الرسالة الأصلية كتبت بواسطة The Blues (مشاركة 10110228)

اخوي امسي عليك بالخير .. بالبداية انا اقتبست من موضوعك جملتين اثارت انتباهي .. وشميت منهم ريحة تناقض .. ولو اني اظن اني غلطان .. لكن :

الحكم خليل جلال شخص واعي وفاهم وشايف الدنيا ومشارك في مباريات عالمية.. فبالتالي هو مسئول عن تصرفاته .. لذلك هو يعرف ان معنى الحركه اللي سواها لكوزمين هي حركه لها معاني تقلل من قيمة المتلقي أو المعني بالحركه .. (للتذكير الحركه هي عبارة عن ضم الأصابع السبابه والوسطى والخنصر والبنصر لبعضهم البعض ثم تحريك الإبهام ليلامسهم كحركه تعنى آنك شخص ثرثار) ..

لا تحاول تقنعني انها حركه معروفه عندنا ولها معنى غير بالنسبه لنا .. ولا تحاول تقنعني أيضاً ان خليل جلال مايعرف وش معناها الأصلي ..

يا أخوان طرد اللاعبين نشوفه دائماً في المباريات .. لكن طرد المدربين لا .. يمكن تصير مره او مرتين في موسم كامل !! .. فعندما يطرد لاعب في أول ٢٠ دقيقه نقول ان الحكم متهور ومتسرع ،، لكن عندما يطرد مدرب في أول ٢٠ دقيقه .. نقول للحكم وش ذا الشطحه يابو الشباب؟؟

لا تلومون كوزمين إذا تكلم وصرّح عن اللي بداخله .. الحق معه ١٠٠٪ .. المدربين لهم تقديرهم ولهم احترامهم غير عن اللاعبين مع خالص احترامي للاعبين .. اتحدى واحد فيكم يقولي انه شاف هالحركه صارت لأحد المدربين في الدروي الإنجليزي مثلاِ .. خوزيه مورينهو اللي يعتبر آكبر زاحف بتاريخ المدربين ماعمره انطرد الا مره وكان وقتها ناوي يطق الحكم بعد!! تجي انت تطرد مدرب لأنه حاول ينبهك لإضاعة لاعبين الخصم للوقت!!

وبعدين لا ننسى ان كوزمين جانا من دوري أبطال أوروبا .. وهو شخص متطور ومحترف كرويا اكثر مني ومنك ومن خليل جلال .. ويعرف المعنى الحقيقي لهالحركات ..

تحيه عطره لك ،، واعذرني على الأطاله