بسم الله الرحمن الرحيم

اليوم وانا اقرأ في الصحف اخبار زعيمنا شفت هالخبر

الشمري يطلب إطلاق سراحه وينشد المرمى الاتفاقي

الرياض - عبدالعزيز العمر الحياة - 14/11/08//
اقترب حارس الهلال فهد الشمري من الانتقال إلى نادي الاتفاق في فترة التسجيل الثانية عن طريق الإعارة، بعد أن جددت الإدارة الاتفاقية طلبها للحارس، وينتظر الهلاليون عودة الرئيس من الخارج لحسم الأمور من الإدارتين، خصوصاً أن الاتفاق يحتاج إلى تدعيم في مركز الحراسة.
وكانت الإدارة الهلالية رفضت الطلب الاتفاقي في الفترة الأولى، ووعدت الشمري بالتنازل عنه لمصلحة الاتفاق إذا لم تعط له فرصة المشاركة، وأصر الحارس على إفساح المجال له لحماية «عرين» أحد الفرق، عقب مباراة الهلال والأهلي الودية التي شارك فيها الحارس حسن العتيبي من دون أن تتاح له فرصة المشاركة فيها، وتمسك الشمري بالانتقال من دون الالتفات للمبلغ، خصوصاً أنه يرغب في المشاركة أساسياً، حتى لا يتأثر مستواه.



لنفرض ان محمد الدعيع اصيب لاسمح لله او قرر الاعتزال زي ماسوى العام

هل يستحق العتيبي تمثيل الهلال

انا بنظري ان حراسته ضعيفه وبقوه بعد وارجعوا لمباريات المعسكر وشوفوا

حراسته اشلون يسنتر وسط الباب ويطالع الأهداف وهي تدخل وكانه وضع

لتصوير الأهداف ولم يوضع لردها

لذلك نتمنى من الأداره الإبقاء على الشمري ولغربته باللعب وعشان لايفقد حساسيتة

للحراسه نخلي الدعيع يمسك مبارتين والشمري مباراة وهكذا الشمري هو مستقبل

الهلال بالحراسه لانه مبدع الله لايضره ومانبي نخسره اذا جت وقت حاجتنا له

قوليـلهم يـروقـون .. الشمـري فنـان وصغـير وان شاء الله هو اللى يغطـى مكـان الدعيـع اذا اعتـزل

إذا حصل ذلك فالله يخلف على هلالنا!!
حيث لا يوجد مقارنه بين الرائع والواعد فهد الشمري و المستهلك حسن !!!!!!

لكن أنا متأكد ان إدارة نادينا واعيه ولا يمكن حدوث مثل ذلك.

والله لو يسوون العكس اصرف،

يعيرون العتيبي ويبقون لنا الشمري،

يعني انتي معارضه على اعارته او على ابقاء العتيبي ؟

مع احترامي لـ هم كلهم الا ان مكانهم مو الهلال

إقتباس الرسالة الأصلية كتبت بواسطة هامور البورصه يعني انتي معارضه على اعارته او على ابقاء العتيبي ؟ مع احترامي لـ هم كلهم الا ان مكانهم مو الهلال

أنت بعد والله المنتدا هذا مهو مكانك .. دام هذا ردك

فهد لو اعطي الفرصه .. .. كان الحين ..حااااامي عرين المنتخب


عطـــــــــــــو ســـــــــدإُح فــــــــــــــرصـــــــــــــه ..

شوف حبيبي أما مسألة الدعيع مباراتين والشمري مباراة هاذي مع أحترامي تصير في فريق حواري وليس الهلال لأن الحارس لايتم تغيرة ألا بأصابة أو أيقاف ولاكن أنا أتمنى مشاركة الشمري لأنه بصراحة مستقبل حراسة الهلال وبنسبة للكبتن محمد الدعيع الأسد وحامي عرين الزعيم فأنا متأكد بأن هذا الموسم هو الموسم الأخير للكبتن محمد والجميع يشاهد كيف نفسيت الكبتن محمد والملل من الكورة ولاكن أعتقد بأن ذهاب الكبتن فهد الشمري بنضام الأعارة أفضل من جلوسة حتى يرجع لنا الموسم القادم بمستوى متميز ....... وشكراً

على الاداره اعارة العتيبي والابقاء على الشمري




ويعيدون عمل العام الماضي عندما اعارو العيبي للقادسيه

يآليت العكــــس

يتم اعارة العتيبي والإبقاء على الشمــــري

إقتباس الرسالة الأصلية كتبت بواسطة يـ! ,,,ــر 20 يآليت العكــــس يتم اعارة العتيبي والإبقاء على الشمــــري

والله كلامك سليم 100 % العتيبي وش سوا نفس شي لا مستوى

بالعكس الشمري صغير وله مستقبل كبير

يارب يبقووون الشمري ويعيرون او يعرضون العتيبي للانتقال لانه لايوازي ربع مستوى الشمري واللهم اكتب الصالح للزعيم

اقسم بالله لو يروح الشمري للاتفاق ويبقى العتيبي والسبب مستوى فني ان الهلال يدار بالواسطه العتيبي له 12 سنه مع الهلال ماقدم الا المطامر والخروج من المرمى والشمري هو خير من يكون في المرمى بعد الدعيع ياناس فكونا من العتيبي وابقوا الشمري واتركوا المجامل والمحسوبيه على حساب الهلال فالنفرض لا قدر الله انصاب الدعيع من سيحمى العرين الهلالي هل سيكون العتيبي بصراحه هزلت وتكسحت

الله يختار اللي فيه خير للجميع وللهلال

الحقيقه غير الواقع

فهد بصراحه ممتاز كثير
وعنده تميز في التصدي حق ضربات الجزاء بشكل حلوووو

لكن من تشكيلة الفريق تقول انو العتيبي هو الحارس التاني بعد الدعيع يعني انسى يا فهد

يعني من باب حب الخير حق فهد خلوه ياخذ فرصته مع نادي تاني بالاعاااااره فقط لا غير

تحياتي لكم