|
من يجيب هل كالديرون غبي لهالدرجة ؟؟؟ الهزازي لم يكن غبيا الأرجنتيني عندما طلب التعاقد مع العنبر بأي ثمن لأنه يعرف كيف سيستفيد منه لم يكن يجهل امكانيات اللاعب وهو يعرف أنه قد لا يتقن الكنترول جيدا ولا يملك تلك المهارات الرنانة ولكن يملك رأس وقدم قوية ما شاء الله وبعد رفض الادارة الهلالية للطلب تفاجأ بلاعب لم يكن يعلم ببراعته بضربات الرأس فوالله عرفت أنه سينسف عماد متعب من أول مشاركة للهزازي لأنه اللاعب الذي كان يبحث عنه كالديرون ( جاك يامهنا ماتمنى ) واليوم انظروا من الذي أهل الهزازي للمنتخب هل هي مهاراته أم كعباته أم استعراضاته بل رأسه الذهبية الذي تعامل معها كالديرون بذكاء وتجاهلها بغباء كوزمين مع العنبر عندما تنزل اللاعب ولم تعرض الا كورتين أو ثلاث ثم نصب جام غضبنا على اللاعب بعدم بروزه سؤال أخير محيرني ؟؟ هل ألمانيا عندما ركزت على الرأس وسجلت ستة أهداف هل اعتمدوا على هذه الطريقة لضعف لياقتهم !! أم لأنهم لا يعرفون للمرتدات !! أم لأنهم لا يملكون كنترول صح على الكرة !! أو لا يملكون مهارات لتجاوز مدافعين المنتخب !!! أم لأنهم عرفوا بأن الرأس هي الوحيدة التي لايمكن للمدافعين الحد من خطورتها أترك الإجابة لكم تحياتي للجميع |
والله صادق في كل كلمة قلتها لكن ( بعض ) جماهيرنا خصوصا الصغار في العمر يبغون كعب ولا كبري ولا سحبة ! يعني لو تقولهم تبغون نسجل هدف ولا ندخل كبري ! بيقولونلك كبري بكل ثقة &_& الله يصبرنا عليهم :) |
إقتباس:
صراحة عنبرنهو نزل مستوااااه بشكل ملحوووووظ حتى راسياته مو مثل اول انا مع اعارته لفريق يلعب فيه اساسي لو درجة اولى |
و والله >> تورط :d ..!!! بس ياخي الى متى نصبر يعني العنبر أخذ فرصه كبيرهـ وما أثبت جدارته..!! |
بالفعل أتفق معك أخي .. العنبر .. يمتلك رأس وكذالك قدم قوية ماشاء الله .. ومباراته مع الوحدة .. من منتصف ملعب الوحدة تقريباً .. ركل كرة .. قوية وأبعدها الحارس .. العنبر يبغاله يوقف فقط في منطقه الـ 18 .. وسترون أهدافه .. ولا تنسون أنه لسه ما وصل الـ 25 سنة .. وأتفقك معك أخي موبايلي عالم الهلالي |
كلامك صحيح بس عطيناه فرص كثييييره .. وحرام نحطه اساسي في مبارياتنا الجايه الي بدووون دولييين وبعدين نقعد نتحسر على كل هجمه ظاعت.. |
اللي شاف قناة الزعيم اليوم كانت عارضة مباراة الهلال والاهلي على نهائي كأس فيصل السؤال/ هل محمد العنبر في تلك المباراة هو نفسه عنبر اليوم؟ تكفى يامحمد تراك طولتها عاد |
والله صبرنا بما فيه الكفايه ياعنبر يااما حسن من مستواك ولا ريحنا |
اخوي اعتقد ان الكل الحين الحمد لله يفهم بالكورة وانت مانت تكلم ناس جهال ... العنبر الآن اذا ماطور مستواه فهو لا يستحق ارتداء شعار الزعيم تقولي انه مايلعب الا آخر المباراة ودقائق معدودة اقولك اللاعب مهما كان على الأقل يكون عنده حس كروي الكنترول التمركز التصرف بالكرة كل الأشياء هذي مو موجوده با للاعب محمد العنبر واعتقد ان مكانه بفريق درجه اولى ليتمكن من استعادة مستواه ... انا لست متحامل على اللاعب محمد العنبر ولكن مصلحة الزعيم فوق كل الأسماء لأننا بدأنا بالجد فإن لم نتدارك الوقت فسوف نقول مبروك للإتحاد مبروك الدوري من الآن ... تقبل مروري |
انا معك لكن ما حولك احد يفهمه صح |
من جد واقعي :naughty::yes:ياسلام عليك يارماح الهلال:clapping:والله انا معك ميه بالميه:clap: |
كلامك منطقي جدًا واقنعتني بعد ماكنت أكرهـ شي اسمه عنبرينهو :d .. |
العنبر اخذ فرصه اكثر من مره بس للأسف ما اثبت وجوده بالملعب |
إقتباس:
أي فرصة يارجال تصدق إن العنبر الموسم اللي راح مالعب إلا 75 دقيقة في الدوري كامل 75 دقيقة في 22 مباراة ! إذا هذي تسمى فرصة فأنا ماأفهم شي بالكورة :surprised: الموسم هذا مالعب إلا دقايق معدودة ! وللمعلومية : سلطان السعود لعب في مباراتين فقط دقائق أكثر من اللي لعبها العنبر في موسمين |
أخوي " رماح الزعيم " مع إحترامي الشديد لموضوعك وحُبّك للاعب المَدعو " العنبر " إسمح لي أقول لك " غلطان " أولا ً اللاعب " نايف هزازي " لاعب سريع ونشيط ويجيد التمريرات ويقتنص الفرص وهاللاعب بالذات أثبت نفسه من ثاني مُباراة ، يعني شي مُحبط إننا نخسر 3 نقاط تلو الأخرى على حساب من ؟ على حساب الأخ " عنبرينهو " علشان يثبت نفسه وبعدين فيه مقارنه " سقيمه " ذكرتها أنت .. اللي هي المُنتخب الألماني المُنتخب الألماني ياعزيزي يلعب كوره شامله " لعب جماعي " .. وهو المُنتخب الوحيد اللي يلعب بهالطريقه ويتقنها تقريبا ً العالم. وإذا جت على مسألة " ضربات الرأس " فالمنتخب الألماني جسمانيا ً وعقليا ً وروحا ً وحماسا ً ونشاطا ً وقوة ً يختلف إختلاف كلي 100% عن حالنا في الخليج وفي الشرق الأوسط بكبره فكيف تبي لاعب سعودي مايعرف " يتمركز " أساسا ً .. ولايعرف يمرر تمريره قصيره أنه يكون لاعب " يجيد ضربات الرأس " بإتقان ويقتدي بـ لاعبين المُنتخب الألماني اللي يفرقون عننا فرق السماء عن الأرض من جميع النواحي هذولي يسمونهم " الماكينات الألمانيه " يعني يحرثون لك الملعب حرث ويقولون " هل من مزيد " الله يهديك بس .. العنبر مايتقارن بأي شيّ لذلك / اللاعب الذكي واللي عنده وعي وفكر كروي .. يدخل المباراة وهو صافي الذهن ويثبت نفسه من أول أو ثاني مباراة |
في البداية أشكرك أخوي على الموضوع وبصراحة العنبر لم يلعب مبارة كاملة من بعد اصاباته الأخيرة وبذلك كيف نطلب من العنبر أن يصبح لاعب هداف وهو لايلعب ولنأخذ ياسر مثالا كلنا رأينا مستواة كيف كان بعد الأصابة ولاكن بعد تعدد مشاركاته مع الهلال بدأ يتحسن و إلى الآن لم يرجع ياسر لمستواه الحقيقي فبعد ذلك كيف نطالب العنبر أن يكون هدافوهولايلعب...........................وشكرا |
اللاعب الذكي واللي عنده وعي وفكر كروي .. يدخل المباراة وهو صافي الذهن ويثبت نفسه من أول أو ثاني مباراة |
أهم مايميز العنبر ضربات الرأس واقتناصه داخل منطقة الجزاء .. لكن محمد العنبر من بعد الأصابة التي لحقت به في عام 2006 تراجع مستواه للأسوأ . يعني العنبر بالسابق كان ميزته التهديف داخل منطقة الجزاء سواء بالرأس أو القدم . لكن يبقى السؤال هل محمد العنبر يوم إن كان لاعبا هاويا ومبدعا في عام 2005 هو نفسه محمد العنبر بعد توقيع الأحتراف وفي عام 2008 ؟؟ |
إقتباس:
ماعلى كلامك زود ..! يمكن الشي الي يجهله كاتب الموضوع معظم مباريات الهلال في ايطاليا كان العنبر اساسي ولكن الحصليه ولا هدف ..! |
اخي انت بنفسك تدين العنبر من حيث لاتعلم اذا العنبر فعلا كما قلت لايجيد الا ضربات الرأس فهو بالتاكيد لاينفع يعني اي مهاجم لايجيد الا شي واحد مايصلح يكون مهاجم ولك نظره بسيطه ب بيتر كراوش مهاجم ليفربول لايتميز الا بالرأس واغلب المباريات احتياط وهذا فقط رأي |
مـــرحبا بك ياولد العم بس على العموم أدخل في موضوعك المطروووح لن أجيب على سؤالك وأترك الأجــابه لك ............... أمـــا مايخص موقارنتك بالعنبر في هزازي فأنت غلطان مع علمي بأن هزازي أتحــادي بس المقارنه مو من يضرب ويتقن الكره برأسه الـــمقـــارنه مع أحــترامـــي لك ياولد العم ضعيفه ومــو في محلهااااا بتقولي كيف أنـــــــــا قولك لاعب مايجيد ولايتقن لعبت الون تو مع جميع زملائه ولا يشغل عقله أذا كان داخل خط السته مواجهن للمدافعين وللحارس وحتى لو يعرف يضرب برأس معقوله المباراه كلهااا بتكون رفعات ولعب على الأجنحه كلهاااا لعيون العنبر يضرب برأسه ياولد العم شغل عقلك معي وين راحت لعبت المهاجمين من العمق وتفاهم المهاجم مع صانع الألعاب وستخدام المهارات بتمرير القصير وبالمراوغات وتحرك ولخبطت وتشتيت مدافعين الفريق المنافس وفتح العب وسحب المدافعين لأعطاء الفرصه لزميلك المهاجم الأخـــر للعب وستغلاال الفرص للوصول للهدف . ماطوال عليك ياولد العم بس قلي بالله هذي في ((( العنبر ))) ســـــــلام عليك لــــو كنت متمسك في تفكيرك في العنبرررر للحين بس عـــلى العــمــوم تقـــبل تحيات ولد الــــــــعــم لـــــك%% |
صداق بكلامك العنبر مهما كان ماينباع لانه سلاح ممكن تحتاجه بأي وقت |
العنبر ياليت على طول تنسيق والله انه يرفع الضغط الله يستر لايجلطنا قال غباء كوزمين قال اذا كان كوزمين فيه ذرة غباء فهو الوقت اللي ينزل ياسر من المباراة ويدخل العنبر مكانه |
قسم كل اللى قلته صح ونفس التفكير والله |
طيب والي مايبغى كوبري ولا سحبه يبغى بس هدف ولا لقاهـ ويش يسوي؟؟؟؟؟ العنبر ماعنده الا راسه,وراسه اختفت,ولا راح ترجع ؟؟؟؟لان مافي احد يعرف يرفع كوره وحتى لو فيه احد يرفع العنبر خارج التغطيه الين متى والهجوم يعاني؟؟؟؟؟؟ |
والله العالم هذي عجيبة ؟؟؟!!!! اللي يقول صبرنا عليه كثير !!!!واللي يقول عطيناه فرص كثيرة ....؟؟؟ للعلم فقط انا مستعد اراهن اي واحد منكم إن العنبر يلعب 3 مباريات متتاليهأساسي من اول المبارة لآخرها بوجود الفريدي وويلي وأنا أضمن لكم أن يكون العنبر الهداف.... الشغله مو بس يشوت صح ويضرب راس صح العنبر مهاجم مثالي وأهم نقطه فيه هي أن صانع كرة الهدف عندما يريده أمام المرمى سيجده مباشرة لإنه بصراحة ((( يتمركز بشكل ممتاز داخل منطقة ال18))) وهذه اهم نقطة في رأس الحربة التقليدي .......... ملاحظة صغيرة : العنبر بعد ان لعب الهلال 8 مباريات في الدوري لم يشركه كوزمين أكثر من 90 دقيقة في كل المباريات مجتمعه يعني معدل مشاركة العنبر في كل مباراة لايتعدى(( 12 )) دقيقة يعني والله لو هو برق مايمديه يسوي شي ...... |
العنبر يستفيد من راسه لكن مو مستفيد من رجوله و الفرق اللي بينه و بين ياسر ان ياسر يستفيد من رجوله و راسه |
والله العنبر ماعنده ماعند جد خليه يروح و يفكنا من شره |
آول شي باحييك نبهتنا على شي غائب عننا كلنا وهو عدم تركيز كوزمن في التمرينات على الراسيات وخاصه مع العنبر اهنيك على فكرك يالمبدع ولا تحرمنا جديدك |
يارجال ومين اللي حايش عنبر بيه عن التهديف بالراس او القدم القويه؟ العنبر بدأ بداية قويه وسجل اهداف جميله في موسمه الاول مع الهلال اما الان فاعتقد انه ماظل عنده شي ومع احترامي لرأيك حتى كأحتياط نزل باكثر من مباراة ماشفناه سوى شي؟ ياليت الادارة توفر عقود ورواتب العنبر وامثاله باستقدام مهاجم هداف على طراز ابو شروان وعماد متعب؟ واعتقد ان ابو تريكه مناسب للهلال واذا كان اسيوي اكيد راح نلاقي نجم ايراني او عراقي هداف؟ |
أنا وجهة نضري مخالفه للجميع وهي بأنه يُعار العنبر للرائد ويُعاد الكلثم طبعاً في فترة التسجيل القادمه..!! العنبر ( جيّد ) بس يبي فريق يكون مستواهم مُقارب لمستواهـ لمدة موسم وبعدها يعود أفضل ( أتمنى ) لأن مقومات اللاعب كـ( بنيّه ) ممتازهـ.. |
كلام مقنع بصراحة الرأسية سلاح مهم وخطير في تسجيل الأهداف |
هلا رماح الزعيم العنبر مهاجم تقليدي وللأسف جمهورنا مايقدر هذه النوعية من المهاجمين برغم من أن المدربين يموتون على هالنوعية من اللاعبين فليبو إنزاغي مهاجم ثقيل يفتقد للمهارة وكثيرا مايقع في مصيدة التسلل بسهولة.. ولكنه قادر على التسجيل من أنصاف الفرص والوصول إلى المرمى حتى وإن كان في وضع سيء والعنبر من هذه النوعية من المهاجمين ولكن للأسف جمهورنا يبحث عن الكعوب والدبلات طول المباراة سلطان السعود يلعب 90 دقيقة.. بينما العنبر يلعب ربع ساعة أو أقل وشخصيا لا أعرف بماذا يتفوق السعود على العنبر حتى يعطى كل هذه الفرصة للعب بجوار ياسر وخلال هذا الوقت القصير من النادر أن يخرج العنبر دون أن يهدد أو تكون له بصمة بالرغم من أنه كلاعب يحتاج إلى وقت كافي للتأقلم والدخول في جو المباراة في مباراة أبها اشترك في كرة عرضية كاد أن يحرز منها هدف في مباراة الوطني سدد كرة مفاجأة أعتقد اصطدمت في العارضة أو صدها الحارس بصعوبة ومن مكان لايسدد منه أي لاعب هلالي في مباراة الوحدة سدد أيضا من وضع مفاجيء للحارس وكاد أن يحرز الهدف لولا توفيق الله لعساف وتمكنه من ابعاد الكرة بصعوبة إذن اللاعب ليس مفلس كما يصوره البعض.. ولكنه لم يحصل على الفرصة الكافية نعم هو مهمل في التدريبات كما نسمع ولكن هل وجد العنبر الاهتمام الكافي من كوزمين؟؟ والفرصة الكافية؟؟ إذا كان السعود والعنبر متقاربان في المستوى كما يقولون برغم أني أرى تفوق واضح للعنبر.. لماذا لايحصل العنبر على الفرصة التي يحصل عليها السعود؟؟ العنبر مهاجم لايستطيع اللعب وحيدا وهذه نقطة يجب أن يدركها كوزمين.. وصدقوني لو ذهب العنبر لنادي غير الهلال سيجد الفرصة للنجاح وحينها أتمنى أن لايندم الهلاليون على التفريط به |
كوزمين طلع لاعبيين با الهلال أفضل من العنبر فنيـاٌ ... لكن المشكلة في العنبر نفسة.. الهلال عطاة كل شي.. وكوزمين.. لو أنة غير مقتنع باللأعب لاجدة خارج أسوارالنادي.. العنبر .. لا يملك الكنترول والسرعة والمهارة.. و لأعب الميلان فليبو أنزأغي هداف أوربا من حيث عدد الاهدف أيضاء لايملك الكنترول والسرعة والمهارة.. لكن الفرق ينهم.. ان لاعب لميلان يجيد التمركز الذكي وتشتيت ذهن المدافع ومتابعة لاعبيين الوسط.. بعكس العنبر.. وين ماوقف برك الله يهدية.. العنبر يقتل لهجمة بسبب عدم التمركز.. والله الأثنين نفس بعض بس الفرق التمركز,, والله يفرق.. كثييييييييير |
هل ألمانيا عندما ركزت على الرأس وسجلت ستة أهداف هل اعتمدوا على هذه الطريقة لضعف لياقتهم !! أم لأنهم لا يعرفون للمرتدات !! أم لأنهم لا يملكون كنترول صح على الكرة !! أو لا يملكون مهارات لتجاوز مدافعين المنتخب !!!</B> أم لأنهم عرفوا بأن الرأس هي الوحيدة التي لايمكن للمدافعين الحد من خطورتها</B> |
إقتباس:
وش دخـل كوزميـن إذآ عندك إضهرهـ مآتعـرف تحط كورهـ ع الرآس خـلآل 90 دقيقه ,, ؟؟ |
ياخي العنبر مايسلم ويستلم كوره صح ولاعنده المهاااراه اللي تقوده لسحب الاعب اللي امامه ولايعرف يتمركز وثقيل وهذه وجهة نظري فيه اتمنىا تقبلووونها بسعة صدر مع ان هذا هو الصدق |
ان مالوم العنبر لانه لاعب حطمه الجمهور قبل المدرب لاعب يجيد التسديد بالرأس وبالقدم ومافيه وتبغونه يظهر بمستواه لازم يكون فيه اظهرسريعه تجيد العرضيات |
ما يقهرني الا اللي يقولون عطيناه فرص كثير هو اصلا متى لعب علشان تقولون عطيتوه فرص يوم كان في بداية مشواره الفريق يلعب في بطولة فيصل بالاولمبي واعطي فيها العنبر الفرصة شوفو وش كان يسوي |
بسم الله الرحمن الرحيم اولا : شكرا لموضوعك الشيق لاستقطاب الحسنات من ارصدتنا الى رصيد المدعو (( عنبرينهو )) ثانيا : لامجال للنقاش حول هذا الموضوع لان الاخ العنبر يلعب بدون روح وبدون اي احترام للشعار اللذي يرتديه . محمد العنبر باختصار جته اكثر من مية فرصة واعضم فرصه جته في مبارة الاتفاق في البطولة الخليجيه يوم ياسر موب فيه مصاب مدري وش في امه المهم في ذيك المبارات خذلنا عنبرينهو مثل رنالدينو يوم خذل البرازيل مع فرنسا الكاس الاخير .. ثالثا : ليس من المعقول ان نكثر من الاشادة او المدح او النقاش في هذا اللاعب لان بعضنا يقعد يطمع الادارة في مثل ذا اللاعبين اللي يسيؤون لسمعت النادي ونضعف عزم الادارة في التحرك للتعاقد مع لاعبين شباب جدد ينفعون النادي وهذا اللي حصل تراخت الادارة وما جابت ولا لاعب جديد ذا الموسم الى الاجانب والاندية الثانيه ((( طارت الطيور بارزاقها ))) . والسبب ::: هم المطبيلين الي يريشون ببعض الاعبين ::: رابعا : واخيرا ايها الزعماء احرصو كل الحرص على الاهتمام بتوصية الادارة على التعاقد في فترة الانتقالات مع لاعبين ينفعون الزعيم يا شباب كل اللاعبين يتمنون اللعب للزعيم في كل انحاء العالم العربي اخرهم نشات اكرم وقبله ابو تريكه حتى محمد نور يبي يجي وحنا قاعدين العنبر و السعود والمفرج والعنقري الله يرحم الحال . ناسف للاطالة وشكرا للاستماع . ,,,,, وصلى الله وبارك ,,,, |
أشكر كل من أدلى برأيه ولكن لي بعض العتب على مجموعة من الأعضاء تكره اللاعب بكيفك تنتقد طريقة لعبه خذ راحتك لكن لا تمس شخصه وذاته ماهو عاجبك الموضوع ما هو لازم ترد لديك رأي مضاد 100% اطرحه ودافع عنه بقوة لكن لا لا لا تصادر آراء الآخرين فكل يرى بعين مختلفة ... انتقدنا كوزمين كثيرا ونلنا من الهجوم مايكفي وأخيرا كلنا ......... لأننا جزمنا أن العين لا زالت عليها غشاوة أنا أسال وأريد جواب أتحدى من يأتي لنا بهدف من كرة مرتدة للزعيم أمام أي فريق الذين يرفضون التشبيه بين الهزازي والعنبر الهزازي هذا الموسم الثاني له ارجعوا لبدايات العنبر وقارنوا من سجل حضورا أقوى أمام المرمى لتعرفوا الفرق خلاصة الكلام الفريق يعتمد على الاجتهادات الفردية كثيرا وهذا يحتاج للاعبين أصحاب مهارات عالية أنظروا من تعقدوا الأمل عليه بعد الله لتعرفوا حقيقة الفريق |
إقتباس:
لا ياحبيبي ما جهلني أبدا ولكن أنت تشرهت على لاعب واحد جعلتوه سبب المستوى السيء للفريق ليه ماتشرهت على قائد المعسكر اللي شوفة عينك من كثر التركيزفي التدريب وسطك وأظهرتك يرفعون بالملي على رؤس المهاجمين وهم شغاليين تضييع فرص الله يعينا على مقبلات الليالي ،،،،، تحياتي لك |
الي يقول العنب اخذ فرصته ..... بالله يقولي مته لعب اصلا .... من عقب اصابته في كاس العالم 2006 .... نسوه الهلال ...\ والعنبر عنده كثييير |
إقتباس:
واللــــه انــــــك صــــــــادق وجبتها ع الجرح |
والله صبرنا بما فيه الكفايه ياعنبر يااما حسن من مستواك ولا ريحنا |
مع احترامي الشديد لك ماذا عن الكورة اللي انفرد فيها قدام الوحده وكان ويلي فاتح له من جهة اليمين لاهو اللي سجلها ولاهو اللي عرضها لويلي انت تتكلم عن مهارة واحدة ( ضربات الرأس )لايخدمها الا وجود اجنحة مميزة وهذا الكلام ينطبق ايام يوسف الثنيان وسعد مبارك هل يوجد في الجيل الحالي جناح يستطيع توظيف العنبر ارجع بالذاكرة الى الوراء ........ هل تعرف (( سعود الحماد )) اذا تذكرته جيد اما اذا لم تتذكره اقولك هذا لاعب استقدمه الهلال من الفيحاء على ما اعتقد كان مميز جداً في ضربات الرأس وفعلاً استفاد النادي منه في تلك الفترة لوجود الاجنحه المميزه الثنيان وسعد مبارك ولكن هل بقي (( سعود الحماد )) في ذاكرة الهلاليين حتى الان اترك الاجابة لك او لجيل التسعينات الهجرية |
| الوقت المعتمد في المنتدى بتوقيت جرينتش +3.
الوقت الان » 08:47 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd