البعض صار يتكلم ويقول ان جمهور الهلال بالرياض لايحظر وان الهلال ماقدم شي بسبب الجمهور وأنا أبي اللي يقول هالكلام يكون مقتنع به وأنامتأكد أنه يردد كلام لايفقه لأن الفريق الموسم هذا لم يقدم اي شي يذكر لابالرياض ولابرا الرياض ...
ليش الهلال مافاز على نجران بنجران رغم أن الهلال كان حضور الجماهير كبير ليش مافاز على الهلال رغم أن الحظور جيد ....

في مبارة الهلال والكويت الكويتي بالرياض حظور الجمهور 60ألف متفرج والهلال لم يقد شي يذكر وأنتهت بالتعادل...


[IMG][/IMG]
في مبارة الهلال والأتحاد بنهائي الدوري قبل العام الجمهور غطاء الملعب كامل وبالأخر هزيمه تفشل ....
[IMG][/IMG]

في مبارة الهلال والوحده الأمارتي الملعب لاتجد فيه محل من الجمهور وبالأخر تعادل وببلنتي بعد ...
في مبارة الهلال والشباب نهائي الدوري الهلال يخسر رغم
ان الجمهور من العصر متواجد بالملعب واغلقت الابواب قبل المغرب وبالأخر ننهزم بثلاثه ...

جمهور الهلال دائماً يحضر واللي يقول أن الجماهير برا الرياض تحضر أكثر سبب حظورها بكثافة لأن الهلال مايلعب عندها الامبارة واحده فقط بالسنه وملاعبهم لاتتسع الا10000 الاف متفرج او اقل وشي طبيعي يمتلي الملعب ...
وأغلب اللي يقولون ان جمهور الهلال ليه مايحضر ويتكلم أنا متأكد أنه ماعمره حظر مباره للهلال ...
السبب في مستوا الهلال الاعبين نفسهم مايلعبون بروح يلعبون كأنهم مغصوبين على اللعب وأغلبهم ظامن انه بيكون اساسي ويلعب واهو واثق أنه مو جالس احتياط ....
ولو السبب الجمهورفي تدني المستوا كان ماحقق الشباب ولابطوله اللي جماهيره لاتتعدا عدد الأصابع مع أحترامي لهم ...
والاعبين مطلوب منه يقدمون كل مالديهم ولايعلقون فشلهم بالجمهور الأداره قدمة لهم كل شي ولاكن لعب من غير نفس ..

إقتباس الرسالة الأصلية كتبت بواسطة عاشق 10 ادريانو والله انك بردت كبدي انا من الرياض وقسما بالله احضر جميع مباريات الهلال بالرياض واخرها امام الوحده قبل امس جمهور خارج الرياض هي مباراة وحده بالموسم كله تلقاهم يتجهزون لها من بدري وملعب لو اجمع عيال حارتنا عبوه على اخره ويتشرهون بعد لكن لو يلعب الهلال عندهم 11 مباراة غير كاس ولي العهد غير الامير فيصل قسما بالله ماتلقا ابن امه وبعدين اخر كلمه بقولها كـــمــــا تـــطـــالــــبـــونــــا بــالــحــضــور نــحــن نــطــالــب بـالـمـسـتـوى دايم نحضر ويدينا على قلوبنا مانضمن الفوز حتى قدام اضعف الفرق اروح واتعب نفسي وحلقي ينشق على ناس ماتعرف تلعب لـــيـــه ؟؟؟ قسما بالله مباراة الوحده ذبحني البرد مالبست زين وحلقي الى الان منتهي وصوتي رايح واخرتها اطلع متعادل وليت المستوى يبيض الوجه

يعجبني كلاكم ولكن من يشكك في جمهور الرياض هم المندسين وانا متاكد انهم يطالعون كل صغيره وكبيره

واي شي يحصلونه شر للهلال على ىطول نزلوه في منتداهم


بس تاكد لولا الله ثم الجمهور لما كان الزعيم زعيما وشدو وراح تلقون الي يسعدكم

إقتباس الرسالة الأصلية كتبت بواسطة عاشق 10 ادريانو والله انك بردت كبدي انا من الرياض وقسما بالله احضر جميع مباريات الهلال بالرياض واخرها امام الوحده قبل امس جمهور خارج الرياض هي مباراة وحده بالموسم كله تلقاهم يتجهزون لها من بدري وملعب لو اجمع عيال حارتنا عبوه على اخره ويتشرهون بعد لكن لو يلعب الهلال عندهم 11 مباراة غير كاس ولي العهد غير الامير فيصل قسما بالله ماتلقا ابن امه وبعدين اخر كلمه بقولها كـــمــــا تـــطـــالــــبـــونــــا بــالــحــضــور نــحــن نــطــالــب بـالـمـسـتـوى دايم نحضر ويدينا على قلوبنا مانضمن الفوز حتى قدام اضعف الفرق اروح واتعب نفسي وحلقي ينشق على ناس ماتعرف تلعب لـــيـــه ؟؟؟ قسما بالله مباراة الوحده ذبحني البرد مالبست زين وحلقي الى الان منتهي وصوتي رايح واخرتها اطلع متعادل وليت المستوى يبيض الوجه

أقول لا تتفلسف أنت وياه "يقول لو 11 مباره عندهم و مباريات الثلاثه كأوس كان متشوف أبن أمه "يأخي عيب والله عيب وتزعلون إذا قال جمهور النصر عن نفسه جمهور وفي عيب فضحتنا يا متخ**** أنت هلالي؟؟؟؟؟؟؟؟؟؟؟؟

وربي كلام في الصميم وعين العقل وتسلم الغالي على الكلام الصحيح والجميل لاني اشوف

الخرابيط كثرت على جمهور الهلال بالرياض مع ان الرقم الصعب والاكثر جماهيريه ماعرفنها

الا عن طريق جمهور الهلال بالرياض اللي تحضر لك اكبر حتى من حضور بعض الانديه

الاوربيه مايصل عدد حضورهم الا 50 الف متفرج بينما في استاد الملك فهد يصل ل70 الف

متفرج ويجونك ناس يقولون جمهور الهلال بالرياض قليل ولا يحضر الاسباب كثيره منها

عدم تحفيز الجمهور للحضور لا باعلانات ولا بجوائز ولا باهتمام بالبوفيات ولا روح لاعبين

مستوى صح وتبي حضور مثل ماكتب الاخ ترا حضرنا في مبارة الكويت الكويتي والوحده

الامارتي ومباريات كثيرها وفللنا الملعب ولكن النهايه مستوى يفشل وخسائر

صحيح الهلال مستواة سيئ هذا الموسم بس لازم نحضر المباريات ونساند
الفريق في السراء والضراء مو غير نكتب ونزل المواضيع على غير سنع

مافييه جمهوور بالعالم يقارن بجمهور شباب الرياض اذا اهتوو الله يحفظهم

طيب وينكم أمس ؟ يا اخي الجمهور يحمس الاعبين وش فيكم انتم بس لا تتفلسفون الروح غايبه منكم انتم مافيه احد يحمسهم هم مين له يلعبون له ؟ مافيه اشكال تطالبون بالمستوى بس مو على طبق جآهز ..

ولنا عبرة بالنصر يا اخي النصر كم مره يخسر له عشر سنوات ما اخذ ولا بطولة وجمهوره يحظر واحنا على مباراة نعزل كبروا العقل ..


جمهور الرياض انتم الرقم السهل ..

ياخوي جمهور المباراة و المباراتين

لا تاخذ بكلامهم ,,,

جمهور الرياض هو اكبر جمهور لنادي الهلال

مع كامل الاحترام و الحب و التقدير لجماهير الهلال خارج الرياض

و بعدين انا في حي السويدي : و استاد الملك فهد يبعد عني اكثر من 60 كيلو , و مع الزحمات يبيلي وقت ساعة و نص الى ساعتين روحه و نفسها رجعه , و اخرتها مع الوحدة لا و تعادل !!!!

انا صرت اتشائم من الجمهور اذا ملا الملعبى
بالنتائج طبعا السابقة
الاتحاد
الكويت الكويتي
الوحدة الاماراتي
هم

بشكل عام

مافيه اي شي يشجع على الحضور للملعب
1-العسكر الي فالملعب ومعاملتهم الي زي الزفت
2- سوء تصميم المدرجات بحيث تكون بعيده جدا عن الملعب نفسه وماتشوف المباراة زين
3- بعض الجمهور الي يكتمونك بريحة الدخان
4- التنضيم المروري السيئ من قبل المرور في اوقات المباريات
5- الزحمه في طريق خريص وبعض الطرق المؤديه للملعب
6- طريقة التشجيع البارده والسامجه من قبل الجمهور يعني مافيه جمهور يحمس ويشجع
كلهم يجون ويجلسون ساكتين لين تخلص المباراة بعدين يطلعون ويمشون
7- اسعار التذاكر قد تكون غاليه بالنسبه لبعض الناس

كل هذه الاسباب تخلي الناس يهجون من الملاعب لانه مافيه اي شي يشجعك على الحضور
للاستاد

جمهوور الرياض له الفضل الكبيير في بطولات الهلال كلها...لاتنسى انت وياااه

في مبارة الهلال والوحده الأمارتي الملعب لاتجد فيه محل من الجمهور وبالأخر تعادل وببلنتي بعد

هيه وش بلنتي التايب الي جاب الهدف مهب بلنتي