|
كوزمين .. يتأخر في ادخال الشلهوب .. والشلهوب يتفنن في معاقبته .... !! بسم الله .. وبعد كلنا شفنا المباراه امس .. واغلب مستويات اللاعبين كانت في الحضيض مر الهلال الموسم الماضي بمثل هذه المستويات لـ لاعبيه لكن كان كوزمين دايم يكسب الرهان بتغيرات يتحسن معها وضع الهلال في المباراهـ ثم يفوز الموسم هذا .. خسرنا جرأة كوزمين .. وكله لاجل من يحاول اخضاعه لـ 4 - 4 - 2 للأسف في وجود العنبر او السعود تصبح 4 - 4 - 1 .. ويمثل نقص اكثر من انه عامل ايجابي تمنيت امس لو دفع بالشلهوب مبكرا بالتشكيل الاساسي بدل من السعود اللي قد يفيدك امام الحزم او ابها لكن حتما .. اما الفرق القويه دفاعيا صعب .. الشلهوب دخوله في اخر الشوط امس بالمباراهـ كان خطأ .. لان الشلهوب امس لاول مرة اراهـ حتى اوفر مايعرف يلعبه .... !! وكأنه في مسأله عقاب لـ مدربه ليش انه مايلعبه اساسي او سافطه على البنج .... !! غريب ياشلهوب .. للاسف امس خيبت ظن جمهورك ولم تعاقب كوزمين لوحدهـ .. بكل استهتار كم اوفر مهم في اخر المباراهـ يحطهم بيد عساف القرني ....... !!!!! تكفووون ريحوووهـ .. تعبنا نجامل ونقول كويس وهو مو كويس .. اذا مايبغى يلعب .. خلاص موب لازم ننجبر .. احنا خسرنا التايب اللي مابعدهـ ومشيت اوضاعنا بالدوري .. تكفوون شوفو للشلهوب حل .. اعطوهـ اجازة .. او شوفو وش اللي يصير .. مانبي نخسر زي ماخسرنا امس لاعب كبير .. يحط الاوفر بيد عساف بشكل استهتاري اكثر من انه غلط او شي .. ما راح ادخل بذمته .. لكن حتى تعابير وجهه الاخ كانه يقول ياكوزمين مابفيدك لانك مادخلتني بدري او سافطني كم مباراهـ ...... !! وبالاخير عضو الشرف الامير خالد بن منصور بن جلوي يقول بآن هناك تدخل في عمل كوزمين .. وكل عاقل يعرف ان كوزمين يحب 4 - 5 - 1 وخاصه بعد غياب الصويلح .. الا هذا الموسم وصرنا نرى مرمى الهلال يهدد كثيرا ونخسر مباريات كثيرهـ .. فعلا ياسمو الامير .. لن اقول تدخل اداري او ماشابه .. بقدر ما ان كوزمين بدا يغير قناعاته كثيرا بـ اكثر الاقوال اللي تنادي بـ 4 - 4 - 2 حتى في غياب المهاجم المكمل والصريح والمفيد بجانب ياسر .. :: كلمة للجماهير الهلال هذا الموسم في كل مباراهـ تكون مثيرهـ بصخب جماهيري لايخسر حتى وهو مطرود منه لاعب .. اذا استثنينا مباراه نجران فقط لـ ظروفها وليس لاي شي آخر .. مباراه الوحدهـ امس هي تشابه مباراه الهلال .. لاعبينا بدو يتأثرون كثيرا بجمهورهم .. ولكم في جمهور الاتحاد مثل عند حضورهم بكثافه يتحول الملعب نااار .. حتى وهم في اسوء مستوياتهم .. صدقوني لاعبينا اصبحو كذلك .. بالحضور والصخب يتحمسون اكثر ويعطون .. شفنا اكبر دليل مباراهـ النصر مع فارق المستوى اللي كان متذبذب للازرق .. ولكن الزعيم فاز لان المباراه فيها حماس نحتاج لحضوركم ثم لحضوركم ثم لحضوركم بالذات اهل نجد .. لاتعذروووون والهلال هو بينكم .. خلوو كل مباريات الهلال حماس .. وياليت يرجع لنا الامير بندر بن محمد بتصريحاته اللي تفيد اللاعبين وتعطيهم حماس قوي نبي نشوفهم من بداية المباراه ضغط ومحاولة تسجيل .. اما شغله ان الفريق يبدأ ضغطه القوي اخر ربع ساعه او نص ساعه هذا ابدا مو كلام .. وكلنا شفنا ان دفاع الوحدهـ امس لو بقي ربع ساعه كمان على المباراهـ كان ممكن يجي الهدف لان كثر الدق يفك اللحام يالاعبينا .. الفارق بينا وبين المتصدر .. الاتحاد يضغط مبكرا ويحرص على التسجيل مبكر .. والهلال عكسه تماما .. جمهور الاتحاد يمثل دورهـ بحضورهم وتأثيره على المباراهـ .. وللاسف مبارياتنا على درة الملاعب عكس ذلك .. اتمنى من الاداره الهلاليه ان تجعل كل مباريات الهلال القادمه على ارضه في استاد الامير فيصل بن فهد .. يمكن القله الهلاليه هناك تعتبر كثرهـ ......... !! وبالتوفيق لزعيمنا تحياتي لكم .. واتمنى ان تجد كل نقطه قلتها اهتمامكم .. |
الحمدلله اني مو الشلهووووب\ والله ماتسوى عليه |
إقتباس:
مازلنا نجامل ونقول مايستاهل .. وبالاخير سلم لي على الهلال والدوري ....... ان شاء الله الوضع يتحسن |
وش قول بس ي المباريات الجاية يا رب توفق الهلال ف |
جمهور الاتحاد يمثل دورهـ بحضورهم وتأثيره على المباراهـ .. الله عليك الاعبين والجمهور سبب الخساره وليس التعادل بل خساره خساره روح فريق ونقاط كنا في امس الحاجه لها الله يعوضنا خيررررررر |
إقتباس:
إقتباس:
هلا اخووي .. ربك كريم .. الله يوفقهم ويتحسن الحال للافضل |
والله الشلهوب يوم دخل لعب لعب .. بس هالعنبر جته هجمات ويضيع وياسر ماجته ولا كورة زي الناس... الموضوع وما فيييييييييييييييييييييييه هو غياااااااااااااااااااب الجمااااااااااااااااااااااهييييييييييييييييييير |
إقتباس:
ايه خساره ونص .. اذا انت قدام الوحدهـ وتتعادل وانت افضل .. ومجريات المباراه لك .. اذا هذي ماتتعبر خساره اجل وشهي الخسارهـ .. ؟ خساره ونص .. بالامس اسمع المذيع الميداني يقول عن بوكير انه يقول نقطه في ملعب الهلال فوز .. وانا اقول والله نقطه من الهلال لو بالشرايع ياوحداويين فوز .. والجمهور .. بالذات جمهورنا بالرياض .. لازم كل مباراه نلعب مع النصر عشان نشوف الكثافه ونكسب رهان الجمهور ........ !! الله كريم .. ومازال للمشوار بقيه ياهلال ان شاء الله خيرررر |
اقول بس لشلهوب يعتزل ويتخذ قرار حكيم زي التمياط ويحافظ على حب الجمهور له بدل ما ينطرد وينتهي تاريخه اعــــــتـــــزل يا شلــــهــــوب اكرم لـــــك |
ياحبييبي كوزمين مصر يلعب عالعالي ولعيبتنا اثبتوا فشلهم بالعالي لازم نلعب ارضي والا الرفعات من من عشرين رفعه هدف ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
إقتباس:
اقوول لايكثر هرجك!!:nono: |
إقتباس:
الشلهوب لعب ...... !!!!!! لو ماعرف الشلهوب من سنوات ولا اعرف انه نجم دولي كبير .. ماتوقع اني اصدق ان هذا لاعب مؤثر او في يوم من الايام جاب بطولات لناديه ..... !! للاسف لا لعب ولاشي .. نتفق انه ماكان فيه وقت كافي له .. وهذا خطأ وان يعالج الخطأ بـ خطأ اكبر من الشلهوب باستهتار في تعامله مع مجريات المباراه في دقايق تواجدهـ .. !!!!!! للأسف ياشلهوب .... مابقي منك كثر ماراح ....!! والجماهير عزيزي قد تعطيك حماس لكن لاتعطيك نتيجة .. ولنا في الاسيويه الموسم الماضي دليل .. مباراه الكويت الكويتي والوحدهـ الاماراتي حضور يتجاوز استيعاب الملعب .. ولكن .. !! المباراه الاولى مستويات اللاعبين سيئه والثانيه الحظ يعاندنا .. وفي كلتا المباراتين لو كان هناك ضغط مبكر من اللاعبين لكسب النتيجة لكانت النتايج غير بعد توفيق رب العالمين .... والتبكير في الهجوم والضغط بطرق صحيحه ومفيدهـ .. قد تكسب الرهان فيها وتفوز على الحظ اللي قد يعاندك في ربع ساعه او نص ساعه او شوط كامل.. لكن بالنادر جدا ان يحرمك كل المباراهـ ..... تحياتي |
وش اللي يدريك الشهلوب مستهتر أو لا عجب من اللي يدخل بالنوايا أنا أتحداك تلعب زي الناس في ملعب تراب ومطر مو عاد مزروع |
إقتباس:
الاعتزال .. قرار خاص بالشلهوب .. مازلنا بحاجته .. لكن نحتاج الشلهوب مستوى الشلهوب .. مو مشكلة نريح الشلهوب المده اللي يبيها لكن نظمن رجوعه بالشكل اللي نتمناهـ .. وهذا اللي يبيه كل محب للشلهوب .. |
إقتباس:
مستحيل مباراه كامله يكون النهج فيها على رتم واحد ( كرات عاليه ) .. امس مافيه جديه هجوميه .. والا لماكان وضعنا مثل ماشفت .. لو ضغطنا مبكرا وكان عندنا لاعبين بالوسط يستغلون ضعف محاور الوحدهـ لكان الحال افضل .. والله والله لو نلعب بياسر وحيد .. مع فعاليه بالوسط نقدر نفوز على الوحده وهم بخمسة مدافعيييين .. لان الاهداف لاتأتي بالكثره بقدر ماهي تواجد اللاعب بالمكان المطلوب .. |
| الوقت المعتمد في المنتدى بتوقيت جرينتش +3.
الوقت الان » 05:40 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd