|
الفرق بيننا وبينهم حضور الجماهير غير كذا ما فيه |
اسمع ياحبيبي .. انا من الغربيه ، والغربيه فيها شيء ملفت . اللي هو الحماس في اي لعبه رياضيه . اولا : الحماس من الجمهور . ثانيا : الحماس من اللاعبين . لان بدون جمهور الاعبين ماراح يتحمسون . بعدين شف في الغربيه جمهور الاهلي * الاتحااد ، كلها جمهور نار في نار وتحضر للملعب لو فريقها ماله امل . لكن شف في الرياض . مافي الاجمهور النصررررر فقط . اما الهلال * الشباب . ما يحضرون الا في مباراة مصيريه . والواقع يثبت ما اقوول |
خلاص دائم الهلال يعاني من جمهور الرياض نقلو المباريات الجايه لشرقيه او بريده او اي مكان يتواجد فيه الجمهور لان فعلاً جمهور الرياض صاير يذل الفريق بحضوره يعني خذ الموقف من احد جماهير الرياض واحد من جمهور الرياض يقول اروح ادفع فلوس عشان اتابع المباره بالملعب وعندنا في البيت تلفزيون وسبحان الله بذاك اليوم مدري وش جاء بحرتهم ويطفي الكهرب واتصل علي ها كم كم قتله تروح الملعب تعرف كم كم معليش عزيزي طلعت عن موضوعك شوي بس لان الجمهور رافع ضقطي اكثر من اي شي ثاني لسانهم بالمنتدى بس والملعب معندك احد |
السبب هو: الجمهور :upset: الهلال مايتحمس إلا بالجمهورأو أي نادي يلعب على ارضة |
كثر الدلال ذبح لاعبينا والله :( والجمهور بعد لهم دووور .. شوفوا كيف جمهورهم |
إقتباس:
لكن الآن الأتحاد لاعبيهم واحتياطهم من شتى مدن المملكة !! من يوم جاء البلوي !! بعدين لو ضربت مثال الصقري ( اصله من حائل ) والنتيف ( الأحساء ) والطريدي والغوينم مو عيال حمايل !! غير كذا الاجانب بو شروان ومتعب وبو شقير والنمري يعني هذولا ع قولتك خوال !! بعدين واذا ولد حمايل خير ياطير على راسه ريشة يعني ؟؟ كلنا نتذكر قتالية نواف التمياط وهو ولد حمايل ( من شمر ) اتركونا من هالعصبية شوي والتفكير السطحي ... ولا فرق بين اسود وابيض ولا عربي عن اعجمي الا بالتقوى . |
انت ماشفت جمهورنا وجمهور الاتحاد فرق بين السما والارض |
الرد بسييييييط جدا شف جمهور الاتحاد كيف لو يتبارون مع فريق من الدرجه الثانية تشووف الجمهووووووووووووور فللللل مليان ماتلقى ولا كرسي شوفو مباراتنا مع الوحده .. فريق يعتبر قوي.. اصلا حتى لو مو قوي لازم تساند الفريق ,, هذي المشكله |
الفرق واضح وغير قابل للنقاش الفرق ان الأتحاد يلعب برجاجيل في الملعب وحنا وليهامسون يبتعد عن اي لاعب يمشي جنبه << يخاف من اللعيبه .. وياسر يضيع ويضحك << كأنه ماسوى شي انت عطني رجال يلعبون في الملعب ولا يهمك الباقي وأكبر مثال تركيا في يورو 2008 تقبل رأيي فهذا الواقع .. |
ياناس بدل ماتدعموون الفريق ترووححوون تسبوون ماصارت .. وانا اتمنى من الجماهير المسانده وليس التحطيم في اللعيبه .. |
ترى الدعوه حظوظ والدليل استشهادك بمبارنهم مع الاهلي الاهلي في تلك المباراه يستحق الفوز لكن حظهم حلو اما من ناحية الروح ترى الروح متقاربه الي يفرق بس ان جمهور الاتحاد له هيبته بالذات لو لاحظنا امام نجران نجران فريق متمرس وكان يستاهل الفوز بس بالبدايه ضيع وضاعت منه المباراه والسبب كان الجمهور |
الفرق بين المستوى بين الفريقين ان روح الهلال زرقاء وروح الاتحاد سوداء ؟؟ ياعمي الاتحاد يصنع من أول دقيقه هجمه خطيرة والهلال كل 90 دقيقه هجمه خطيرة واحدة ؟ لاعبي الهلال يوزعون ابتسامات الى آخر دقيقه في المباراة ولاعبي الاتحاد يقطرون عرق ويتقدون حماس واصرار الى اخر دقيقه؟ لاعبي الهلال يشجعهم في المدرجات (435) شخص بينما الاتحاد يشجعهم في المدرجات 20000 شخص ؟ هل فهمت الفرق بين الحالتين |
| الوقت المعتمد في المنتدى بتوقيت جرينتش +3.
الوقت الان » 06:35 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd