|
الحل الوحيد لحضور الجمهور مباريات وسط الاسبوع ..!!!!! السلام عليكم ورحمه الله وبركاته بصراحه شيء مؤسف ان ترى مباراه لزعيم نصف الارض وعلى ارضه لايحضر الا القليل فيه اسباب كثيره عندي اقتراح احب اطرحه للاداره وشركه موبايلي لدعم الهلال ,, سمعنا اعذار جمهور الرياض وهو سبب واحد والاكثريه اتفقو عليه :: 1_ المباراه تقام وسط الاسبوع :::: الحل :: من وجهة نظري :: تقوم الاداره بشراء التذاكر وتوزع ماجانا مع الاتفاق مع الشركه الراعيه والموضوع كله يصب في مصلحه الزعيم تخيلو مباراه بوسط الاسبوع مثل اللي مع الوحده والملعب يحضره على الاقل 40 الف متفرج :clap: اجل وش الفايده من الشركه الراعيه بس في الديربي مثل مادعمت الديربي ادعم المباريات الثانيه .... اتمنى الفكره توصل لاداره الهلال :::: |
ههههههههههههههههههههههههههههههههههههههه والله ياخوي اذا المساله كذا الاداره بتطفر لان اغلبيت مبارايات الهلال وسط الاسبوع هههههههههههههههههههههههههههه وغير كذا اذا شرت الاداره التذاكر ووزعتها مجانا بيقولون برد ^_* يعطيك العاافيه |
إقتباس:
اذا قالو برد تجيب لك مشجع فروه والا كوت هههههههههههه |
ترى بعدين من غلي التذكرة كله 20 ريال بس بعض الجمهور يدور اي حجة يقلون برد ولا ليش في استاد الملك شف باقي جمهور الفرف يحضرون اكثر من الهلال ليش والله قهر جمهور الهلال في الرياض حضوره قليل ليش بس ابي اعرف |
إقتباس:
من قالك عشرين شوي اذا بحضر اب ومعه اربعه عيال راح يدفع 100 اكيد الاب بيرفض ويقول عندكم دراسه اذا جت مباراه يوم الخميس اوديكم والله اتكلم جد |
بصراحه وهذا رايي الشخصي .. الاداره أو موبايلي ماهي مجبوره تشتري التذاكر !! أنا أعرف انه بينقز علي كم عضو ويقولي اذا انت تقدر تدفع 20 غيرك ما يقدر !! هذا كلام فاضي وعاري من الصحه .. أغلبية الجماهير هم جماهير مقاهي .. واللي يروحون للمقاهي موب معقوله يروح بس وقت المباراه ويقولك شيشه مع شاي اقل من 20 ريال !! هذولا النوعيه مطيحين 24 ساعه بالمقاهي ويصرف يوميا بما معدله 20 ريال باليوم !! وش المانع انه لا جا وقت المباراه تضحي بالمقهى لعيون الزعيم !! موب تجلس لي بالمقهى وتجلس تسب وتنتقد !! لا ومو بس كذا يقولك وش ذا الجمهور اللي يفشل !! اللي يفشل هو انت وامثالك أما اللي حضر في الملعب ما يفشل بصراحه الا بالعكس كثر الله خيره حضر وأدى الواجب .. الكلام كثير .. وكلامي كان على عجاله .. بس اتمنى ان الصوره وضحت .. تحياتي.. |
إقتباس:
يالغالي كلامك على العين والراس بس كلامي انا ليس موجه لاهل المقاهي اهل المقاهي غاسل يدي منهم اقصد فيه ناس تبي تحضر بس ماتقدر تعرف وسط الاسبوع لابد تحفزهم بالتذاكر المجانيه مافيها شي المنتخب كان يفعلها ايام الاختبارات مو عاد وسط الاسبوع شكرا لك |
بصراحه اذا اقتنعنا برأيك كجماهير فنحن لسنا بجمهور دعم بل جمهور هدم ؟ ولن يبقى في خزينة النادي ولا ريال بسبب مهايط أهل الرياض لازم نشتري لهم التذاكر ونلبس كل واحد فروة ونلغي الدراسه اليوم الثاني للمباراة ونستغيث ان لا يهطل المطر كله لعيون جمهور الزعيم في الرياض ياعمي يدفعون في المقاهي كل واحد أقل شي 50 ريال وتقول عشرين كثيرة في دعم الزعيم بصراحه انا لا استغرب هالكلام لأن فيه ناس الى الآن ماحولوا الى موبايلي ولم يشتركوا في قناة الزعيم ولم يشتركوا في قنوات موبايلي كيف تبيهم يدعمون بعشرين ريال ؟؟؟؟؟ ياليت عندنا حماس وتفاني واصرار جمهور الجار كان مالقينا ولا كرسي في مباراة للهلال ؟ |
اغلب الي يتكلمون عن الحضوور اتوقع انه ماقد حضر اولاا عشان تحل المشكله .. لازم تعرف اسباب قلة الحضور اتكلم عن نفسي .. مستحيل احضر مباراة في ايام الاسبوع لارتباااطي بدراستي وغيري بعمله او باسرته وبارتباطات اهم و اذا كانت المباراة في الويكند .. افكر الف مره قبل الحضور لاسبااب اولاا - تعااامل الشرطه وامن الملعب السيء مع الجمااهير ( خاصة في مباريات الهلال ) بصراحة معامله سيئه جدااا وكأنك مرتكب جريمه بحضورك للملعب ولازم الشرطي يعاقبك و ينتقم منك وهذي ليست مبالغة ابداااا - طواابير طوييييييييييييييييييييييييله على شباكين 2 للتذاكر ( في الملز ) ويمكن حلها بعرض التذاكر للبيع طول الاسبوع في الملعب او النادي او مراكز موبايلي - في كل ملاعب الدنياا يكون الدخول ( للمدرج ) قبل 10 دقائق من المباراه .. عندنا لازم تحضر العصر اذا المباراه بعد العشاء .. عشان ماتلقى نفسك خلف المرمى وتتابع المباراة بدربيل ( ليلي لضعف الاناره في الملز ) .. وفيه اسباب اخرى .. كثييره ولكن اكتفي بالي ذكرت |
الحل الوحيد ان مباريات الزعيم تلعب بالشرقية او القصيم لان الجمهور اكثر ومتعطشين لرائة الزعيم |
اول شي الحين المفروض الجماهير تدعم اللاعبين بالحضور و الدعم المعنوي و تدعم الإدارة بالحضور و الدعم المادي و انت الله يهداك تبي الاداره تشتري ؟ ؟ و بعدين على سالفة العشرين ريال اشوف الجماهير طايحه ها اليومين بس تتشكى و كلن يقول ما اقدر ادفع ؟ ؟ كلام فاضي و الجماهير اللي ما تقدر تدفع ما تزود عن 15% من جماهير الرياض و انا مع الاخ اللي قال جماهير مقاهي و انواع الاعذار يا رجال صرنا جمهور مطالب فقط و على الفاضي !! |
إقتباس:
والله حل ممتاز جداً أتمنى من كل قلبي أن الإداره تطبقه ,,, ويكون هذا القرار عقاب لجمهورالرياض وبعدها راح يتأدبون إذا إبتعدعنهم الهلال وراح يحضروون من القهر الظهر تلقاهم بالملعب |
الكلام طال عمرك مو على سعر التذكرة الكلام على ان الدوامات تبدا 7 الصباح اليوم الثاني واللي عنده دوام مو مستعد يخسر وظيفته بسبب مباراة !! |
شكراً لك :) هي فكرة جديرة و جميـــلة لكن إذا فعلت الادارة هذا الامــر فــ الموضوع معناهـ ان الجمهور ليس له دور في دعم الفريق ، و الشركات الراعية للزعيم بالتأكيــد لم تأتي إلا بــ مشاهدة هذه الجماهير الهلالية الرائعة ، |
إقتباس:
بس انا ابصــم انه لو تكون برأ الريأض ليكون الجمهــور اكـــثر :) .. |
| الوقت المعتمد في المنتدى بتوقيت جرينتش +3.
الوقت الان » 04:46 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd