|
يالي تتكلمون على جمهور الرياض تعال ابيك بكلمة راس :: انا من القصيم :: http://upload.alhilal.com/img/014/b3asmla3a.gif http://vb.alhilal.com/banner/logo.gif السلام عليكم ورحمة الله وبركاته كثر الكلام عن عدم الحضور الجماهيري في الرياض وانا متيقن يقين ان كل هذا الكلام من الاعضاء مجرد هروب من الم الهزيمه الغير متوقعه انا قبل فتره قمت بأنزال موضع تحت عنوان جمهور الرياض جمهور المجان وذلك لكي التمس بعض الردود من الجمهور الهلاليه ولله الحمد قد خرجة بنتيجه ان الزعل على جمهور الرياض مايجي الى بعد الخساره انا ابي اعرف ليه لافاز الهلال ومافي حضور جماهيري قعدتو تلمعون لاعبين الهلال وكأن الجمهور حاظر بالكامل والهلال خسر من نجران رغم الحضور الجماهيري الكبير من أهل الجنوب وعمر لاعبين الهلال ماتوقف على الجمهور واكبر دليل لعبنا في الموسم قبل الماضي بدون جمهور بعد العقاب من الاتحاد السعودي عقب الاحداث التي صاحبة مبارة الهلال مع الحزم في القصيم والحمد الله فزنا في المباراه ولاننسا بطولتنا الخارجيه الهلال يحققها بدون جمهور هلالي الى قليل وعادة مايكون طلاب سعودين في الدوله التي يلعب فيها الهلال انا من سكان القصيم ولله الحمد احضر اكثر المباريات التي تكون في الرياض واخرها امام الوحده والتي كانت يوم الثلاثاء الماضي مع اني موظف. احينا احمد ربي ان الهلال في الرياض انها في منطقة وسط المملكه اي ان كل طرق مدن المللكه تؤدي الى الرياض فلماذا يا اخي الذي تعاتب جمهور الرياض لماذا لاتحضر انت الى الملعب في عطل نهاية الاسبوع ام انك لاتعشق الهلال الى عبر التلفاز وعند الحضور الى مدينتك انا الوم سكان منطقة الشرقية ومنطقة نجد بشكل عام لماذا لاتحضرون في نهاية الاسبوع وحتى وسط الاسبوع انا اخر مباراة حضرتها مثل ماذكرت في اول كلامي تعتبر في وسط الاسبوع عند خروجي من ملعب الملك فهد رجعت الى منطقة القصيم وقد وصلت الى بيتنا في تمام الساعه الوحده اي في موعد نومي المعتاد واذا الواحد يقولي ادوخ بعد صخب الملعب ياخي استأجر لك سكن ونم وامش بعد صلات الفجر يعني ريح لك خمس او أربع ساعات وارجع الى بيتك وغير ملابسك وتوجه الى دومك او الى جامعتك والي يقول ما أقوى على الاجار ياخي اسدح مرتبة السياره ونم في اول الطريق لانجلس نختلق الاعذار من اجل تعادل او هزيمه وأتمنا ان نشاهد جميع جمهور الهلال حاظر من مناطق المملكه انا لي زملاء من مشجعي نادي النصر ويذهبون لأكثر المباريات التي يلعبها النصر في الرياض وكم واحد من خارج الرياض يحضر وهاذا ما اكثر جمهورهم وانا من كلامي لا اختلق الاعذار لجمهور الرياض فوالله اني يحز في نفسي لاكن مثل ما تطلب انت ياخارج مدينة الرياض احضر وبعدها تكلم عن جمهور الرياض وبمناسبة كلامي معكم دعوني انحرف بكم الى محور ثاني فأرجو ان تسمحو لي الي ابي اوجه لكم يا جمهور الهلال ان الهلال عادي يخسر ومثل نافوز لازم نتقبل الخساره والي يقول تخبط الاعبين وعدم الامبالاه ياخي من قالك ان الاعب ماوده يفوز بس في بعض الاحيان الشخص وده يفعل المستحيل لاكن يجد نفسه ضائع وتحدث هذه في كل أمور الدنيا وليس كرة القدم ولاتنسو الضغط الاعلامي على الهلال في قضية التايب فهاذي بحد ذاتها مرهقه الاعبين نفسيا وانا اتمنا ان الفيفا يصدر قرار نهي حتى لانضيع بين كلمة رفع الايقاف او البقاء علا الايقاف واسف على الاطاله ودعوني ارقد على مخدتي وأحلم ان اجد جميع من يقرأ موضوعي يعلق عليه وليس لمجرد كلمة شكراً |
يا رجال تبينا نحد انفسنا على اقصاها ونسحب على جامعتنا عشان نشرف جمهور الرياض ياخوووك اللي بيحضر يحضر واللي مهوب حاضر كيفه بس طلبتكم ما نبي هياط قبل المباراة بكم يوم ويجيني الف واحد بيحضر وكلهم من جنبها لووووووووووووووووووووووووووول |
المشكله ليست في جمهور الهلال المشكله في عدم تسويق التذاكر للجماهير بالشكل المطلوب واعتبرها في كل الانديه مو بس الهلال |
بصراحه لا تضع اللوم على الجمهور اغلب الجمهور مرتبط بعمل ودومات وطلاب والملعب خارج الرياض تقريبا من جت الشرق يعني على طريق الدمام وهو مشوار خاصه للسكان الاحياء الغربيه والجنوبيه اذا الملعب بعيد عندي اول شي وبكره دوام كيف بحضر ؟ وغير كذا امس كان امطار واللي ما يعرف شوارع الرياض يستريح وخاصه اللي قريبه من الاستاد يعني ل انحط اللوم فقط على جمهور الرياض الهلالي نحط اللوم اول شي على الاتحاد السعودي وش يفرق الثلاثاء عن الاربعاء او الخميس ؟ هل الملعب مرتبط بمباريات مثلا ......؟؟؟ الواحد همه يكتب موضوع والا يعرف وش الضروف اللي يمر بها جمهور الرياض خاصه واتوقع الهلال لعب ثلاث مباريات بالرياض قدام الرياض وعبى واجهه الامير فيصل لانه بالملز بوسط الرياض والنصر وعلى الرغم من انه دومات الا ان الحضور كان نوعا ما مقنع ووقدام الاهلي لا باس بالحضور والوحده كانت الضروف والاجواء واقامه المباريات بموعد الدومات هذا ما يناسبنا ابد |
اخووي انا حظرررت المباريات بالريااض ،، الاهلي والنصر وكنت ناوي الوحده لكن وانا اخووك الشوااارع دمااار تقول راشين عليها صابوون :) واكيد اهم عارفين هالشي :) اهل الريااض تحياتي لك يالغلا |
شكله ليست في جمهور الهلال المشكله في عدم تسويق التذاكر للجماهير بالشكل المطلوب واعتبرها في كل الانديه مو بس الهلال |
مبآرآه الوحده ششوآرع الريآض غرق .. :s وآكثر شي عند الآسسستآد .. المويه متوآزيه مع الرصيف .. شلون نبي نروح .. ؟ ورده |
صح عليك لاكن وش تبي نقول الصراحه شهرت الهلال هي السبب لاتختار جماهير مثل الناس |
بالنسبة لماذا المباراة كانت الثلاثاء وليس الأربعاء ؟؟ الدغيثر قالها كلمة حق أن الارتي هي من تسوق الاتحاد السعودي وتتحكم بجدولة الدوري .. عندها طالبه سلطان بن فهد ونائبه بالتحقيق وكأنهما لا يران مايحدث ؟؟ شئ مخجل بالفعل ؟؟ لماذا لا نستفيد من الدوري الأنجليزي رغم أنه أكثر منا بعدد الفرق لكن الجدول ثابت بالدوري الأنجليزي ثلاث ايام بالاسبوع سبت واحد واثنين بالمقابل نحن نستطيع جعلها في ايام الاربعاء والخميس والجمعه ولا تجتمع ست مباريات بوقت واحد بل ع اوقات متفرقة ونستطيع اقامة بعض المباريات عصرا .. أين الذي يقال أنه يوجد تعاون بين الأتحاد الأنكليزي والسعودي !! ونا متأكد لو أن جملة الدغيثر قالها أمير من أمراء النصر أو الهلال لن يحدث هناك تحقيق ؟؟ الله يرحمك يا عبدالرحمن بن سعود .. لكن مسكين أكلها الدغيثر .. وكسب بالمقابل رضى واعجاب الجميع لجرأته ورأيه الصحيح أولهم الهلاليين .. |
يارجال مو عن الفوز ولا الخساره اجل لاتمدحون الجماهير وتقولون احنا اكثر جماهير واحنا واحنا والفرق الى غيرنا بالحضور اكثر مننا ولكم عين تقولون احنا اكثر واحنا |
مبآرآه الوحده ششوآرع الريآض غرق .. :s وآكثر شي عند الآسسستآد .. المويه متوآزيه مع الرصيف .. شلون نبي نروح .. ؟ |
يااااخــوووك هالأيــام بررررد ومطر أحضر وتصكني أونفولنزا أسبوع ؟ ما حد الله ما دام الخشبية بتنقلها |
فعلا الجمهور معذور واللي يقب على الجمهور ويسوي فيها انه الفاهم اقول ماعندك سالفه جمهور الهلال بالرياض تفوق بعدد حضوره في كثير من المبارياة انديه اروبيه شهيره وبعض الانديه الاوربيه اللي تشوف ملاعبها تغص بالجماهير الملعب سعته تلقاه 50 او 60الف بينا عندنا باستاد الملك فهد خاصه 70 الى 80 الف والهلال ملاها اكثر من خمس الى ست مرات في السنتين الاخيره وتقولون جمهور الرياض وجمهور الرياض وربي لولاه ماعرفتو شي اسمه الهلال والرقم الصعب والاكثر شعبيه اجل اكثر شعبيه على ملعب الحزم ولا نجران اكثر شعبيه تقاس بملعب يشيل 70 الف متفرج هنا تقدر تقول الهلال اكثر شعبيه |
لا تضع اللوم على الجمهور اغلب الجمهور مرتبط بعمل ودومات وطلاب |
| الوقت المعتمد في المنتدى بتوقيت جرينتش +3.
الوقت الان » 09:00 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd