مشكلة .. وأريد حلها ..!!!!!
 

أولاً : السلام عليكم ورحمة الله وبركاته ..

كيفكم يا زعماء ويا زعيمات ؟؟ عساكم بخير ؟؟

ثانياً > وهو أهم شي < :
(( ان شالله ما ينحذف الموضوع أو يكون الموضوع مخالف للقوانين )) ..

ثالثاً : ندخل في صلب الموضوع ..
هذي الرسالة لكم من الوالدة - الله يحفظها - .. وتبيكم تدورن لها حل لأنها ولأننا عجزنا حنا نلاقي حل .. وهذا هو نص الرسالة ..::::-

(( أنا أم وعندي ولد اسمه // فراس عمره (14) سنة .. أتعبني كثيراً بحب الهلال بدرجة الجنووون .. حتى اني بدأت أشك في أن دمه أزرق ,, يفرح لفرح الهلال ويزعل ويعصب إذا انهزم الهلال ويحزن إذا صار لأي لاعب مكروه أو إصابه أو توقيف ..
أخاف على ابني كثيراً من حب الهلال لأنه صار شغله الشاغل ,, ينام ويصحى واسم الهلال على لسانه ,, ينزل الصباح للمدرسة وهو نازل من الدرج يغني للهلال ,, ويرجع من المدرسة من قبل لا يدخل البيت وهو يغني في الهلال أعرف ان فراس وصل من أغاني الهلال ..
أنا لا أبالغ ولكنها الحقيقة ,, حتى في المدرسة لا يلبس في حصة الرياضة الا فانيلة الهلال ويمسك حارس مرمى حتى يصير مثل الدعيع ,, وما يجي للبيت بعد حصة الرياضة الا عظامه توجعه ويقول : يا ماما دهنيني !! ,, رجلي ويدي توجعني !! ..
قلت : يا ولدي لا تطلع حارس مرمى خلك مهاجم مثل ياسر !!!
قال : أبي أصير حارس مرمى مثل الدعيع عليه الكلام !!!
ولكن ..
في الفترة الأخيرة تألمت كثيراً لأني اكتشفت ان ابني ياخذ من مصروفه اليومي ومن عيديته أحياناً ويجمعها حتى صارت (300) ريال ,, وجاء بها لي وقال : بكم يا ماما عضوية الهلال ؟؟
صعقت وتألمت بماذا أرد عليه !؟
ولكني سألته : ليه تسأل ؟؟!
قال : أريد ان اشترك بهذه الفلوس بعضوية الهلال ..
وهنا أطالبكم بالمساعدة .. ماذا أرد على ابني ؟؟!!
وبماذا أجيبه ؟؟!! وهو يسأل عن شي من كيانه الأزرق ؟؟!!
وكيف أخفف هذا الحب الكبير عن ابني ؟؟ >> أعرف انه من سابع المستحيلات !!
ولماذا لا يكون هناك بطاقة عضوية للأطفال وما دون (16) سنة حتى لو (300) ريال سنوياً أو على الأقل كل ستة شهور ..!؟
ولكم تحياتي .. الحائرة أم فراس )) ..
نتمنى منكم التفاعل مع الموضوع وإعطاء الحل المجدي فيه ..
وشكراً لكم تعاونكم ..

الله يحفظه لك ويخليه

مشكله ولدك عويصه صراحه وحبه للهلال هو اللي خلاه يسأل هالسؤال

بس عضوية للأطفال والله أنا اشوفها صعبه شوي من كل النواحي

ايه صح هي الفكرة صعبة شوي .. بس وش أسوي أنا ..؟؟:naughty:

ما على الرسول الا البلاغ :surprised:..

والله هي ما هي مرتاحة .. والسبب الهلال ..>> من زود الحب :smilie47:

بصراحه مثل هالموضوع المفروض من ادارة الموقع يوصلونه الى ادارة النادي

لان غير فراس الاف الطلاب يفكرون نفس تفكيره

لكن لايجدون من يساعدهم

يا زين هالولــــــــــــــــــــــــد...
ياليت يسمعون منك..
كان صفيت اخواني قدام النادي صف...
خخخخخ

حتى انا اخوي معوّق لا يسمع ولا يتكلم ..


أقسم بالله كل مبآرآة يهآوش اللاعبين بحركة يدّه وٍ يصآرٍخ و يزعل إذ1 أنهزم الهلآل ..


يموت بشي أسمه يآسر والدعيع و الخثرآن والفريدي ..


يعشق حركة السهم بشكل جنوني إلى أني وصلت للنادي و بحثت عن يآسر في شتّى الفرص والسبل لـ الوصول إليه وتحقيق حلم هذ1 الطفل ..

و يعشق أيضا ً سامي الجابر وحركته الشهيره ( قلب الهلآل النابض ) في مباراتنا امام الحزم قبل العام الماضي في كأس ولي العهد ,,





لكن للأسف حرّاس الأمن رفضوا ذلـك وكأنـي أبحث عن ( قتل ) ياسر .؟

و في كل يوم يسئل عن موعد المباراة و متى و في أي يوٍم





إلى درجة مباراة المنتخب قبل شوي .. يسئل يآسر وينه ههههههههههههههه يآآآحبي له يآآششششششيخ







عموما ً الله يعين و يوفّق ,,

طيب وش يبي بالعضوية لية مايسجل بنادي لاعب

هناك عضوية للهلال ب 300 ريال
ولمدة سنة للمعلوميه
لكنها ليس عضوية شرف
فقط عضوية نادي
دخول النادي ,مشاهدت التمارين,الاستفادة من منشأت النادي والالتقاء بالاعبين داخل النادي

زعماء نصف الكرة الارضية
يسلمو يسلمو يسلمو

تسلمون على الرود زعماء ..

الاخو ( سامي 20 الفريدي ) .. انت تسأل ليه ما يسجل لاعب ؟؟
الناس وظروفها .. حنا بعيدين عن النادي .. ويننا وين النادي !!

عشان كذا ما يقدر يسجل لاعب ..

والا هو ميت بشي اسمه الهلال ..!!!

ها يا حلوين وين التفاعل ؟؟؟