|
جمهور الشرقية ما قصر مع الامارات ... فما بالك بالزعيم ..!!!!! أولا : أبارك لأخواننا و حبايبنا الاماراتيين بمناسبة التأهل للنهائي الآسيوي للشباب ..... ثانياً : اللي شاهد الجمهور السعودي الوفي والمخلص لكل ما هو سعودي بشكل خاص وعربي بشكل عام .... جمهور الشرقية وما أدراك ما جمهور الشرقية .... وقفته وقفة رجاجيل مع اخواننا الاماراتيين .... طيب يا جماعة .... اللي شاف المباراة البارحة بين الامارات واستراليا وكيف كان الجمهور الشرقاوي .... يجاوبني على السؤال ..: في مباراة الزعيم والاتفاق .. هل يحتاج الجمهور الى دعوة ؟؟... أرجوا الاجابة بصراحة .... صدقوني أنا خايف على الجمهور من التزاحم اللي بيصير في المباراة القادمة .... أنا راح أحضر من الأحساء ان شاء الله .... عاد يا أهل الدمام اذا فزنا عشونا :clap::clap: أتمنى التوفيق للزعيم وجماهيره ... وايضا لشقيقنا نادي الاتفاق وجماهيره ..... تحياتي / سناوي هلالي |
الله يعطيكم العااااافيه ما فيها شك اكيد جمهور الشرقيه وجمهور الهلال كله واحد ووقفتهم وحده وادري تقصد جمهور الرياض مثل الموضيع الاخرى في المنتدى كأن الجماهير هم السبب الوحيد في التعادل مع الوحده !! ولا تسوون شوشره وتفرقه بين الجماهير ياخي الناس يمكن عندهم ظرووف وانت ما دري عن جو الرياض يوم مبارات الوحده امطار ونص الشوارع مسكره من الامطار وخاصه الي قريبه من الملعب وبعدين الملعب يعيد واخر الرياض شرق الرياض وبرغم اني حظرت انا لاني من سكان شرق الرياض وقريب الملعب لي والشوارع كلها امطار وما تقدر تمشي معها والاستاذ سعته 85 الف !! بالله عليك لو الملعب هذا في الشرقيه بيصير فيه زحمه جماهير حرام عليك تحكم على ملعب سعته 25 الف وينقسم نصفين بين جماهير الفريقين وتقوول جماهير المنطقه الفلانيه اكثر !! بعدين جماهير الهلال وحده لا وسطى ولا شرقيه ولا غربيه ولا غيره جماهير الهلال وبس مانبي تفرقه جماهير وبعدين المفروض تعدل يوم مبارات النصر والهلال اكيد شفت الجماهير كيف ومن اكثر الهلال او النصر انا كنت من ظمن الحضوور لاني مثل ماقلت لك انا قريب من الملعب اجي مشي بعد ولا تفوتني مباراه للزعيم بس اقووولك جماهير الهلال وحده ولا تدخلووووون التفرقه والفتنه بينها واسمحلي على الاطاله |
وشدراك انهم هلاليين الف شكر للجمهور الى وقف مع المنتخب الاماراتي الشقيق واقول لهم الف مبروك الفوز وعقبال الكاس للامارات وانا عندي احساس ان جمهورنا في الشرقيه في مباراه الهلال والاتفاق رايح يحضرون والى برا اكثر من الى داخل |
وش دراك انهم هلاليين .................... |
جماهير الهلال وحده لا وسطى ولا شرقيه ولا غربيه ولا غيره جماهير الهلال وبس مانبي تفرقه جماهير |
إقتباس:
انت رحت الموضوع ثاني .... أنا مو قصدي أسوي تفرقة مثل ما تقول .... بس حبيت أقول أن الشرقية المباريات اللي فيها تكون قليلة ... والجمهور متعطش للمباريات ... وصدقني يا اخوي انا ما أفرق جمهور الشرقية والوسطى والغربية .... وحتى الشمالية والجنوبية كلهم للزعيم فقط .... لكن من باب التشجيع فقط لاغير ... ثق تماما أخي أننا لم ولن ننسى وقفاتكم مع زعيمنا .... وخاصة في الأوقات الصعبة ... وأخيرا أعتذر اذا فهم كلامي غلط أو أنا كتبته بأسلوب خاطئ .... لكن هذا قصدي من الموضوع .... تحياتي / سناوي هلالي |
كل جمهور يبرهن على قوة حظوره إلا جمهور الرياااااض :( |
جمهور الهلال صاحب اليد الطولى والكلمه الحاسمه باذن الله واهو مو محتاج دعوه ومبروك الف مبروك لاخواننا الاماراتيين بجد فرحت لهم .. كأس اسيا حليفكم ان شا الله |
إقتباس:
أخوي أنا ما أفرق ولا طريت تفرقة ... كلنا للزعيم .... بس من باب التشجيع فقط لا غير ..... أنا مقدر ظروف أهل الرياض ... وأنا من الواقفين ضد من يجعل الجمهور شماعة لتعادل الهلال مع الوحدة .... شباب أرجوكم لا تفسرون الكلام بحساسية زيادة .... والله ان جمهور الرياض وقف وقفات ما راح تنسي للأبد ..... وعذروني مرة ثانية اذا أخطأت في التعبير عن رأيي .... تحياتي / سناوي هلالي |
| الوقت المعتمد في المنتدى بتوقيت جرينتش +3.
الوقت الان » 04:16 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd