اللي قاعد يصير في الهلال حاليا شيء لا يصدق

لم ارى في حياتي مستويات سيئة ولخبطة عجيبة في الفريق وضياع نقاط من اضعف الفرق الا مع

الداهية ( كوزمين )

3 نقاط من نجران

2 نقطتان من الوحدة

2 نقطتان من الاهلي

خسارة نقاط من فرق لا تنافس على الصدارة وموقعها بين المؤخرة ومتوسط الفرق

لو خسرنا من الفرق المنافسة لقلنا حينها الضياع شامل للفريقين .. ولكن بتلك الصورة تعتبر فوضى واكبر دليل على ذلك ان الهلال لعب حتى الان ( 8 ) مباريات ومازال الداهية ( عصبي ) .. فان دل فهو يدل على افلاس او ما يدري وش يبغى حتى الان ... !!!!

هذا بوكير جنبك ولا يفصل بينك وبينه الى 10 امتار تقريبا .. وشوفه جالس ومرتب فريقه وعارف وش المطلوب من المباراة وقالها بالفم المليان قبل اللقاء .. سأكسب نقطة بلغة تحدي .. لوجود النقص الهجومي وخاصة ( علاء كويكبي ) وهو يثق ان ماحوله احد او بالاحرى لا يوجد مدرب فاهم ينخاف منه ..

ايقنت ان سبب تدني مستوى اللاعبين هو ( كوزمين ) .. لانه قاعد يفرض عليهم اشياء غير منطقية داخل الملعب .. مثل :

الكل يعرف ان ويلي لاعب يمين .. والدوسري ايسر .. يعني بالله احد يفهمني وش الفلسفة انه يلعب يسار والدوسري يمين .. بعكس طريقة لعبهم ..؟؟؟
الزوري في اسوأ مستوياته يعتبر افضل من الذياب في عز المستوى .. تطلعه ليه ..؟؟؟

السعود المباراة الماضية لم نعلم عنه انه متواجد في الملعب الا وقت تغييره الشوط الثاني .. تلعبه من البداية ماهو السر ؟؟

الشلهوب افضل مستوى يقدمه خلال المباراة الماضية ضد الحزم نتفاجأ به احتياط ؟؟؟

اللي قاعد يصير في الفريق مع ( كوزمين ) ليس خطأ تكتيكي ولكنه زاد بتدهور مستوى اللاعبين الى الاسوأ وساهم بشكل كبير في الفوضى الحاصلة بالفريق ..

الهلال الى الآن مازال يبحث عن هويته المفقودة .. وعندما يجدها يكون الطيور قد طارت بأرزاقها ونحن نردد عبارة ( كفو ) ياراعي الشهامة والكرامة والمباديء ( الرومانية )


ابو فيصل

لا تحزن .. فما تعانيه .. نعانيه مثلك .. ويعانيه الملايين من عشاق الازرق

فالشق اكبر من الرقعة

فأنت والله لا تستحق كل هذا وذاك .. من اللاعبين ومن الجهاز الفني وحتى من الجماهير ومن ادارة الملعب

كبت غضبك في لحظة وفاء ورسمتها كقصيدة شاعر .. فهل هناك من مستوعب لكل ذلك ..؟؟؟


ادارة الكرة

عادل البطي

عذر اقبح من ذنب ... ولا تعليق ..؟؟؟

عالج مشاكل الفريق واترك مشاكل ابن مساعد هو ادرى بعلاجها وحلها .. !!!