الهلال وتعاقده مع محمد نور .. ارجو دخول الجميــ ع للاهميه لإضاح بعض النقاط بسم الله الرحمن الرحيم السلام عليكم ورحمة الله وبركاته ~ ياجمهور الازرق سمعنا في اخر الايام عن المفاوضات من كابتن نادي الاتحاد محمد نور وكان هناك مطالبه قويه من الجمهور الهلالي لضمه لصفوف نادينا .. ولكن ليس بالاسلوب هذا .. من هو محمد نور لكي يجعل الجمهور يتلهف وينتظر ويترقب عندنا من هم افضل من نور شي غريب .. وانا اتوقع من سابع المستحيلات خروج نور من ناديه .. لانه الاسطوره الاتحاديه والاتحاد نور ونور الاتحاد .. من منكم توقع او فكر بيوم من الايام خروج سامي الجابر لنادي منافس ؟؟ * كنا نقول مستحيل ادخلوا منتدى الاتحاد وشفو وش جالسين يكتوب عن جمهورنا عندنا افضل من محمد نور .. عندنا افضل صانع العاب عربي البرنس طارق التايب :smilie47: .. عندنا النجم الشاب احمد الفريدي :smilie47: .. ومحمد الشلهوب :smilie47: الكل يتمنى نور في الهلال ولكن صعبه جدا ولامستحيل في كرة القدم ابن مساعد ماراح يقصر ووعد بمهاجم عالمي .... واحتمال التعاقد مع كامل المر ومحمد السهلاوي .. يعني الهلال كبير وماراح يشكل اضافه كبيره اذا تعاقد مع نور وهناك ملاحظه بسيطه عن المبلغ .. احتمال يصل الملبغ الى 70 مليون للتعاقد مع نور الاتحاد وهذا مبلغ خيالي ولا يستحقه اي لاعب سعودي وبكل صراحه الاداره الحاليه بقيادة الامير عبدالرحمن بن مساعد :smilie47: بكل الطرق تحاول ارضاء الجمهور الهلالي... وبأذن الله الايام القادمه نسمع اخبار سعيده واللي ابي اوصله للجمهور الهلالي.. ماابي احد ينصدم اذا نور جدد لنـــاديه وان تعاقدنا معه بحول الله وقوته فالفضل يعود لله ومن ثم لرئيسنا :smilie47: الله يكتب اللي فيه الخير لنــــــادينا :smilie47: نمر بظروف قاسيه الان ( طارق موقوف - ياسر مصاب - انخفاض مستوى الشلهوب - معسكر المنتخب وارهاق لاعبينا - ضياع النقاط امام اسهل الفرق ) وفالاخير ودعواتكم للكابتن ياسر القحطاني ... والله يقومه بالسلامه في اقرب وقت واسف على الاطاله |
لاهنت يالغالي على الموضوع ننتظر ولانسابق الاحداث جدد نور للاتي والا وقع للهلال كل شي وبوقته حلووو ------------- بالنسبه :: لياسر القحطاني .. الله يقومه بالسلامه ومايشوووف شر ابو قحط .. وانشالله بسرعه نشوفه يركض على المستطيل الاخضر ... |
الجمهور الهلالي ما يهمه محمد نور لكن لأن الاتحاد اخذوا الدوخي والعويران قبل كذا فالرغبة هنا ان نرد الحركه ذي فبهم اننا ناخذ نور منهم |
شكراً على الموضوع ياغالي تقبل مروري |
جزاك الله خير على مرورك والله يقوم ياسر بالسلامه ومثل ماقلت كل شي بوقته حلو ويعطيك العافيه |
يعطيكم العافيه والله يكتب اللي فيه الخير للجميع وبالاخص نادينا الهلال |
مشاء الله عليك كتبت فابدعت :) وربي انك صاادق خلاص محمد نورررررر مانبيه مانبيه والله يقوم ياسر بالسلامه ،، |
لا نسبــق الخبر وترى البلوووي ما نسى ياسر يوم وقع مع الهلال يعني بيخسر خسارتين في اقل من 5 سنوات يعني مو خسارة فلووس خسارة تحدي فقط لا غيرررر والبلوووي قالها في برنامج خط السته على حد ما وصلني وسمعت ان البلوووي يقول نور خلصنا منه يعني شكله موقع في بيت البلووي من قوة الخووف على نور لا يرووح لغير الاتحاااد ويكوووون في علمكم ما يطلع من مكه نور الا في حالة انه مل من المشاكل اللي بتصير والله اشك انه بيطلع وعندي احساس يقول 70% بيطلع وان وقع مع الاتحاد هذا شي وارد |
مع كامل احترامي لتاريخ محمد الشلهوب الا اني كهلالي لا اتوقع ان يقدم ما سيقدمه الذهبي طارق التايب و الواعد الفريدي في هذا الموسم !! تسألني عن نور أقولك اتمناه اليوم قبل بكره , فمنها استفيد منه فنيا و منها اضعف منافسي !! محمد نور ما عنده شغل انا ابن النادي و انا ولائي للنادي !! الاعب قال اذا لم يلبي الاتحاد مطالبي فسوف أنتقل !! توقعي الشخصي أن الاعب لن ينتقل و لكن كل شيء جايز في العالم !! و لا تنسى موضوع الغالي كشاف رسمي و الذي اشار الى نية شبيه الريح لجلب نور !! اذا كان عرض الاتحاد لنور قد قدم بعد دخول فترة الستة أشهر الأخيرة من عقده فان هذا يعني أن الاعب حر و بالتالي سيكون قريبا جدا من هلالنا !! |
انا غير مؤيد للتعاقد مع نور صح نور لاعب مستواه يفيد اي نادي لكن حرام تتعاقد مع الادارة بمبلغ 30 مليون !! ثلاثين مليون اجيب فيها ( كامل المر اعطيه 8 مليون ، أجيب السهلاوي اعطيه 10 مليون ، 10 مليون اتعاقد فيها لمدة سنة مع لاعب آسيوي في حالة طبق النظام في المسابقات المحلية ) باقي مليونين اوقع عقد احترافي مع أحمد الفريدي ويستاهل اكثر بعد |
صجيتونا ورب البيت بنور خلاص ياناس قسم بالله لو أنه كاكا ماصارت كل هالضجه عطيتوه اكبر من حجمه .. وعلى فكره نور ماراح يجي للهلال وراح يوقع للإتحاد الا في حالة إن الهلال راح يدفع 70 مليون عشان يتعاقد معه .!! ... وأعتقد شي مستحيل ويعطيك العافيه ..، |
يا خبر اليوم بفلوس ، بكرا ببلاش |
السلام عليكم شكرا اخوي على طرح هالموضوع محمد نور لاعب كبير بس مايصلح للهلال نور اتحادي وحماسه للاتحاد فقط |
كلام سليم بس لاتنسى الفرق بين سامي ونور والهلا ل والاتحاد |
شاكر لمروركم ويعطيكم العافيه على الردود الجميله وتفاعلكم الغير مستغرب ومنورين الموضوع |
الوقت المعتمد في المنتدى بتوقيت جرينتش +3.
الوقت الان » 05:56 PM. |
Powered by: vBulletin Version 3.8.7
Copyright ©2000 - 2024, Jelsoft Enterprises Ltd