]السلام عليكم ورحمة الله وبركاته

تحيــــة طيبـــــة لكل هلالي وأخص بالذكر شاعرنا وأميرنا المحبوب عبدالرحمن بن مساعد

والله اشتقنـــــالكم اشتقنا للزعيم ...وأستاذ الملك فهـــــد ... صح ان كندا ومدينة تورنتو خاصه حلوه مره تنسيك الغربه بس الصراحه ما عندهم ما عند جدتي في الكوره دوريهم باااااايخ .... تصدقون يا جماعه قبل امس طالع لملعب روجرس اشوف مبارة بيسبول .... من جد ما فهمت شي بس قاعد على المدرج وأقلب راسي...

على العموم لا تهمكم المقدمه .... لا أحد يقراها


إلي ابي اقوله يا جماعة الخير ... والصراحه... في مبارة الوحده إلي انهزمنا منها صفر صفر .. الصراحه النتيجه كانت قويه علىينا كا هلاليين وزعماء وزعيمات ما توقعنا هالنتيجه القاسيه علينا...يعني ارحمونا شوي يا أهل الوحدة صفر صفر مره وحده قوووويه في حق الزعيــــــم.

الشي الثاني إلي من جد قاهرني ....قاعد ادور رابط ينقل المباره رابط كذا شاد حيله ما يقطع عجزت احصل.

الشي الثالث إلي قهرني اكثر ... اني خشيت على منتدى الزعماء واشوف المشاركات من الاعضاء الله يصلحهم ويهديهم ولا تجيهم بعثه تغثهم قاعدين ينتقدون اللاعبين وبدن ذكر اسماء اللاعبين ... ويقولون مباره بارده نايمه سيئة من جهت الزعيم .... طيب انت وياه المدرج فاضي يعني ليه ماحضرت المباره.

الكـــــــل عارف ان العنصر الاول والاخير لنادي الهلال اهو الجمهور يعني نتيجه مباراة الوحده جدا حلوه بالنسبه لي ..... اجل مباراه ما فيها جمهور ..... أقول الوعد بعدين .....اصبرو بس لين ارجع .... اوريكم والله اني زعلان مره


بعدين خلونا نتكلم بكل صراحه على حمهور الزعيم ... جمهور الزعيم مثل جمهور يوفنتس بالضبط الاكثر شعبيه في أيطاليا والزعيم الاكثر شعبيه في السعوديه والوطن العربي وقارة اسيا ... ومن يقول غير ذلك جاهل بس وش المشكله .... المشكله كلهم ما يحضرون الملعب جمهور يوفنتس وجمهور الهلال بس في فرق كبير بين الجمهوريين ... الفرق هو ان يوفنتس كان طال عمركم في الدرجه الاولى الموسم إلي قبل إلي راح... والموسم إلي راح ما اخذ الدوري ..... بس الزعيم الدوري إلي راح اخذه غصب عن إلي يرضى و إلي ما يرضى


نقطة بدون زعل ... جمهور الزعيم ما يحضر إلا لمباراة الاتحاد والنصر أو مباره خارج الرياض بس ... واتحداكم تقولون غير الكلام هذا .....


نقطه للإدارة : الله يفقكم ما قصرتو حتى الأن عمل طيب ومجهود جبار يشكر عليه الصراحه.
نقطه للاعبين : الله يعينكم علىنا في هالموسم وخاصه الانتقادات إلي ما لها داعي وشدو حيلكم.
نقطه إلى الجمهور: لا أحــــــــــــــد يكلمني ......وخرو عن وجهي... ونشوفكم في المباراه الجايه. بيضو وجيهنا الله يهديكم ضحكتتو علينا العالم والله. انتم السبب في فوز الهلال او خسارة وهذا الواقع.


وفي الختام احب اقول:
على عيني وراسي كلكم بس والله اني زعلان مـــــــره خاصه بعد مبارة الوحده .. مو من النتيجه لا والله من الجمهور إلي ما شرف في حضوره نادي كبير مثل الزعيم .... اجل في بعض الاعضاء يقول الجو زين ووسط الاسبوع وين نحضر معه .... وانا من هذا المنبر احب ارد عليه واقوله ... وش اخبارك انت طيب لا عاد تتعودها ...



على العموم تصبحون على خير ...

[/CENT[/COLOR]