مباراة الهلال والوحدة+ياسر+ويلي+جماهير الرياض؟؟؟؟؟؟؟؟؟؟؟؟؟؟؟؟
 

بسم الله الرحمن الرحيم

مساء الخير للزعماء جميعآ

أتمنى أن يكون الجميع بصحة وعافية

أردت أن أتحدث في موضوعي هذا عن كل مايدور في ذهني عن هذه المباراة



أولآ: الهلال VS الوحدة



دائمآ ماتكون مباريات الفريقين ممتعة ومثيرة من الطرفين
فهل نشاهد المتعة والإثارة غدآ بإذن الله
هل نشاهد الزعيم بثوب جديد من المتعة والإبداع
بإذن الله نحصل على المستوى والنتيجة غدآ.




ثانيآ: ياسر ؟؟؟؟؟؟؟؟؟؟؟؟؟؟؟؟؟؟؟؟

من زمان والله ياياسر أمام الوحدة ... نبغى منك قول بكرة
ياسر له مدة ماجاب هدف مع الوحدة ... انشالله بكرة يكون عودة تهديفك أمام الوحدة
وتنافس على لقب الهداف من جديد ... اللي بصراحة مايستحقه غيرك لكن بإذن الله هالموسم
أنت الهداف ياياسر... قولوا آمين .




ثالثآ: ويلي !!!!!!!!!!!!!!!!!!!!!!!!!

هذا السويدي المبدع ! الممتع !! الصاروخ السويدي !!!
أبدعت ياويلي فحق لنا أن نتغنى بك... ولكن نتمنى منك المزيد
ويلهامسون كإسم عالمي ننتظره بفارغ الصبر غدآ ليقدم لنا كل ماهو جديد لدى هذا النجم.
وبإذن الله تكون أول أهدافك ياويلي غدآ أمام الوحدة.... أنا طماع أبيك بكرة بعد تصنع لياسر<<< والله النشبة.
ههههههههههههههههههههههههه.





ثالثآ: جماهير الرياض؟؟؟!!!@@@@@@@

تحدث الجميع عن جماهير الرياض
وعن قلت حظورها
وشككت بحبهم للزعيم......؟؟؟؟
ولكن رد هذا الجمهور في مباراة النصر
ولون المدرجات بحضوره
وتغنى الجميع بهذا الجمهور.....ولكن؟؟؟؟؟؟
مباريات الديربي AND مباريات نصف النهائيAND مباريات النهائي ... دائمآ ماتمتليء المدرجات.


فهل ستسكتون الجميع غدآ؟؟؟؟
نريد أن نرد على من شكك بجماهيرية الزعيم....
بصراحة يحزنني حينما أتذكر مباراة العام الماضي أمام الوحدة بالرياض
كان الجمهور قلة جدآ........
نتمنى ممن يستطيع الحضور أن لايبخل على زعيمنا بمؤازرته داخل الملعب.
صحيح بأن المباراة في منتصف الأسبوع لكن هذا لن يعيق الجمهور العاشق عن الحضور بإذن الله.



أخيرآ : بإذن الله الفوز لزعيمنا غدآ والحصول على الثلاث نقاط.

لاتحرموني ردودكم.........


تقبلوا تحياتي.

حتى لو كانت وسط الاسبوع الليل طويل يمديهم يحضرون و11 بالكثيييييير ببيوتهم

مافيه عذر لسكان الرياض خااااصه

الجو حلو ومافيه اختبارات ولا اي عذر

بكرا يبين اللي يحبون الزعيم من قلب

عموما ان شاء الله انا بكرا في الملعب ومعي 5نفر

حاااااااااااااااااااااااااااااااضرين ان شاء الله

بصراحه بغض النظر عن امكانيات اللاعب الفنيه

عجبني فيه حماااااسه كأنه لاعب مع الفريق أكثر من موسم

واكبر دليل مباراة النصر كيف كان متحمس داخل الملعب

(وإصراره على اللعب قبل يتجهز نهائياً)

يالبى قلبك يا ولــــي

وان شاء الله نشوف مستواك من حلو لأحلى

أتمنى حضور هلالي صارخ بالمدرجات غداً.

أجواء كهــذه مفصلــه تفصيــل لولــي :d

أمطــار وبـــرد ياولــي من قــدك :d

من قال ما في اختبارات في اختبارات وفي امطار وبعدين ترانا بنكون 11 في البيت حسبت للزحمه وبعدين نحضر الملعب حتى المويه ما نشرب سلامات اجلس بالبيت واححلى شاهي وسعه صدر وشكرا

تبي الصدق

انا اتحدى اذا تعدى جمهور الهلال بكره عن الفين مشجع

لا نقعد نلعب على انفسنا

جمهور الرياض مايحضر الى النهائيات

ليش كل واحد كاتب الجمهور والجمهور

واخرتها زي مباراة الأهلي

انا مباراة الاهلي مصلي المغرب هناك قلت الملعب راح يمتلئ من كثر المشاركات في النتدى واخرتها زي منتو شايفين ماحضر بكثافه

على العموم انا بكره حاضر حاضر جاء جمهور الزعيم ولا ماجاء

انا الهلال يمشي في عروقي وراح احضر لأخر يوم في حياتي

واتحداكم اذا تعدوا الالفين وتذكروا كلامي

كلها ساعتين ماتضر

وبعدين تقدر تشرب مويه بين الشوطين

والاهم من هذا كله لو كل الناس فكرو مثلك كان الملعب صار فااااضي

تقدر تشوف مباراة بدون جمهور وربي تنام بالدقيقه 23

انا قلت 11 والمباراة تخلص 9و45دقيقه يعني سااعه وربع والله لو انت ساكن بالخرج توصل 11

المهم براحتك اتمنى مايكون الجميع يفكرو مثلك

باذن الله الجماهير راح تكون في الموعد ...

والفووز هلالي باذن الله ..

باذن الله الفوووز هلالي انشالله ياسر وويلي يبدعان في المباراة

باذن الله جاااين والله حراام عليكم ياجمهوور الريااااض تبوون الهلال يفوز وتبون كاس اسيا


تعالو وشوفو وش لوون يبون يبيضوون الوجه ان شاء الله




مشكور اخوي

هههههههههههههههههه
ياسر مايلعب هههههههههههههه
والدوليين
مباراة السعوديه مع البحرين

ههههههههههههههههههه اعلمكم من الحين ماراح احد يحظر للمباراه ..

يعني لاتنصدمون ..

مافي آمل احد يجي هههههههههههههه جمهور الرياض جمهور مقاهي والنهائيات ..