لاحظنا المباريات اللي راحت من سخط وغضب من الجمهور على الجمهور انفسهم
لعدم حظور المباريات والتفاعل معها ويمكن تلخيصها بثلاث أسباب

اولا: الأنظمه المعمول بها
بملاعبنا ماعندك تنظيم هنا يعني لازم تجي من العصر بعض المباريات
علشان تلقى لك مكان وطول اليوم جالس
يعني تقوم من مكانك تصلي ولا تبي دوره مياه انسى ترجع لمكانكـ لسبب عدم ترقيم الكراسي
أذكر مره على مااذكر حافظ المدلج ذكر بمقابله يقول حظرت مباره بأوربا ودخلت المعلب قبل المباره 45 دقيقه مافيه الا اعداد بسيطه جدا جدا
لكن قبل تبدا المباره والمعلب فل وربعنا من العصر يفتحون اللمعلب ومايقدرون ينضمونهم الجماهير

ثانيا : بالنسبه لجمهور الهلال
اشوف بعض الناس مبسوط ان الدور الثاني الهلال اغلب مبارياته بالرياض بالعكس العام الهلال
كان يبدع وماخسر ولا نقطه على مااذكر برى الرياض واغلب النقاط اللي خسرها كلها بالرياض انظروا
انظروا للهلال امام الحزم السنه هذي افضل مباره لعبها لو نظرنا للجمهور قليل جدا لصغر الملعب
لكن انظروا الى تفاعله و العبره مهي بكثره الجماهير العبره بتفاعل الجماهير معكـ برى الرياض 85 بالميه يتفاعلون معك
لكن بالرياض 10 بالميه او اقل يتفاعلون معك وهذا احباط للاعب والمشجع نفسه

ملاحظــه :
الكل يلاحظ الجمهور يتفاعل مع طارق بالرياض وكانه قائد الرابطه يتجه للمدرج ويطلب منهم التحفيز لكن خارج الرياض العكس
طارق التايب يتفاعل مع الجمهور وتشفون ابداعاته
برى الرياض افضل بكثير من الرياض

ثالثا : الاقتراحات
اتمنى من الرابطه بدال ما تجتمع بمكان واحد لايتجاوز عددهم 5 بالمائه أن تقسم المدرج الهلالي الى 25 قسم مثلا
وتوزع ثلاثه أو اثنين من اعضاء الرابطه على الاقسام لتحريك المدرج عن بكره ابيه
ويكون كل يحفز القسم اللي ينتمي اليه وتحدي بينهم وبنفس الوقت اذا كان العدد محدود يمكن
السيطره عليهم وجعلهم يتفاعلون معكـ بكذا نضمن تفاعل الاغلبيه

راااكــــد