|
برضوا ماهو عذر جمهور الهلال قادر على تغطية الملعب اكثر من مئه مره لكن لا تبرر العذر لجمهور الرياض على الاقل املوا النص مو كله |
هلالي واحب تعقيب على تذاكر الفرق العالميه فرق بينها وبين تذكرتك اللي تروح وتشريها وما تحصل الخدمات اللي تقدمها الفرق العالميه للجمهورها من مشروبات ومجلدات وصور الاعبين والجوائز التحفيزيه على رقم التذكره ويعرف وين مكانه والا يحضر الا قبل المباراه بخمس دقايق اما عندنا هنا تاخذ التذكره ووقتها جوالك والا البوك مسروقه من جيبك وسط الزحمه على الشبابيك تقول (( مصقف مدارس )) الناس المتطوره تعرف معنى الاحتراف وموبارياتهم اواقات الاجازه مو بوسط الاسبوع ولا تنسون جمهور الرائد والنصر حضر جمهووور وكان مشرف يا كثر الكلام عن جمهور الهلال في الرياض والنادس تدعي المثاليه والمقارنه بين استاد الملك وواجهته تكفي جمهور الاتحاد والاهلي ومعهم الوحده ومجانا تقارن الاستاد ب ملعب 15 الف متفرج ........؟؟؟ فرق شاسع بين 80 الف متفرج و 15 الف ولا يتعبى الملعب يعني قل 10 الاف |
صراحه مادري على ايش تبني انت كلامك يعني عاجبك حضور الجمهور بمباراه الوحده النصر جمهوره صار يحضرون اكثر منا واذا على سالفه انه مستوى الهلال زفت .. النصر له 9 سنوات ماشم ريحه كاس وكاد يهبط وجمهوره معاه وترا النصر بالرياض بعد .. يعني نفس الملعب ونفس المسافه وكل شي وبعدين تستكثر ثلث ساعه .. وربي انها ولا شي انا من سكان جده .. والملعب يبعد عني يمكن 25 كيلو .. ولاهمتنا واذا على سالفه الملعب كبير .. فترا الهلال مقره الرياض .. يعني من المنطق انه اكثر جمهور للهلال يكون بالرياض لكن للاسف .. الحضور شبه معدوم .. وتجون تطالبون بالنتائج وتقولون والله برد والملعب بعيد صرنا مانشوفكم الا نهائي ولا مباراه مع النصر |
إقتباس:
حمدالله والشكر فيه ناس مدري شلون يفهمون لازم تجيب لهم قلم وسبورة !!! |
وباقي الاسباب ماهي عذر الاستاد 70 الف متفرج وسكان الرياض في آخر احصائيه 7مليون نسمه حنا نريد من من كل مليون نسمه 10 الالاف فقط كم يصير اللي حاظرين 70 الف:naughty:وتقبل مروري |
انا مع الاخ كاتب الموضووووع في اشياء تمنع اللحضور للملعب الدوريات الامنيه جالسه تضيق اللخناق قبل وبعد المباراه حتى يطفش الواحد ويلعن يوما راح فيه للملعب المسافه وزحمة الطرق ايضا لها دور في ذلك ايضا الكثير من مشجعي الهلال من صغار السن والماده لهاا دور في ذلك مانواجهه دائما من اهانه من رجال الامن بالاستاد صدقني تمنعنا من اللحضور مره خرى الا اذا كان الواحد لاكرامه له والشي الاهم ازعاج الرابطه الرابطه مزعجه الى اكثر اللحدود واتمنى ابعادهم من المدرجات مايطلع الواحد الا وهو مصدع من ازعاج الرابطه |
خلونا صريحين .. نرجع شوي للسنوات يوم كان الهلال فيه بشار عبدالله والثنيان والمدرب خليل الزياني كان الجمهور فول لان فيه حماس ولعب صح مع ذلك ننهزم او نتعادل :) بس فيه لعب حلو .. البعض بيقول ماكانت منقوله نجي يوم كان المدرب بيسيرو كان اللعب حلو ووناسه ونحضر وروح شوفو مباراه الهلال فالرياض يوم كان المدرب بيسيرو ... والمعروف انديه العالم واولهم ريال مدريد وبرشلونه وميلان اذا كان فريقه ما يقدم مستوى المطللوب ما يحضرووووون لانهم زعلانيين عاللعيبه .. قدم مستوى نحضر مهب مستوى بلا روح هجمه وحده مرسومه ما فيه وتبون نحضر ..؟ قدم 3 مباريات فالرياض متتاليه بشكل حماسي ولعب مفتوح وابصم بالمليون ان الجمهور بيرجع .. بختصار جمهور الرياض جمهور يحب الكوره الحلوه .. :smilie47: هذا غير الخدمات الملعب مويه حاره فالصيف وبيبسى قصدي مويه غازيه ووبسكوت ديمه قصدي حصاه محشيه بتمر وناكلها برى الملعب يعني تشوف المباراه وانت معك مويه ياويلك ... ذكروني بالمدارس ياويلك تدخل المويه بالفصل :d إقتباس:
القصيم اكبر من الرياض :d |
إقتباس:
انا ابي 1 % من مستوى الهلال ايام يوسف الثنيان وبشار عبدالله :) او اقل تقدير 15 % من مستوى الهلال ايام المدرب بيسيرو :) |
إقتباس:
ياولد انت مسوي زحمه وتهايط علينا والمشكله الاقامه من الرياض وحرام تكون في الرياض اذا هذا كلامك مين اللي ضحك عليك وقالك ان عدد الجمهور 400 حاسبهم باآله حاسبه ولا وشهو انا كنت بالملعب صحيح الحضور قليل قارنه بحجم الاستاد ولكن مثل كلام الاخ كاتب الموضوع لو جو في استاد جده للمعلوميه يشيل 18 الف متفرج وليش 20 الف هذا لتصحيح راح تملتي الملعب او شبه ممتلي والمشكله كل من شاف حضور الجماهير ياستاد جده ازعجونا ترا الملعب صغير يعتبر ملعب نادي وليس استاد تعلب عليه المباريات واذا شفتوه مليان تحسبون الحضور 30 الف ولا 70 الف ترا الحضور مايتعدى 18 الف متفرج بالكثير 20 الف...... |
إقتباس:
للمره الثانيه اقولك ياخي العزيز انا اتكلم عن جمهور الهلال .. وفي اعضاء ماقصروا ردو عليك وفهموا اللي اقصده ... وهذا يعني ان البلا في سوء فهمك ...وبالنسبه لسالفة القصيم .. حسيت اني من اسبانيا يوم تقول جغرافيا ... انا من محافظه في منقطة القصيم . يعني مايحتاج احد يشرح لي جزاك الله خير .. ومافيه انسان عاقل بيجزم ان القصيم اكبر من الرياض وبالنسبه للدمام وجده اقولك ايه الملعب قريب لمهم مقارنة بالاستاد في الرياض. |
إقتباس:
يالبى قلبك بس عين العقل ورد صراحه اعتبره مفحم |
إقتباس:
طيب ولا يهمك لاتزعل نخلي عددهم 800!! فرق شئ !! حتى والله ذكاء يوم تقول ملعب جدة يشيل 18 الف انت كذا تفضح نفسك معناته ان جمهور الاتحاد قريب للعدد هذا مو عدد جمهورك اللي امس اللي ما وصل الالف !! سبحان الله تناقض بالكلام . إقتباس:
لاحول ولا قوة الا بالله انت معين تفهم !! أرجع لكلامك !! لكن أكرر وأعيد لأنه مع التكرار يفهم الشطار كما يفهم ..!!:d انت تتكلم عن جمهور الهلال بس عيب تقول انه فيه اسباب لعدم الحضور من ضمنها مسافة الملعب أو برد أو شئ من القبيل !! والمصيبة تقول ان هذا العدد ( نخليها لعيونك 700 ) يملا ملعب جدة !! حتى خويك اللي فازع معك فضح نفسه قال ان ملعب جدة يسع لحوالي 20 الف !! وش ذا التناقض العجيب !! يعني العدد 700 وش علاقته بمدرجات جدة 20 الف !! مايملأ ولا الربع !! واذا تقول انه عضو رد علي بنفس فهمك !! مو ذنبي انه اثنين مايفهمون وش اقصد !! وأنا اقولك بنفس الوقت انه اعضاء وزوار يضحكون عليك انت وخويك !! وبالنسبة يوم اضرب لك مثال عن القصيم لانه الرياض من جنوبها لشمالها كم كيلو يعني..30 كيلو بالكثير !! والقصيم بين المحافظات 70 كيلو !! مع ذلك يحضرون ماقالو نفس كلامك !! مو ذنبي أنك ماتعرف ديرتك !! المصيبة الأعظم أنك تقول قصيمي !! حتى الدمام وجدة من قال لك ان الجمهور يحضر من نفس المدينة فيه ناس تجي من الخبر والاحساء كذلك جمهور جدة ناس تحضر من مكة ومن اقصى مدينة جدة وماقالوا ان الملعب جديد !! عندي انك مافهمت صح :d واحد ياجماعه يشرح له :surprised: |
اقووووووووووووول ياحليل جمهور النصر فريقهم بيهبط و يساندون فريقهم اما حنا الله يخلف |
| الوقت المعتمد في المنتدى بتوقيت جرينتش +3.
الوقت الان » 07:18 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd