" تحتاج إلى لاعبين من ذوي النفس الطويل والخبره ومن لديهم القدره على التعامل مع اجواء المباريات الكبيره والقويه.. ولايمنع من بعد ذلك أن يكون هناك لاعبين محليين كالسهلاوي يستعين بهم المدرب متى مارأى ذلك.. والجميل في ذلك أن يكون لديك أكثر من خيار "كمدرب" في حال مادعت الحاجه أما بخصوص الشلهوب وقضية هبوط مستواه الحاد فحلها سهل جداً وهو أن تدعه يأخذ إستراحة (إستراحة محارب) حتى وإن طالت لموسم أوموسمين.. لأنه من الظلم للاعب مثل الشلهوب أن يستمر وهو بهذا الوضع الفني والنفسي السيء فالمتضرر الأول والأخير يبقى هو الزعيم دمت بود |
السهلاوي أتمنى أنهمـ يخلصون موضوعهـ ويتعاقدون معهـ ملينا من بداية الموسمـ ونحن في هذا الموضوع...!!! وحتى لو جاء السهلاوي ما يكفي لازمـ مهاجمـ ... وانا أقول دامـ السهلاوي بيجي.. مولازمـ مهاجمـ عالمي بسعر مبالغ فيه. أتمنى الموهبه الكويتيه الفذهـ أحــــــــــــــمــــــــد عــــــــجـــــــب.. لن يكون سعرهـ مبالغ فيهـ. تقبل مروري؛؛ |
نعم عندنا نقص في الهجوم ياسر ارهق كثيرا وتوالت عليه الإصابات اتمنى ان نرى مهاجم مميز مع ياسر شكرا لك برفيسور |
الرئيس يقولكم لاعب عالمي وانتم تبون السهلاوي |
الهجوم ازمه احنا خلقناها لاننا ماندي شبابنا فرصه يعني عندنا 3 رؤوس حربه شباب ممتازين [عبدالعزيز الكلثم ـ سلمان مؤشر ـ سلمان الفرج] اللي نلعبه وسط ايمن ونعيره واللي يلعب ويسجل رايح جاي في الوحده ونجلسه احتياط عرفتواااا مين اللي خلق الازمه ..!؟ |
احبك وانت ناسيني انا ما اختلف معك في ان رئيسنا يجيب لاعب عالمي وهذا الشيئ احنا نطالب فيه اساساً بس النقطه الي انا اقولها ان الاعب الاجنبي كم راح يجلس عندك وكم راح يأخذ من الملايين . لكن السهلاوي عقده خمس سنوات وبكم راح يطلع علينا وممكن ان الاداره تجدد معه اكثر من عقد وبعدين الاعب يبي الهلال او يجلس في ناديه وبعدين اذا جاء مع الهلال ومع الاعبين الموجودين راح يكتسب الخبره وراح ينافس ياسر والصويلح وفهد سرور والعنبر لان هذا الشيئ من مصلحتنا اذا كان فيه اكثر من مهاجم الكل راح يقول انا بلعب كويس عشان فيه مهاجم في الاحتياط لكن اذا ما عندك احد غير الموجود بيقول ما فيه مشكله لاعب لاعب مافيه غيري انا وكم مهاجم بس اذا كان فيه كذا مهاجم راح يخلق التنافس الشريف بين المهاجمين جميعاً . وفي الاخير احنا نبحث عن مصلحة الهلال انا وانت وجميع الاعضاء . |
| الوقت المعتمد في المنتدى بتوقيت جرينتش +3.
الوقت الان » 11:36 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd