عبدالله العنزي حارس شباب النصر هو ضالة منتخب الشباب
 

بسم الله الرحمن الرحيم

تابعت نهائي كأس الإتحاد لدرجة الشباب بين النصر والأهلي وأبهرني كالعادة الحارس الشاب عبدالله العنزي فبالرغم أن النصر انطرد منه لاعبين وخرج لاعب نصراوي مصاب بعد انتهاء تبديلات فريقه لكنه جلس يذود عن مرماه في استبسال عجيب وثقة متناهية مع ان اللعب كله كان على بابهم حيث ان النصر اكمل اللقاء بثمان لاعبين .
* في نفس البطولة في إياب لقاء الهلال والنصر في نادي الهلال جلس بجواري شخص كان يمدح بالعنزي ويقول كان يلعب بأحد اندية شمال المملكة وكان مع منتخب المملكة سابقاً وفي مبارة ودية مع منتخب الأرجنتين اثنى عليه مدرب الأرجنتين ... وعلى كلامه انه حاول يبلغ عنه إدارة الفئات السنية بس ما قدر يوصل لهم لحد ما خطفه نادي النصر.
* أنا تكلمت في هذا الموضوع لسببين : -
1 - ما أراه من ضعف في حراسة منتخب الشباب إبّان مشاركته في تصفيات أمم آسيا .. فلا حسين شيعان ولا بديله قادرين يملون الخانة .
2- ما أراه من تطور الفئات السنية بنادي النصر فتشكيلة النصر اللي لعبوا فيها النهائي يوجد من بينهم أكثر من لاعب كان قاب قوسين أو أدنى للتوقيع لنادي الهلال ( مصعب العتيبي - عبدالله العنزي - بندر الأسمري ) بل حتى خطف لاعبين هلاليين مثل ما حدث مع الناشئ عبدالعزيز الذيابي .

لا يا أستاذي الكريم فيه كلام بالعقل وفيه كلام ما يدخل العقل ، شباب النصر الموسم الماضي بغوا يهبطون ومع ذلك يعتبر من أقل الفرق اللي يدخل فيها أهداف أسألك بالله وش تسمي هذا ؟ هذا غير انه متميز بصد ضربات الجزاء ولا أدل على ذلك من أنه صد ضربتين جزاء الموسم الماضي للعابد .

* السديري اكيد انه افضل من شيعان وذلك لسوء شيعان وليس لأفضلية عبدالله لكن يبقى العنزي أفضل منهم اثنينهم خصوصاً ان الثقة والثقل في المرمى تميل لمصلحة العنزي .
* أنا لا أمدح العنزي عشانه كاد أن يأتي للهلال وبالتالي أبكي على اللبن المسكوب .. لكن لو كانت حالة واحدة لقلنا اللي عندنا فيهم الخير والبركة ، أما ان يتكرر أكثر من مرة مع نفس الفريق ثم يهزمني نفس الفريق بالثلاثة رايح جاي فلازم أن يكون هناك وقفة .

* أحمد العوفي لاعب رقم 7 في فريق الأهلي لاعب خرافي .. ادعوكم للمتعة في متابعته .

مع احترامي الشديد لك اخوي العزيز اولا حسن شيعان وعبدالله السديري اصغر سنا من اللاعب عبدالله العنزي

وبعدين هذا اللاعب للاسف مغرور ويهرب دائما من المواجهات الكبيرة شفنا في العام الماضي كيف هرب من مباراة الهلال والنصر للشباب عندما فاز الهلال ثلاثه اهداف وكيف هرب مباراة الاتحاد لاعب مثل الخوجلي شبيه عندما يحس ان هناك ضغط على الفريق ادعى اصاااابه وهرب

القرصان الأزرق : سن عبدالله العنزي لو أنه كبير كان تم منعه أن يبقى في كشوفات درجة الشباب أما مسألة تهربه صحيح انه في تلك المبارة فعل مثل الخوجلي لكن لو هي عاده له كان سواها في النهائي لأن ما راح يجي ضغط عليه مثل هالحالة فريقه متقدم وأشواط إضافية وفريقه يلعب بثمان لاعبين واللعب كله على بابه وما شفت منه أي تهرب بالعكس قسم بالله ثقه غريبة بالنفس حتى أخوياه ضامنين أن وراهم حارس .

لوفر سامي : محمد المسرحي أتحدى انه تمر عليه مبارة بدون أن يخطئ في اسم اللاعب حتى العنزي نفسه كان يخطأ في اسمه في المبارة فصراحة أشك انه متابع جيد .
* طبعاً لما تكلمت عن إجداته لصد الضربات الجزائية قصدتها كميزة ثانوية له وإلا بوجهة نظري هو من أفضل الحراس اللي عنده توافق عضلي وذهني في مرماه فهو نادراً ما يخطئ والكرات الثابت سواءً فاولات أو ركنيات لا يمكن تدخل عليه .
* أشكرك على الرقم الصحيح لعدد الأهداف في مرمى النصر وممكن إني تصورتها بشكل خاطئ أو التبس علي الأمر ، لكن اللي أحب أكرره أن مسلسل إنتقال المواهب للجار بعد أن تكون قريبة للهلال يحتاج لحل جذري .

بالتوفيق لمنتخبنا للشباب

حــســن شيعان عادي .. عجايب

وعلى فكره ترا بديله هو السديري حارس شباب الهلال

شيعان والسديري يكفون ويوفون

شف ونا اخوك اهو كويس لاكن السديري وشيعن افضل منه ,,والسديري السنه الماضيه كان يحرس للناشئين والشباب وهو حارس ممتاز وسئل المسؤلين عن القطاعات السنيه في النادي وبالنسبه للفريق الازرق لو كان الدولين موجودين في بطولة الاتحاد السعودي لدرجة الشباب كان شفت النتايج تختلف لان المنتخب ضم تسعة لاعبين من الفريق الهلالي وعاد منهم اثنين للاصابه وهم راقي فلاته ورائد الصويلح .

أشكر الجميع على المرور وصدقوني أن عبدالله العنزي اتمنى له التوفيق على المستوى الشخصي أما على المستوى الفني فما دام انه لا يمثل المنتخب حالياً فجعله من جرف لدحديره بس أنا تمنيته في المنتخب بناءً على مبارتهم الأخيرة ومباريات قليلة شفتها له مثل الديبريات ومن خلال أيضاً متابعتي لكأس أمم آسيا للشباب وللمعلومية متابعتي لشيعان والسديري أكثر من متابعتي للعنزي .

* ابو فهد : أنا متصور هالكلام جيداً ولا حزت في خاطري ابداً الهزيمة لأني أعرف ان هذا ليس مستوى شباب الهلال لأن أكثرهم مع المنتخب ، بس اللي حز في خاطري أن الجار بدى ينافس على خطف المواهب في الفئات السنية وهذا لا شك أنه يشكل قلق لأن النصر نادي عاصمي مثلنا مع قلة المواهب اصلاً في العاصمة ... خلني أضرب لك مثال لي زميل من القصيم وتحديداً البكيرية ومتابع جيد للفئات السنية في أكثر الفرق بل حتى يمكن الحواري ويبدو أن له عناية بالتكشيف عنهم والسمسرة عليهم وتحدثت أنا وإياه حيال هالموضوع وقال لي بالحرف الواحد : " أبشرك سجلنا لاعب للهلال في الناشئين خذناه من معسكر النصر عندنا بالبكيرية " وقال لي اسمه لكن نسيته للأمانة بس في ما أذكر أنه وسط يسار .. فقل لي بربك من متى صرنا نفرح بخطف لاعب نصراوي للهلال ؟ وعلى ماذا يدل هذا ؟

لاتعلـــــــــــــــــــيق لم اشاهد الحارس نهائيا

الاعب الي تقصده هو سلمان الترفان قلب دفاع كان في اكدمية برشلونا وذهب للنصر ولم يوقع واتا وتدرب في الهلال ووقع معه الهلال بعدها النصراوين قموو يتكلمون اننا خطفناه منهم

حراس منتخب الشباب مستواهم ممتاز السديري قدم مباره كبيره مع اليابان

والشيحان كان مميز ولكن الدفاع .... "شوربه"

ماراح يضمونه تدري ليش لانه من النصر يمكن

والحارس مبدع ماشالله عليه

المغيري : أشكر لك مرورك وأدعوك لمتابعته لتعطينا رأيك .
ابو فهد : بغض النظر عن انطباعات النصراويين أنا اتكلم عن اهتمام الهلال على لاعب حصل وانه انضم لمعسكر النصر ( بغض النظر عن مستواه الفني اللي جعل الناديين يتنافسون عليه ) يدل دلالة قاطعة على ان الفئات السنية بالنصر بدت تطور وتؤثر على الفئات السنية في الهلال ( للسبب اللي ذكرته في الرد الأول ) مع ان النصر لم يعمل بالفئات السنية إلا هالموسم يمكن .
هلالية محترفة : أشكر لك مرورك وادعوك لرؤية الهدف الإماراتي اللي حرم شبابنا من التأهل لكأس العالم فبغض النظر عن الخطأ الدفاعي إلا ان الكوره مرت من تحت يد الحارس .
القلم الصريح : أشكر لك مرورك لكن هل تقصد ان إدارة المنتخب جيرت هالبطولة للنصر عن طريق عدم استدعاء لاعبينهم للمنتخب ؟

من جد حارس كبير العنزي
ويسستاهل المنتخب وربيييي

افضل حارس لمنتخب الشباب حسين شيعان

شيعــان ممتــأز جدا وله مستقبل كبيييير

الحارس شفت له مبارات الاتحاد والنصر العام الماضي بطوله الامير فيصل والله حارس مبدع واتمنى التوفيق له

تحيااااتي

الله يوفقه والله حارس مبدع

واتذكره من كان يلعب لنادي عرعر وكان حارس المنتخب للناشئين وهو بنادي متواضع نادي عرعر

والله يوفقه

والله انا تابعت لهذا الحارس مباراه والله حارس ما عليه قاصر ماشاء الله والله بطل خلنا نعطي الغير حقه مو التعصب يخرب

صعب نحكم على الحارس من اول مباراة

يبيله كم مباراة ولو قارنة مباراة الشباب اللي بالدوري

ومباراة الاهلي في فرق لان الاهلي مباراتة كان سيئ

ومو دليل يكون يبدع في اول مباراة له

الســلآم عـلـــيكــم


أول شــي الحـــآرس عبدآلــلــه الــع ـــنــزي من أهــآلـــي عــرعـــر



أعــرفه مــع ـــرفـــه شخصيــــه


ليــش الســديري أحســن مــنــه

عشــآن الســديــري هــلآلــــي


عبــد اللــه الــعـــنزي مــبــدع وبــقـــوه بــع ـــد


شفــتـــو مبــآرآة الهــلآل بـــدوري زيــن وش ســـوآ مـع النــصــر حــجـــر للــهلآل صــح


وربـــي حــآرس متــألق يـشهد ربـــي أنــي هلــآلــي صمــيم لــكــن أي هــلآلــي مــتــعود يقــول الــحــق



لو عــلــىآ نــفــســه



تـــح ـــيـــآتــــي لــــكـــم

الله يعطيك العافية أخوي

أختلاف الرآي لايفسد للود قضية

بالنسبة للعنزي مع أحترامي فاشل


ولا عندة سالفة

أشوف حسيــن شيعان ممتاز


تقبل مروري

بالعكس والله انه حارس عادي

انا معجبني مستوى السديري

.......................

السديري ممتــأز جدا وله مستقبل كبيييير

هههههههههههههههههههههههههههههههههههههههههههههههههههههههه

ياناس تكفون ادخلو على ملفه الشخصي وشوفو مشاركاته الفقراوي

المشكله انه مصلعها بقووووه

الموضوع له سنتين من عام 2008

وانتم تتكلمون عنه <~ اقصد اللي يشاركون بعد ما انتهت السالفه :D

مع اني هلالي ولله عندي فنان