|
أذا الهلال بيسوي هالنقاط ..(أضمن لكم الدوري +أسيا).....(+)...(بين أيقاف التايب وعوده الدوخي أمور)...!! بسم الله الرحمن الرحيم أنا صراحه بعد المستوى الي شفته في مباراة الوحده تأكدت ان السبب مو من الأداره ولا من المدرب ولا من العيبه ولا من الحكم الخطأ منا نحن كاجمهور الزعيم هل هذا يليق بنا كا أكبر قاعده جماهيريه في .."السعوديه"..!! أن تكون المدرجات خاويه على عروشها..!! أسئل نفسك هل راح تكون متحمس عندما تشاهد الملعب ممتلئ بجماهير غفيره..!! بالعكس راح تدخل المباراه بكل بروده تامه لذالك لازم نشوف انفسنا قبل لا نتكلم عن مستويات الجماهير..!! هذي بعض الخطوات الي من توقعي الخاص انه لو صارت للفريق أجزم تماما ان الهلال لن يردعه أي منافس..!! وحط تحت توقي الخاص ألف خط مو يجيني واحد ويقول "أخص يامرينهو" هذا مجرد توقع قد اكون جانبت الصواب فيها وقد أكون مخطأ...!! خطوه رقم... (1)... ألغاء عقد الاعب رالديس لأننا وبكل صراحه لسنا في حاجته أطلاقا وجلب لاعب مهاجم عالمي على حسب ماصرح فيه الامير مساعد خطوه رقم...(2).... جلب ظهيرين أيمن ..!! بتقولي وشلون اقولك كيف..!! جلب أحد هؤلاء الاعبين (الرهيب أو كامل المر) لأنه وبكل صراحه هؤلاء أبدو سعادهم في الأنضمام لزعيم..!! وأحضار الاعب (أحمد الدوخي)..!! بتقولي ماجي نجيب الدوخي والرهيب مثلا..!! لأنه راح يصرف فلوس كثير..!! أقولك الدوخي يبي الهلال بأي ثمن يعني ممكن انه يجي للهلال بـ(مليونين ريال فقط) لمده سنتين وأحضار الرهيب أو المر بـ (ثلاثه مليون)..!! هذي كلها مجموعها بـ 5 وراح تكون سكرت هالخانه مرره..!! ولاتنسون أنا جبنا نامي بـ 6 ملايين ريال على لاعب واحد فقط وبعددين نامي لاعب وسط ايمن وأتوقع أنه راح يبدع في خانته الأساسيه كما كان مع الأنصار..! الدوخي جلبه مهم لخبرته وللأسيويه فالأسيويه لابد من وجود خبره فيها في هذا الموقع وأضافه ألى الرهيب أو المر لصغر سنهما وممكن أنه يعطونك سنوات كثيره..!! الخطوه رقم ...(3)... فيما يخص خط الهجوم طبعا كما تعلمون الاتحاد الأسيوي أتاح التعاقد مع لاعب أسيوي مقابل 3 لاعبيين أجانب..!! أتمنى مايلي: 1- التعاقد مع الاعب السهلاوي لأنه مهاجم صراحه من متابعتي الشخصيه ممتاز ومهاري زائد انه صغير في السن..!! 2- التعاقد مع الاعب الخليجي أحمد عجب لأنه لاعب وبصراحه لايختلف عليه ثنين ممتاز جدا يمتاز برأسيات والسرعه +أنه يخلصلك الكوره بسرعه بدون أي تفكير ولديه حس تهديفي ممتاز ما أقول الا "ماشالله عليه"..!! 3-كما صرح أميرنا بقوله انهم راح يتعاقدون مع لاعب مهاجم عالمي فبصراحه أداره الامير عبدالرحمن تمتاز بتعاقدات الأيجابيه فتأكيد راح يكون مهاجم ممتاز جدا..!! وبهذي الخطوات بس راح تشوفون فرريق مرعب جدا جدا جدا جدا جدا جدا..!! الحراسه : عميد لاعبي العالم ومايبيله كلام + الشمري حارس ماعليه كلام ... الدفاع: هوساوي+ المرشدي + خيرات دفاع ماعليه كلااام..... الأظهره: الدوخي+كامل المر (أو)الرهيب+الزوري+الخثران +نامي....(لاتعليق) الوسط:طارق التايب+ويلي+الشلهوب+الفريدي+الدوسري+عزيز+عمر+الغنام...(ماشاء الله) الهجوم: ياسر الكاسر+الصويلح+لاعب عالمي ممتاز+عجب+السهلاوي...(هجوووم صاعق ومرعب) في هذي الخطوات بسس الي مايبلها ميزانيه كبيره الميزانيه وموجوده وجميع الاعبين الي قلتهم يتمنون الهلال... وبلا نور وبلا هم...!! أقسم بالله أذا صار توفيق الله معنا بسس كأس اسيا في..(الرياض)..!! * تقريبا حاولت اعد متى أجل الاتحاد الدولي البت في قرار إيقاف التايب تقريبا حول (4) مرات؟؟؟؟ هذا يدل انه الفيفا ..(ورط).. في قرار التايب ولا يدري وش يسوي..!! تقبلوا أخلص تحياتي وان كان من خطأ فمني ومن الشطيان وأن كان من صواب فامن الله.. أستودعكم الله... أخوكم.... @ياسر الحربي@ |
ياسر الحربي نقاط وخطوات رررائعه اوافقك الرأي فيما ذكررت يعطيك العاااافيه وانشالله الدوري وكاس الملك وولي العهد والاسيويه هلاليه |
إقتباس:
هلا وغلا مرووورك الأروووع...... |
خطوات اكثر من رائعه واوافقك الراي عليها رغم انها مكلفه .. !!! لكن صدقت بكل كلمة قلتها وليتهم عالاقل يطبقونها \\!! |
والله انك بطل وتفكيرك جميل والله هيكون الهلال كامل الصفوف الاحتياط والاساسيين وما بنخاف اذا اصيب احد او كرت احمر او ايقاف ان شاء الله الادارة القديرة تهتم بذي الافكار |
أهلا أخوس ياسر الحربي ورده تحية طيبة لك ورده -- , نقاط رائعه لكن لي بعض التعقيب على بعضها إقتباس:
هنا من المستحيل جلب لاعبان أجنبيان في خانة واحده ! وهم عجب+لاعب عالمي .! نعلم أن الآسيوويه فقط مسموح لنا بجلب 4 لاعبين أجانب لذلك لاحاجه للاعبان في نفس الخانه ! دفاعنا ولله الحمد من أفضل مايكون ولا يحتاج أي لاعب آخر, إن كان عند الأمير عبد الرحمن نية في تسريح اللاعب رونالد فنحن مستفيدون بشكل كبير سنستفيد بأن نكون قادرين على جلب أجنبي مع ياسر بالهجوم وكذا يكون الهجوم رائع :) وسطنا بوجود المايسترو وويلي وعزيز أظنه بأمان ;) الحراسة يكفي ابو عبد العزيز "الدعيع" --- , نقاط رائعه شكرًا لك ورده |
إقتباس:
هلا ومرحبا شكلك مانتبهتي لأول كلامي قلت يسرح الاعب رالديس لأننا غير مستفيدين فيوجود هذا الكم الرائع من الاعبين المدافيعن بتأكيد غسر مستفيدين ... واحمد عجب لأئسيويه والاعب العالمي لدوري المحلي ... حتى الأسيويه يسمح بعدد 3+1 أي ثلاث لعيبه اجانب + واحد أسيوي شاكر لمرورك........ |
طيب الحين كم عندك من لاعب تعدوا 45 لاعب والمسموح 40 لاعب فقط .. من تطلع ومن تحط ومن ومن :razz: اذا سمح الاتحاد السعودي باجنبي رابع ياليت نجيب لاعب من شرق اسيا كوري او ياباني حطه فالظهير يحوس الملعب حوس :d نعنبوهم ما يتعبون :bigeek: عجب مدري وش لاقين فيه اللي يشوفه الحين حقق بطوله الخليج ولا اسيا ولا وصلهم لدور 16 .. تتابعون الدوري الكويتي واصلن هو ضعيف مقارنه بلاعبين السعوديين مع احترامي لاحمد عجب .. والسهلاوي مدري وش معجبكم فيه وصل فريقه للدرجه الثانيه وتقولون خليفه ياسر مع ان ياسر وصل القادسيه لدوري الممتاز وحقق معه وصيف ولي العهد ودخل المربع الذهبي مرتين بوجود ياسر لكن السهلاوي ..؟ حركاته ولبسه يقلد ياسر مثل الخراشي يقلد سامي وشتان ما بينهم :) اطالب بمهاجم عالمي واعاره العنبر والسعود واعطاء فرصه للجيزاني في الظهير الايمن وبعدين انت ما شفت تصريح الامير عبدالرحمن بانه طلب من الشباب لاعبين ورفض البلطان يعني انس يعطونك شهيل ولا حسن معاذ .. وكذلك الرهيب :yes: يعني مالك الا نامي واعطاء فرصه للجيزاني .. تقبل مروري ورائي |
ياسر الحربي مبدع كعادتك والله ابداع واتمناء ينفذووون خطتك انشاء الله مو اسيا وبس الى كاس العالم للئنديه |
إقتباس:
أول حاجه اذا على قائمه 40 طلع الحلقه الأضعف فيها..!! عندك (العنبر +السعود)..!! اعرهم لأي نادي ولاتنسى ألغاء عقد رالديس..!! وأذا على أحمد عجب شكلك ماتابعته زين والله فنان ومناحيه الاجواء لاتخاف متعود ومن الكويت..!! واذا على لاعب من كوريا ولا من اليابان انت تظمن راح يتاقلم هنا..!! واذا على نامي والجيزاني خبرتهم ماتسعفهم وصبعه مره تلعب فيهم مباريات مهمه وخطيره.. يعني لاعب توه صاعد من الشباب تبي تلعب فيها مباريات خطيره صعبه شوووي..!! وبعدين الرهيب وكامل المر أبدو أستعدادهم للعب للهلال..!! مشكووور على المروووور |
كلامك رائع وياليت يرجع الدوخي لاعب خبره واحمد عجب اف نار والله على كل حال كلامك في الصيميم تسلم |
ياسر الحربي نقاط وخطوات رررائعه اوافقك الرأي فيما ذكررت يعطيك العاااافيه وانشالله الدوري وكاس الملك وولي العهد والاسيويه هلاليه |
| الوقت المعتمد في المنتدى بتوقيت جرينتش +3.
الوقت الان » 05:12 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd