|
عاجل : الهلال ليس صاحب الشعبية الأولى في المملكة في البداية أعذروني على العنوان الذي وضعته لماذا جمهور الهلال يا جمهور الزعيم يا جمهور الأكبر شعبية بالمملكة لماذا يا جمهورنا العزيز في الرياض ؟ لماذا كل هذا العزوف عن الحضور كل ما يهمكم كله حصول الهلال على بطولة فقط لو كنا صائمين عن البطولات أكثر من خمس سنوات هل ستشجع الهلال أم ستبحث عن نادي بطولات هل يهمك فقط الحضور في مباريات الدربي فقط هل يمك الحضور لمباريات النهائيه فقط أقنعني بسبب واحد عدم الحضور للمعلب أنا بصراحة ألتمس العذر للاعبين الهلال هالبرودة وغياب الروح لأنهم لم يجدوا جماهير لم يجدواالحافز المعنوي والتعزيز أرجو منكم ثم أرجو ثم أرجو أن تحضروا المباريات فإذا على المادية كلها 20 ريال ثمن التذكرة إضربها 12 تساوي 240 طوال موسم + مصاريف قول 300 = 540 ريال سنويا لمساندة الهلال في الدوري هناك ملاحظة (( الحضور الجماهيري للهلال خارج الرياض أكثر من حضور جماهير الهلال في الرياض )) شيء مضحك وكأن الهلال ليس من مدينة الرياض فإذا كان هكذا حضوركم فلا تطالبون الهلال بالبطولات |
ياخوي ليش نتعب اعمارنا واخر شي نفوز بالقوه .. وياليت فيه لعب حلو يرفع الظغط خلونا صريحين .. نرجع شوي للسنوات يوم كان الهلال فيه بشار عبدالله والثنيان والمدرب خليل الزياني كان الجمهور فول لان فيه حماس ولعب صح مع ذلك ننهزم او نتعادل :) بس فيه لعب حلو .. البعض بيقول ماكانت منقوله نجي يوم كان المدرب بيسيرو كان اللعب حلو ووناسه ونحضر وروح شوفو مباراه الهلال فالرياض يوم كان المدرب بيسيرو ... والمعروف انديه العالم واولهم ريال مدريد وبرشلونه وميلان اذا كان فريقه ما يقدم مستوى المطللوب ما يحضرووووون لانهم زعلانيين عاللعيبه .. قدم مستوى نحضر مهب مستوى بلا روح هجمه وحده مرسومه ما فيه وتبون نحضر ..؟ قدم 3 مباريات فالرياض متتاليه بشكل حماسي ولعب مفتوح وابصم بالمليون ان الجمهور بيرجع .. بختصار جمهور الرياض جمهور يحب الكوره الحلوه .. :smilie47: هذا غير الخدمات الملعب مويه حاره فالصيف وبيبسى قصدي مويه غازيه ووبسكوت ديمه قصدي حصاه محشيه بتمر وناكلها برى الملعب يعني تشوف المباراه وانت معك مويه ياويلك ... ذكروني بالمدارس ياويلك تدخل المويه بالفصل :d |
إقتباس:
|
شوف .. لو عدد بطولات الهلال ( صفر) ولا اقولك بالسالب .. ماراح اترك تشجيع الزعيم .. لانها وبكل بساطه .. يجري بعروقي |
والله حرام على جمهور الرياض |
إقتباس:
كيف نحضر واللعبين مافيه رووووح ولعب حلو :) فيه مباريات ملينا الملعب وخسرناها ... الهلال والكويت والهلال والشباب والهلال والاتحاد والهلال والوحده الاماراتي قدم مستوى حلووو واخسر مهب مشكله بس فيه وناسه ولعب حلو ابشر بالحضور |
حلوة تلتمس العذر للاعبين محترفين يستلمون ملايين بأخطاء بدائية مايسويها لاعب هاوي .. لكن كالعادة جمهور الرياض هو المشكلة بكل شيء .. طيب انت يالاخ ورا ماحضرت؟ كم مباراة حضرت هالموسم؟ هل تشوف انك بمستوى كافي تنتقد جمهور زف الهلال لبطولات من قبل ماتولد واولد انا وكثير من الموجودين؟ جمهور الرياض عظيم ماهو اي واحد ينتقد .. فيك حرة ودك تنتقد؟ انتقد اللي ماعندهم دم في الملعب ويضيعون فرص سهلة .. انتقد العنبر يوم ضيع فرصة هدف بدال مايعطيها فيلهلمسون طلعها برا بكل غباء .. رجاءا ماهو انت تقيمنا وتقيم حضورنا .. وجمهور الرياض بحكم انك ماتعرف من هو جمهور الرياض .. ياعزيزي هذا الجمهور هو اللي يعلم اللاعبين اذا انتم ماشين صح او ماشين غلط .. شف حضور مباراة الرايد بالملز كيف كان حضور مخيف لان الفريق كان ماشي صح .. مايحتاج اذكرك بالمباريات اللي امتلى فيها الاستاد وتجاوزنا فيه 70 الف متفرج لان المعروف لايعرف .. الفريق الحين يتخبط والدليل جمهور الرياض يوجه رسايل ان الفريق ضايع ومستواه مخيف .. ومرة ثانية ياليت ماتنتقد جمهور الرياض لانك ماقدمت 2% من اللي قدمه للهلال :) |
اخوي الي في الرياض المبارايات في وسط الدراسة واما الي خارج الرياض اربعاء خميس جمعة ومع ذالك امطار وبرد |
ما اعتقد حبيبي وأحد من قلب يشجع ويترك تشجيع النادي عشان فوز اوخساره الي يسوي كذا بيلعب على نفسه قبل يلعب على غيره أمــآ بخصوص الفريق يأخي الزعيم له إكثر من مباراه مو مقدم لعب صح اما بخصوص الحضور .... فلآتعليق دمت |
أقول جمهور الهلال كذا مره حظر وتفشل من الاعبين اللي تفكيرهم بالدعايات ومقدمات العقود والله اللي يبي يحظر يحظر والاعبين قدم لهم كل شي ولازم يحققون المطلوب منهم والجمهور ماله اي ذنب .... |
إقتباس:
اخوي الغالي انا حاظر كل مباريات الهلال ومنها الاخيره ولكن اتلمس العذر للجمهور المباره وقتها غير مناسب في وسط الاسبوع وامطار والشوارع اللي حول الاستاد كلها مويه المويه طالعه فوق الارصفه يعني من الصعب يجون الناس بالاضافه ان مقارنتك لجمهور الهلال بالرياض مع باقي المناطق في غير محلها مع احترامي لك الهلال يلعب اكثر من عشر مباريات على ارضه وبينما في المناطق الثانيه مباره وحده في سنه كامله اكيد بحضر فيها لو اكسر نفسي لانها مباره وحده اما بالرياض الوضع مختلف وفيها اشياء ثانيه التحفيز للحضور مافيه اهتمام بالجمهور مافيه حطو جوائز حطو مطاعم وتطوري البوفيات اللي بالملاعب |
جمهوووووووور الريااااااااض ماعندهم سااااااااالفه غييييير بنحضر وبنحضر وفي الاخير تلقاه في بيته او في استرااااحه |
انا عرفت جمهور الياض متشبع من الزعيم لان يزورونا في النادي |
جمهور الرياض جمهور محب للهلال حتى النخاع لاكن ما لقى من يسحبه من بيته اللعيبه كأنهم كمبيوتر عائلة دوبهم يمشون |
في مباراة الهلال مع الوحدة ومن أول وهله توقعت أن المباراة بين وج ومرخ |
| الوقت المعتمد في المنتدى بتوقيت جرينتش +3.
الوقت الان » 06:07 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd