|
يا جماعة .. وانا اكتب هالموضوع .. متخوف بصراحة يا شباب .. وبدون مقدمات .. كل ماجيت انا انزل موضوع فيه اقتراح ..او راي .. او جهة نظر.. دائما .. أخاف << طيب وش منه .؟ ابعلمكم وش منه ... السبب : هو الأعضاء اللي هنا ... اي واحد يطرح فكرة او ..اقتراح .. او وجهة نظر<< لاحظوا اقول وجهة نظر : لأن الوجهة تختلف من شخص لآخر ...إلا على طووول طابين في بطنه .. .وحايسن مريره ..حووووس .. طيب الرجال هذي وجهة نظره .. وهذا رايه غصب يصير .. مثلك .. لا وغير كذا . بعضهم يوصف الأعضاء بالإندساس .. يعني ( مندس ) يا اخوان والله مايصير .... والله مايصير .. عشان كذا إذا جيت اكتب .. موضوع .. قلت الحين بشرشحووون فيني .. وانا مانيب ناقص ... فياليت الله لا يهينكم نعدل الأسلوب .. شوي .. عشان يكون الطرح هادف .. ولو اختلفت الأراء .. يكون الطرح .. مؤدب ولطيف .. الله لا يهينكم .. رايكم .. وهل احد يأيدني .. او لا .. اخوكم كــايــد |
أخوووي أكتب اللي في خاطرك ومحد ملزوم يرد عليك لو هو شاك فيك انت مااشتركت في المنتدى إلا تتابع اخبار ناديك وتناشق وتقول رأيك في كل صغيره وكبيره اهم شي قول رأيك بكل صراحه وقول شي ينهضم :d طحـيــ111طـي:clap: |
يـ الغاالي قل كل الى بخااطرك !! ومن حقك تقول وجهة نظـرك !! ويعطيك الف عاافيه !! لك تحيااتي !! |
أخ كــــــــايد يعطيك العافية وفعلا ً هذا هو اللي قاعد يصير ياخوي بعضهم ماعنده أدب الحوار ولا عنده إحترام للغير وشوف تراهم يحكم عليك بعدد المشاركات حتى لو كلام عدل ،،، والمشكله معهم شهادات ،،، قالي ياه عضو الله يستر عليه هؤلاء يحبون يزدو عدد المشاركات بالتعليقات السخيفة ،،، يالله ياكريم إفصل عنهم النت أو أرسل عليهم فايروس يدمر أجهزتهم ... والله مقهور منهم بقوة |
يارجال رضا الناس غاية لا تدرك ،، وبعدين كل واحد حر برأيه طبعا مع الحرص على عدم الخوض في الامور الشخصيه والتجريح، والا يظل اختلاف الراي وارد ة وماعليك لو يطلع واحد يقول مندس خلاص الناس صارت تفهم والمندس مصيره يبين وليس لمجرد نقد الفريق؟ |
يعطيك العافيه الناس الحين ما عاد تفرق بين اختلاف الراي والسب والتجريح .. والبعض منهم يحسب السب والشتم نقد واختلاف فالراي .. والبعض منهم يحب يعاند في اراء الناس ( ماخذها وسعه صدر ) :) وما اقول الا الله يرحم الاعضاء اللي كانوا هنا وتركو هالمنتدى فقدناهم :smilie47: لاهنت ويعطيك العافيه على حرصك اكتب موضوعك ولا تخاف اذا شفت رد فيه سب وشتم بلغ المشرف |
مثل هالاشكااال يبيلهم دروووس خصوصيه في الرد على وجهات النظر .. وعساهم يفلحوون |
موضوع ...................على بالي موضوع بخصوص هلالنا......! بس دامك انت كذا اكتب الموضوع وانت مغمض عيونك.وبعد ما ترسل الموضوع انحش حط رجلكـ ولا ترجع الا بعد ان تنتهي الازمه.......................هههههه |
يارجال رضا الناس غاية لا تدرك ،، وبعدين كل واحد حر برأيه طبعا مع الحرص على عدم الخوض في الامور الشخصيه والتجريح، والا يظل اختلاف الراي وارد ة وماعليك لو يطلع واحد يقول مندس خلاص الناس صارت تفهم والمندس مصيره يبين وليس لمجرد نقد الفريق؟ |
صحيح كل له وحهة نظر ولازم الكل يحترم وجهة نظر الاخر ومشكوووووووووووووووووووووووووووووووور الله يعطيك الف عااااافيه على الموضوع الجميل |
شكلك مندس :d هلا والله وغلا كايدهم .. وأنا أخوك لاجيت تكتب موضوع مره ثانية ألبس خوذة جيش ودرع واقي من الرصاص .. واجلس داخل دبابة وأكتبة :d ماعليك من احد وأنا أخوك .. في النهاية هذي وجهة نظرك وبعض الأخوان هنا الله يهديهم يطلعون من المدرسة قبل صلاة الظهر :d وخبرك .. هذولا مندفعين وعندهم طاقة زايدة ويدورون احد يطبون في بطنه .. تلقى رجل الواحد الله يكرمك والحاضرين تحوس في مصارين الي كاتب الموضوع ختاما .. أكتب .. لين يطيح اللي براسك واللي يخالفك الرأي بطريقة محترمه .. وبكل أدب رد عليه وناقشه .. واللي يقل أدبه أسفهه وأنا أخوك .. دمت بكل الحب والود |
والله الي يجلس يبرد بوجه صاحب الموضوع هذآ يبي يعبر عن حبه للهلال بشكل خاطئ يعني انت شفت موضوع بنظرك ما أعجبك شوفه وإطلع مو لازم ترد على صاحب الموضوع وتكتب كلاام سيء ، يعني الي مايعجبه الموضوع المكتوب لايرد ويشوف له موضوع ثاني، و يالكــايد ابد اكتب الموضوع واي رد تشوفه مايعجبك سو كنك ماشفته وتغافله :) ، |
انا اقولك اكتب وخله على جنب ولاحد يقدر يقول شي ومحد ملزوم يرد |
................................. والله ثم والله انكم ريحتوني .. ايه هذولاء الزعماء اللي نعرفهم ... والله انكم كفوا ... مشكوررررين على المرور .. وعلى الردود الأكثر من رائعة لا هنتوا |
يا جماعة والله انكم كفو ... الله لا يهينكم على الردود |
| الوقت المعتمد في المنتدى بتوقيت جرينتش +3.
الوقت الان » 06:53 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd