|
انا من جمهور الرياض بسم الله الرحمن الرحيم بدايتن انا منذو مبطي وانا من رواد المنتدى ولكني ماحب اكتب احب اقرا ... ومره قررت اني اكتب موضوع ويوم سجلت وكل شي وكتبت الموضوع مانزلوه بالمنتدى .. الظاهر انه ماجاز للمراقبين :( المهم نرجع للموضوع انا قريت كثير من اللي يعاتبون جمهور الرياض ويقولون ليش ماتحظرون و و و إلخ وبما اني من جمهور الرياض قلت خل احاول ارد علي المعاتبين . الحين انتم تقولون ان جمهور الرياض مايحظر عكس المدن الاخرى مثل تبوك وبريده والدمام ومكه وجده وانا اقولكم ان ملاعب الرياض غير ملاعب تبوك وبريده والدمام ومكه وجده ... يعني خل ناخذ مثلا استاد جده ... بما ان جده تقارن بالرياض من ناحية المساحه ... لكن للاسف الملعب اللي كاشخين فيه مايكفي الا عشرين الف بينما لو نشوف استاد الملك فهد .. الواجهه بس اللي تتكون من دورين تاخذ عشرين الف .!! بمعنى اخر .. لو نجيب جمهور الرياض امس اللي كانوا بالاستاد وكان شكلهم قليل ونحطهم بملعب جده كان قلتوا مشاء الله على جمهور جده مالي الملعب . طبعا هذا ملعب جده اللي هي من اكبر مدن المملكه .. اجل وشلون المدن الاخرى .؟!! والنقطه الثاني اللي تخفى على كثير ممن هم من برى الرياض .. ان الرياض كبيره .. والاستاد صاير تقريبا باخرهامن الشرق .. يعني انا من سكان وسط الرياض.. عشان اوصل للملعب يبي لي ثلث ساعه هذا اذا كانت الشوارع فاضيه وطبعا نادرا ماتكون الشوارع فاضيه هالايام .. فكيف اللي ساكنين بجنوب الرياض او غربها . وبعدين مثل مانتم شايفين يعني ثلث ساعه طريق وذبحنا البرد واخرتها تعادل :( وفي نقطه اخيره لاحظتها امس في الملعب .... ان كل الجماهير اللي حاظره ماتحب اهازيج الرابطه .. وكلهم اذا بدا يتكلم او يردد شي يقولون له يازينك ساكت !! وانا من ضمنهم .. لاني اشوف ان الرابطه شي ماله داعي ازعاج على غير فايده ... يعني اول وش زيننا نجي وونصفق ونشجع ونسوي حركة الموج ونهز الملعب بدون رابطه وطبول وطقطقه ..عموما انا متاكد ان اغلب المنتدى راح يخالفني بهالنقطه بس هذا اللي شفته امس في الملعب ... لكن تبقى وجهة نظر . واخيرا هارد لك التعادل ياشباب وبالتوفيق للزعيم في المباريات القادمه |
كلامك صحيح وحبيت اصحح لك معلومه ان واجهة استاد الملك فهد 40 الف مقعد وهذا ماهو عذر لاكن فيه اسباب والاسباب الي ذكرتها انا معك فيها ولاكن السبب الاهم ان المباريات تكون في وسط الاسبوع يعني مثلاً انا ماني من اهل الرياض لاكن لو كانت المباره يوم الاربعاء والا الخميس اكيد ابحضر لاكن مباره في وسط الاسبوع مايمديني اروح للرياض وارجع واداوم اعتقد ان هذا هو السبب الاهم وباقي الاسباب ماهي عذر الاستاد 70 الف متفرج وسكان الرياض في آخر احصائيه 7مليون نسمه واكد ومازلت مصر على ان السبب توقيت المباريات |
والله انك صادق الرابطه مال ام امها داعي والله يكون في عونكم يارجال مع اني مو من الرياض لكن ما اعتب على جمهور الرياض لان المباريات بالرياض كثيرة مو واحد ولا ثنتين وماعليكم من ذول اللي يقولون لو احنا كان ملينا الملعب ماغير يهايطون تقبل مروري |
لا لا امس مافيه احد ابدا بس بقولك شي ترا الهلال دايم عندنا ونحضر لكن اللي برا الرياض يجيهم يامره او مرتين بالكثير علشان كذا يحضرون وبس |
إقتباس:
1) يعني انت من جدك ان جمهور الاتحاد اللي يملا ملعب جدة بهمة ونشاط مايتعدون 400 مثل امس !! وش دعوة ولو اننا عميان !!! 2) ومن قالك ياحبيبي ان الملاعب الثانية اللي بالقصيم وجدة والدمام جنب بيتهم !! بل على العكس مثلا لو المباراة امام الحزم في محافظة الرس والجمهور من عنيزة وبريدة .. تدري كم المسافة بينهم !! 70 كيلو... مو ع قولتك 20 دقيقة !! والله عيب ذا الكلام .. ونفس الشئ ينطبق على جمهور جدة ومكة والشرقية وباقي المناطق الأخرى ايضا الملعب مو قريب منهم . 3) الحين انت يوم تنتقد الرابطة .. طيب بالعربي هل فيه جمهور علشان يسوي حركة الموج ويصفق !! وحتى لو كان فيه جمهور للأسف راح التشجيع الجماعي واذا الواحد شجع ولا سوى شئ الكل يطالع فيه يقول وش ذا المجنون !! بالعكس الكل جالس بمكانه !! راحت أيام التشجيع على ايام ابو يعقوب عزك من عزنا .. ياهـــلال !!وانت تتذكر ان ابراهيم حقوي السنوات الأخيرة يوم كان ماسك الرابطة كان مسوي شعلة من النشاط والحماس وحتى ان كان الجمهور قليل وأفضل من الرابطة الحالية .. وجهة نظر تقبل مروري . |
إقتباس:
ياخي العزيز انا اتكلم عن جمهور الهلال وش دخلني بجمهور الاتحاد ...اللي اقصده انه لو جماهير الهلال امس يحظرون بمكان جمهور الهلال بجده كان امتلى المكان المخصص لجمهور الهلال في ملعب جده < اتمنى انه اتضحت الفكره ومسالة عنيزه وبريده ... هالحين منطقة القصيم كله ماتجي كبر مدينة الرياض .. يعني اللي ساكنين بجنوب الرياض عشان يوصلون للاستاد يبيلهم نفس المساف اللي بين بريده وعنيزه وبين الرس .. ويوم اقول 20 دقيقه انا اتكلم عن نفسي اللي انا ساكن في منطقه قريبه نسبيا من الملعب ... وارجع اقولك مره ثانيه ملعب الحزم لو يجون فيه ربع اللي جو امس في الملعب كان امتلى . وبالنسبه للرابطه انا ماتكلم عن امس بس .. اتكلم عن وجود الرابطه من اساسه .. يعني حتى لو فيه جمهور كثير وش الفايده من الرابطه ؟! من عرفت الهلال وحنا نروح نشجع بدون رابطه ونفوز الحين رابطه وطقطقه وازعاج واخرتها تعادل :( |
انا من اهل الرياض ياخوي صحيح نساند الهلال يعني انا عن نفسي اذا جات مبارة مهمة للهلال يعني قوية احضر بشرط تكون في نهاية الاسبوع لكن تعطيني مبارة في وسط الاسبوع وتقول احضر وانا عندي دوام ياخي في اولاويات بعدين انا مثلك تقريبآ في وسط الرياض بالتحديد التخصصي يا امسك طريق خريص او اجي مع طريق الملك فهد عشان اجي مع الدايري الشمالي او اجي من عند الدرعية زحمة يعني اذا انتهت المبارة وانت وراك دوام متى ترج البيت الساعة 1 ونص انا عادي طالب جامعي يعني ممكن نسحب على ام الجامعة لكن الي موظف ولازم يكون في عملة من الساعة 5 صباحآ مثلآ عشان كذا اتمنى مانلوم الجمهور |
والله ماشاء الله عليك ثلث ساعه زيــن ساعه وياله نلحق مع هالزحممه!! وغيــر كذا الهلال نصف المبارايات تقريبا بارضه يعني بالرياض .. اما تبوك وحائل وغيره مرتين تقريبا وهي المره الي يشوفون بها مباراة الهلال عشان كذاا الجمهور يحضر ..:) |
إقتباس:
أو حتى لو حضر الجمهور الهلالي بجدة معقولة عددهم 400 وتمتلئ الواجهة بلا استهبال !! ياخي كلمنا بعين العقل .. يوم تقول منطقة القصيم كلها ماتجي الرياض .. شكلك عندك ضعف بالجغرافيا :razz: روح اسال ابوك القصيم كم فيها من محافظة وكم المسافات بينها لاني ماني فاضي اشرح .. طيب يوم تتكلم عن نفسك انك توصل 20 دقيقة انا ضربت لك مثال غير منطقة القصيم .. هل مشجعين جدة ( جمهور الاتحاد مثلا انا اقولك الاتحاد لانه دايم يحضر وبلا تكبر ! ) هل تتوقع أن الجمهور بجدة أو جمهور الشرقية الملعب قريب منهم .. هذا مو عذر .. وبالنسبة للرابطة لو سالتك بالله .. ايهم افضل حاليا .. ولا على ايام حقوي ؟؟ |
طيب ليش جمهور النصر يحظر بكثافه وما فشل ناديه مثلكم؟؟؟؟؟ والا يمكن هم ساكنين قريب من الملعب خخخخخخخخخخخخخ |
الله يجيركم بس والله تتعبون شكلكم تصلون الظهر والعصر جمعا وقصرا اذا بتجون الملعب ما اشوف يردكم عن الهاف مون ال400كيلومتر |
حبيبي انت حضرت مباراة الوحدة بعدين الملز مامليتوة وهو مايشيل الا 25الف والله حرام عليكم ثانيا ملعب بريدة يشيل 30الف |
سعة الملعب ليست عذر أبداً ,,,, شوف جمهورالجار دايم ناديهم يتغنى بجمهوره وهويحضر بنفس الملعب اللي أنت تحضر فيه ليش ماقالوا المدرجات كبيره |
إقتباس:
بس كم مباراة للهلال عندهم في السنه ؟؟؟؟ هي وحده بس او ثنتين وتمنووون علينا بحضوركم |
ياحبيبي انــا من الرياض والصرحة مافي عذرر اذا الملعب بعيد السيــاره ليه اختروعهـــا اذا برد الكوت والفره ليش زينوهـــا..!! انا ساكن بغرب الرياض والى الحين مافوت ولا مباراة اجل وشلون الفرق العالمية التذكرة تقارب 150 ريال واي مباراة حاضرين ومالين الملعب...!! قل والله الجمهووور ينتظر نهــائي حتى نصف النهائي العام الماضي مع الشباب اقل من مياراة الوحدة...!! |
| الوقت المعتمد في المنتدى بتوقيت جرينتش +3.
الوقت الان » 04:08 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd