|
ملعب استاد الهلال الدولي بسم الله الرحمن الرحيم اخواني لنثبت للزعيم اننا الزعماء اقتراح سواء تم الاتفاق عليه او لا حنا دايم ننتظر البطل الي بيشيل الهلال على اكتافه سواء الامير عبدالرحمن بن مساعد او غيره اقتراحي للجماهير الهلاليه والى الامير الرئيس عبدالرحمن بن مساعد انه يفتح حساب خاص للجماهير الهلاليه وكل شخص يحب الهلال ويبي يدعمه لبناء ملعب يليق بنادي الهلال ويصير ملعب دولي وتقيم عليه المباريات وهذا برأيي البدايه للنوادي الثانيه يقوم كل شخص بالتبرع ولو بريال او مية او الف حسب الاستطاعه للحساب هذا الي يتكفله نادي الهلال ويقوم كل سنه بالنشر عن المبلغ الي تم الحصول عليه من الجماهير وحين اكتمال المبلغ الكامل لبناء مشروع الهلال تقوم الادارة بالباقي لبنائه وانا شخصيا عندي الاستعداد للمساهمه |
فكره حلوه ليش لا............... مشكور على طرحك |
والله فكرة رائعه جدا .. ولو ان المفروض ان الامراء هم الي يدفعون ..! لكن ماعندي مشكله والله .! |
ماتوقع انه بيفتح حساب لكن ادعم الهلال بي اشياء تقدر تدعم الهلال من خلالها مثل:- موبايلي الزعيم --->الهلال له نسبه في الأشتركات قناة الزعيم --->الهلال له نسبه في الأشتركات العضويه الشرفيه --->وهاذي هي المهمه لان دخلها للهلال فقط.. تحياتي |
ان شاء الله اننا بنشوف استاد خاص بنادي الهلال في الاحلام بس |
قالو العضاء كثير قبلك بس ما في احد يطبق |
|
نتمنى ذلك ومافي شي يصعب على ابن مساعد اذا هو يرغب بذلك يعطيك العافيه |
اخوي لو سمحت تبي ملعب وإلا إستاد في فرق بس أنا أرى إن الملعب أصرف وعسى ربي يقويك |
ملعب عالمي لنادي سعودي ^^^^^^^^^^^^^^^^ انها احد الأحلام المستحيلة |
أخوي العزيز .. انت تعلم من هم أداراتنا .. أنهم أحد الداعمين للكرة السعودية .. ماديا ومعنويا ماذا تريد .. أن تـقول الأندية عنا ..؟؟ أخوي أنا أأيد الفكره .. حقت أخونا قلم الهلال النابض هذه أحسن :) |
فكرة حلوووة جدا جدا بس مهما كان يوجد نااس محتااجة نفتح اهم حساااب اهم وانفع للاخرة |
اوكيه اخوي فكره معقوله والكل يرغب بذلك لكن.... ترا انت في السعوديه وماعندك احد الفريق يحتاج لأشياء اكثر واهم من استاد هذا اولا ثانيا.... بالله عليك يعني هذي صارت مسؤولية الجمهور!! وين رعاية الشباب الي صار لهم عقود وهم يهايطون على اعادة انشاء وترميم ملعب جده؟؟ ترا حنا ماعندنا الا استاد الملك فهد وغيره لاتحلم... ممكن نفتح حساب ونبني فيها مساجد في القرى الفقيره داخل او خارج المملكه ويكون باسم الجمهور الهلالي يكون افضل لكن هذي برضو الحقني لو يسونها!! كل الاحترام لفكرتك...بس اخوي ابتسم فأنت لست في اوروبا!! |
ليش التفكير في الدنيا واللة ما ينفعنا هذا ملااااااااااااااااااايييييييييييييييييييييين عشان نسوي ملعب ليــــــــــــــــــــــــــــــــــــــــــــــــــــــــــــــش ؟؟؟؟؟؟؟؟؟؟؟؟؟ ايش يفيدنا في الدنيا ولاخرة ؟؟؟؟؟؟؟ للاسف تفكير سيء ........ البرنسس |
فكره حلوه ليش لا............... مشكور على طرحك |
والله فكرة رائعه جدا .. ولو ان المفروض ان الامراء هم الي يدفعون ..! لكن ماعندي مشكله والله .! |
نتمنى ذلكـ 00 ولو انها احلام اليقضهـ |
ياليت والله أتمنى ذالك واللي يقولون وش بفيدك فيه بالآخره يااخوان ترااكم ماسويتوا مـعصيه ولاكفرتوا يعني الحين الدوله محااسبه عشانها سوت ملعب بملاايييين فكروا بمنطق اللي بيدفع صدقه موب رااده لا ملعب ولاغيره :) |
الفكرة حلوة ولو فكرت فيها ادارة الهلال اعتقد ان الاتحاد السعودي راح يرفض لأنه بيقول لازم يكون لنا نصيب في الدخل النادي راح يكون فيه مداخل كثيرة من ضمنها الصالات الرياضية والمسابح والبوفيها وصالات العرض وغيرة فلازم يكون فيه اتفاق بين الاتحاد والهلال وبعدين اتوقع لو تستلم المشروع شركة اكيد راح يكون افضل بكثير |
ليس عيبا ان ندعم نادينا وانا اول واحد |
ان شاء الله اننا بنشوف استاد خاص بنادي الهلال |
ياليت لو تتحق الفكره مشكور ع الطرح :) |
اتمنى بناء المساجد افضل من الملاعب. |
الله يـعيــــطك العـافــــيه |
الحين تبي تدفع فلوس لصالح الهلال طيب اشتر طقم الهلال واحضر مبارياته واشترك بموبايلي الهلال |
مشكووور اخوي بس خلنا اول نتبرع للمحتاجين |
لا ياحبيبي نساند الزعيم بكل شي الا هالامر النادي مهب ناقص فلوس بس الامر يحتاج دراسة ووقت وثانيا انا مع اللي يقول الامراء موجوديين |
ياخي الموضوع فيه حب للزعيم الحين بدال مانجيب ملعب نخلي فلوسنا في اللعيبه السنعيين كل نادي وله اولويات ولا تتوقع ان الهلال باعضاء الشرف الماسيين مايقدرون يفتحون ملعب لااااااااااا اوضح لك شي ترى يقدرون يسوون ملعب واطلق من الاستاد بس فيه اولويات ولا هو بالشي الضروري انك تسويلك ملعب خاص عشان تلعب فيه مبارياتك الخاصه فكر بالاهم |
والله فكرة ممتازة ............. وياليت يكون مثل ملعب البرشا.... |
اقـــــول احنا عندنا افكار حلوه بس وين الى يسمع وينفذ |
اعتقد فكرة استاد للهلال يبي لها لا يقل عن خمس سنوات علشان نبدأ نفكر فيها جدياً اما بالنسبة للحساب ، هو بادرة حلوه و في النهاية المبلغ للنادي |
فكره حلووووووه لاكن قووووووويه :yes: |
إقتباس:
|
فكرهـ حلووووووووووووهـ أتمنى أن ترى النور قريباً..!! واللي يقول أبني مسجد أو شيء ثاني مالمانع حبيبي فهذا بين العبد وربه.. أما الملعب فهو فعلاً أمر دنيوي ولا ضير في ذلك..!! |
إقتباس:
|
شفت اذا صار الاحمر لونه اخضر بتشوف استاد للهلال |
والله فكررهـ رآئعه وربي ونآ آول وآحد إن شآء الله مشكور عالطرح آخوي وياليت يسوونه إن شآء الله |
عبدالرحمن بن مساعد << هذا الرجل قادر ان يجعل الهلال نادي سعودي بمواصفات عالميه بأذن الله :) |
هذا سابع المستحيلات ماحطو ملاعب على مستوى بجده والدمام بيحطون للهلال |
فكرة حلوهـ اتمنى وجودها ومشكورع الفكرة |
والله ونعم الاقتراح ويكون كل يدفع باستطاعته وبالتوفيق |
يفتح الباب لشركات الكبيره في المملكه لدعم الرياضه وتسمى المباني بأسمائها وراح تلقى مئات الشركات تساهم فيها مثل موبايلي لو تسوي ملعب بس يكون اسمه ملعب موبايلي الملب الرسمي لنادي الهلال ويضمن لهم الحق فيه وفي دخله وليس شرط على الشركه الراعية فقط ويكون الملعب اكثر شي 40 الف متفرج وملعب خاص بكرة القدم يعني مايكون فيه مضمار |
طيب ليه ماتختصرون الوضع وبلاش حكاية الدعم هذا الحل بسيط يجب خصخصة النادي ويكون هناك اسهم وتطرح للاكتاب ويكون نوع من الاستثمار الرياضي ويوزع ارباح على المساهمين ومن هذه الفلوس يبنى ملعب يستوعب الجماهير ويكون بمواصفات عالميه واللي اهم من هذا يجب الاتفاق مع الاتحاد السعودي بشأن مداخيل المباريات وحقوق البث والنقل وصيانة المباني وفي الختام احلم انهم يسوون ملعب بموصفات عالميه الا اذا جاء امر من فوق ببنائه وسلامتكم |
الفكره انطرحت الف مره لكن لم تتطبق وهذا المره اتمنى ان تتطبق |
الحين احضرو المباريات بعدين فكرو تدعمون ودعمكم الحقيقي بالحضور للمباريات |
| الوقت المعتمد في المنتدى بتوقيت جرينتش +3.
الوقت الان » 06:29 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd