فزنا هيه ( ابطال ) انهزمنا تعادلنا لالالالالا ( فاشلين )
 

السلام عليكم

الموضوع باختصار ( معهم معهم عليهم عليهم )

قبل البدايه * همسه * احبكم واحب الهلال ولاتزعلون فديتكم

المنتدى للاسف صار كله مدربين ونقاد ولاعبين
واحد يقول كوزمين بطل وينط بحلقه الثاني لا كوزمين سبب الخساره
واحد يطالب الشلهوب يعتزل زي نواف وواحد يقول وين الشلهوب امس

الجمهور ليه ما يحظر ؟؟؟

بينط في حلقي واحد ويقول نروح نحظر ونخلي المنتدى ؟؟؟؟ لالالا مستحيل


تعريف بسيط للجمهور : هو الحظور بالملعب والمؤازره للفريق

طبعا التعريف هذا صار قديم جدا واصبح

الجمهور : اشخاص كثر يملؤن المنتدى وانواع الطقطقه بالكيبورد والفلسفه
شل فلان وحط علان وفلان مايصلح وفلان وينه

والملعب هناك فاضي

وياحلونا حلواه مايعجبنا ولا شي انواع التضخيم للامور

ياسر القناص قال كلمه مره حلوه اللي بالمدرج يتفرج

هل احنا هنا بمواضيعنا الكثيره واللي كلها انتقاد لا تعادلنا وترفيع لا فزنا

هل نفيد فريقنا ؟

ليه مانصير جمهور بمعنى الكلمه ونترك الاداره والمدرب يشوفون شغلهم

لو كل شخص سوا اللي عليه من غير ما يلتفت لفلان وعلان كان كل شي مشى تمام

يالجمهور احظر

ياللاعبين اجتهدو وقدمو

يالمدرب فكر اكثر وابدع

يالاداره صححي الاخطاء

ولاحد يتدخل بشغل احد ابد وريحونا من هالخرابيط

مع احترامي للكثير من اللي يحبون فرض فلسفاتهم ويسوون مدربين

ترى مره مو وقتكم الحييييييين يعني فكونا شوي من مواضيعكم

الامير قال سنعمل وبنهايه الموسم يقيم عملنا

اشوف الكل قام يقيم من الحين


النهايه فديتكم جميع

لا نصير جمهور مع الخيل ياشقراء

يوم نمدح ويوم نذم ونهاوش

وكل واحد يجلس في المكان المخصص له <<-- اعجبتني :razz:

وشاكر لكم سعه بالكم وانتم تقرون

واختم واعيد واقول واكرر

لا تزعلون من كلامي :)

كلامك عين العقل والمنطق يالغلا دموع الطفوله بس اضيف

اني من جمهور الهلال بالرياض واحضر برغم كل شئ

وبالتالي من حقي اني انقد .. وان كنت انقد بطريقه مُأطره ولله الحمد

فانا اعي تماماً معنى الفوز وانه مطلب ولكن حين الخساره يجب ان نعرف انها كرة قدم

ونشتغل على انفسنا وفريقنا باسلوب يملاه الهدوووووووووء وتغليب المنطق