|
أضم صوتي لصوتك لأنه ما فيه اي نادي بيقول انا وصلت لطريق مسدود مع لاعب و تفضلوا يا أندية فاوضوه |
والله احضار نور ضربة معلم مهما كلف الثمن المشكله تكمن بنور نفسة هل لديه الرغبة او لا |
كلام رائع ومنطقي جداااا لكن اختلف معك في عشر سنوات اعتقد انه قادر على 5 سنوات وانت تعلم ان اعلام وجمهور الهلال لايرحم من ينخفض مستواااااااه |
بأذن الله نور هلالي بالعاجل القريب . |
رسالة اخرى واخرى من كل الجمهور الهلالي: مصلحة الهلال هدفنا الاول والثاني والاخير!! |
ياجماعة الخير .. افهموا الموضوع ...</B> محمد نور ذكي .. وقاعد يستغل اسم الهلال للضغط على الاتحاديين لدفع اعلى مبلغ او لاستلام المبلغ كاملاً..</B> محمد نور لاعب اتحادي وهذا الموضوع منتهي منه وسبق ان وقع عقد مع الاتحاد ,, وانتهى الموضوع وكل السالفة يحتاج الى توثيق العقد في الرئاسة العامة ,,</B> محمد نور اتحادي وانهت السالفة اللي كان بطلها محمد نور بمشاركة جماهير الزعيم .. للضغط على ادارة الاتحاد !!</B> |
والله كلامك صحيح 100% ان شاء الله يجيبونه |
يسبحان الله اللي يشوفك ياكاتب الموضوع والبعض يقول تتكلمون عن ماردونا ولا بيليه ولا رونالدينو ولا كاكا ولا زيدان والثنيان ولاسامي تكلموا بعقل وبمنطق محمد نور لاعب مثله مثل عمر الغامدي وبل عمر الغامدي افضل منه مهاره هو لايملك اي مهاره الا واحده فقط المرافس والمدافس وقطع الكره بالقوه وبالتكسير ولاعب نادي فقط ولم يفعل ويجلب اي انجاز للمنتخب ومن قال ان لعب قدام مايشستر فهو يغالط الحقايق الهلال باكمله لعب وكانت الافضله للاعبي الهلال ياسر والتايب وسامي نفسه في اعتزاله وبدليل الاهداف منهم وياناس فكونا من هالكلام اللي كبر راس نور وخلاه يشوف نفسه اسطورة الاساطير وهو وربي لاعب عادي صحيح في الاتهاد يتعبر افضل نجم مر عليهم ولكن لو تجمع نجومهم على مر التاريخ ومع محمد نور لن يقف واحد في ربع مستوى ونجوميه اسطورة الكوره السعوديه والعربيه سامي عبدالله الجابر ............وترا عندنا الفريدي اطلف منه لاعب يعتبر الاسطوره القادمه مهاره فن قطع كوره بشكل صحيح وليس بالمرافس والمدافس والتكسير وعبدالعزيز الدوسري والتايب واولهامسون ......واذا تبون تقولون نجيبه رد على اخذهم للعويران والدوخي انا معاكم في هذي رد قوي وقوي جدآ ولكن نجيبه نلعبه فتره وبعدين نركنه في الاحتياط او نعيره لاي نادي المهم نكون بذلك ردينا لهم الدين بقوى منهم |
يا ناس يا عالم يا هوه ... خاطب العقل بما يعقل .. هل تتوقع إن محمد نور يفكر يلبس فانيلة نادي الهلال .. يا ناس خلونا منطقيين .. اتمنى محد يجيني ويقول إحنا في عصر الاحتراف .. (( الاحتراف عندنا بس إسم )) .. لو حصلت مساومة بين الاتحاد و الهلال على نور .. صدقوني البلوي مايخليه يروح لو يدفع ملايين الدنيا .. وكلنا نتذكر مساومة ياسر القحطاني .. وكيف كانت الامور وقتها .. وصدقوني .. محمد نور وقع وانتهى موضوعه من زمان .. كل اللي بقي في الموضوع .. مسلسل إعلامي وبحث عن إثارة . وفيه حاجة مهمة واتمنى تكون في بالنا .. الامير عبدالرحمن بن مساعد واضـــــح وصريح ومو زي أي رئيس سابق للهلال وكلنا نعرف هالشيء .. يعني لو كان فيه مفاوضات مع نور .. كان صرح بالموضوع . دمتم على الزعامة |
كوزمن أدرى وهو الي يقرر ............................................. |
اتوقع صعوبة انتقال نور للهلال لكن مافيه شي مستحيل في زمن الاحتراف |
إقتباس:
من كبيرهم !؟ .............. |
الله يكتب الي فيه الخيررر يا رب |
ألم تتعلمون من جميع اللاعبين الذين اقحمو اسم الهلال لزيادة عقده مع ناديه ياناس ياعالم السالفه واضحه وضوح الشمس نور مستحيل يترك الإتحاد وإذا بيفكر ينتقل بيروح لأي فريق بالغربيه لاتقولي احتراف ومن هالكلام انت تدري ان نور يلعب بحواري مكه يعني الرجال ولد مكه وبيته هناك وناسه يعني تخيل معي في ناديه ويلعب مباريات حواري هناك تبيه يجي عندك الرياض سلامات . إلي ابي اوصله ترى يبي يوثق عقده مع ناديه بأعلى سعر وبس . |
ياجماعة الخير .. خلوا امانيكم على جنب وقفلوا على الموضوع .. بعطيكم بس نبذة عن محمد نور تعرف من خلالها اللاعب مستحيل يطلع من نااديه .. أولاً اللاعب لا يخفى على الجميع انه من أغنى اللاعبين السعوديين .. ومع ذلك يحضر التمارين يومياً من مكة .. يعني تتوقعون مايقدر يشتري فلة .. ويريح نفسه من ذا المشااوير لكن لأنه مستحيل يبعد عن أهله .. فهو مستحيل يطلع من الاتحااد .. هذي نقطة .. النقطة الثانية .. تتوقعون ان الاتحاد بيتخلى عن محمد نور بسهولة .. وهم يعرفون ان محمد نور هو روح الفريق .. ولن ابلغ لو قلت انه هو الدافع لفوز الإتحاد في المباريات الحاسمة .. ولعل مباراة قبل العام دليل على مااقول حينما لعبنا على النهائي وخرج قبل بداية المباراة واتجه نحو جمهور الهلال .. وامتص حماسهم .. وبعدها سير الاتحاد المباراة كما يشتهي لأن نور مشكلته مع جمهور الهلال وهي نرفزته استطاع ان يحتويها قبل المبااراة .. إذا مالسبب اللي يجعل نور يماطل والإتحاد لا يوقع .. السبب معروف نور يلعب بورقة الهلال الوهمية طبعاً .. والإتحاد لا يريد ان يضع مبلغاً فلكياً وهو يعرف ان الهلال لم يدخل بالصفقة .. !! لذا تجده لم يحسم الأمر التوقيع إلى الآن .. اتمنى ان تكوون رؤيتي خاطئة .. !! |
| الوقت المعتمد في المنتدى بتوقيت جرينتش +3.
الوقت الان » 05:45 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd