|
كيلو اللحمة بكــام عنوان هالموضوع يعطيك إنطباع ( مبدئي ) إنك في أحد المواقع المصرية الشقيقة :smilie47: أو احد المنتديات العربية المجاورة او ورى المجاورة بشوي ...:surprised: لكن في منتدياتنا ومجالسنا .. وسوالفنا صار ( أبشركم ) السعودي يسأل عن كيلو اللحمة .. وعن طبق البيض .. وعن السكر وقطمة الرز زادت .. ونقصت .. نقصت .. زادت .. وحنا متابعين كم وصل طبق البيض .. وكم صارت كيلو اللحمة ( البتلوو .. :d هالثقافة الجديدة وهالمحاور المهمه في نقاش كل شخص .. أو اغلب الأشخاص في البلد لم تكن موجوده ( هذه التساؤلات اقصد ) :yes: في السابق .. نعرف كم سعر الذبيحة بس ... الحاشي بكم .. حتى بعضهم إذا انتصفوا الحاشي مايعلمون من الفشيلة :naughty: الحين ينتصفون (طبق البيض بالراحة ) :d أجل عمركم شفتوا سعودي يشتري البيض بالريال .. يعني يقول .. كم بيضه بريال ؟! :yes: ناس تقول هذي من الدجه والطفرة اللى حنا فيها ..:bigeek: وانا مااقول لا .. يجوز يكون من هالحاله وهالغلاء اللى عايشينه ... بس برضه هذي تعتبر ثقافة جديدة في عقل المستهلك .. نشكر الغلى والزيادة .. والخمسه بالميه اللى علمتنا هالثقافة الجيده والمهمه في الحياة .. علمتنا شلون نسأل ( بكم ) .. ( نكاسر ) .. نتشوف للبديل والتنافس بين الشركات والمصانع .. نقراء كل علبه تونه نشتريها .. نبحث عن ركن ( التوفير ) في كل سوبرماركت .. صرنا ندخل السوق مانركض ورى العربيات ونملاها .. صرنا ناخذ ( الشبك ) اللى يحمل باليد علشان لامليته ( تتعب ولاتاخذ إلا حاجتك ) :naughty: من يصدق إن السعودي اول مايسأل عن ( الشقة ) التمليك ... الشقق بس للأجانب :yes: كنا مانسأل إلا عن البيوت الملك ... شوي شوي عن الملك طابق واحد والثاني بعد ماتتسهل الأمور .. بقدرة قادر اصبح السؤال عن الشقق التمليك .. يكثر .. ويزيد ... :bigeek: السعودي أول يهتم في عدد أبناءه ... وبكثرتهم ... الحين المهم عنده تعلميهم .. وتربيتهم بالشكل الصح والمطلوب حتى لو كانوا إثنين ثلاثه بس مايكونون عالة على المجتمع ..:) أول كل واحد عنده من عشرة إلى عشرين بزر .. تقول عليهم جوائز :d عرفنا باقات الجوال ... عرفنا الثوب الجاهز .. الشماغ الزين وافضل من الغالي .. عرفنا نشتري اجهزه رخيصه توازي أقل منها بالمواصفات بل افضل منها بكثير رغم سعرها الأقل ...:yes: عرفنا اجهزه ( فك الشفرة ) بدال إستغلال ART وغيرهم عرفنا أرقام الجمعيات الخيريه وخزّناها في جو الاتنا والإتصال عليهم بعد كل عزيمة او زواج لاخذ ماتبقى من ( نعمة ) والهيئه العامه للجميع ماتغيرت .. بل أصبحنا في لبسنا أفضل .. واجمل .. واكلنا أصح وأغنى .. بس إكتشفنا إنه كان ( ملعوب علينا ) في الاكل .. والشرب .. واللبس .. أصبح المواطن يشتري الأفضل بغض النظر عن السعر .. مو كل غالي ثمنة فيه ! ولا كل رخيص مخيس .!! هذا رأئي ... اتوقع هالقرصة تعلمنا منها على الأقل كلمة ( بكم ) و كلمة ( بديل ) :yes: برايفتـــ اخوكم الصغير ابو طلال |
السلام عليكم ورحمة الله وبركاته.. كلام صح ابو طلال هم يقولون مثل ما جا التطور والغنى بطفرة بيرجع الفقر بطفرة ومن غير محد يحس .. لكن قبل كان الانسان ما يهمه الا نفسه وبس واذا استكثر قارن الولد نفسه بولد جيرانهم يايمه ليه ولد ابو صالح عليه ثوب احسن من ثوبي :d الآن المشكله ان انت تضطر تقارن نفسك بالدول المجاوة لا اعني بمن بجهة الغرب بل بالخليج بس مع العلم ان اقتصادنا متطور اكثر منهم .. وما يخفى علينا مثل هالامور وهنا المشكله احنا اقتصادنا اكبر ومع كذا شبابنا يعاني اكثر .. لو الزمن اللي قبل زمن الفقر يرجع بكل شي اذن لا مشكله لكن مع الاسباب اللي ذكرت لك وفي زمن ناظروني وش قد حطيت ناظروني بكم لبست صعب التكيف بالمرة .. وبالنهايه هو واقع علينا ما لنا منه مفر .. والذكي اللي يقنع نفسه انه استفاد :bigeek: :d شكراً لك ابو طلال لاهنت اخوي .. |
ممكن رب ضارة نافعه بس امس شفت موقف عند الجمعيه الخيريه صدع راسي منه وانيت يبي يدخل الجمعيه محمل اكياس بها ملابس قديمه باكياس ما امداه حتى يدخل الجمعيه تلاهفوها اللي عند الباب عجز و صغار ومذابح بيناتهم كأن الدعوى موت و حياة حسيت اني بنعمه كبيره اللهم لك الحمد |
اخوي الصغير ابوطلال صبحكـ الله بالخير والعافية , ,,, علمنا الغلا بعد الكشتة يقولك المعزب ترى الاغراض بـ 75 وقطك 11 ريال ! , علمنا الغلا يوم تبرد وتبي تشب ضو تدور بقايا الحطب في مكاشيت من سبقكـ ! , علمنا الغلا تغسل ملابس وبشت العام علشان البرد , علمنا الغلا تنصف الدجاجة للعشاء , يكون نصف للغداء ونصف للعشاء ! علمنا الغلا تشرب مع الغداء ماء وياكثر فوائد الماء :surprised:, ونستغني عن السفن .! علمنا الغلا : إذا قالو الأهل نبي السوبرماركت , تقول : وشوله تعبون أنفسكم ! ماعليكم إلا كتابة الأغراض وأنا أجيب لكم , إتقاءً للزيادة في الأغراض وإنتقاءً للأرخص :surprised: , علمنا وعلمنا وياكثر مايكون التعلم وقتي وفي لحضته وياسرع مانرجع إلى سابق عهدنا , إذا تعدلت الأسعار أو تعودنا عليها ,, كفانا الله زيادة الغلا والوباء , وعجل في رخص أسعارنا ,, 000 أخونا الصغير ابو طلال , أبدعت في الطرح كعادتكـ , وفي إختيار الموضوع الذي يعانيه الجميع , أسأل الله أن يحفظكـ وأبنائك , وأن يستر علينا وعليكـ أخي , شكرا وتقديراً وتقبل مروري صغيرنا الكريم ,, 0000 |
اخوي أبو طلال والله كلامك زين ونعم العقل وإنت الكبير وإحنا الصغار ولكن لاأنسى دعاء الرسول صلى الله عليه وسلم اللهم أدفع عنا الغلا ....أين نحن من هذا الدعاء . |
كفانا الله زيادة الغلا والوباء , وعجل في رخص أسعارنا |
كـلااام جـمـيـل وفـي الـصـمـيـم .. هـي الأيـاام دول .. الـطـفـرة تـحـولـت الـى طـفـرة الـشـعـب .. حـدتـنـاا الـدنـيـاا عـلـى اقـصـاانـاا ابـوطـلااال :d شـكـراً عـلـى مـوضـووعـك الـذي يـحـمـل بـعـداً اجـتـمـااعـيـاً .. سـبـبـه عـدم اتـزاان بـيـن نـسـبـة الـزيـاادة فـي الـروااتـب ونـسـبـة ارتـفـااع الـحـيـااة الـمـعـيـشـيـة .. دمـت بـود .. أخـووك // دبــل كيــك .. |
أهلاً يا باشا:) صباحك فل وصفك فعلاً دقيق، أجل عمرك شفت سعودي صاف سرا بالسوبر ماركت ومعه تفاحتين وبرتقالة وواحد موزه مسوّده!! راحت أيام الكراتين يا أبو طلال:stoned: كنا نقول دائماً أن الطفرة اللي مرينا فيها راحت لكن آثارها ما زالت مستمرة، والآن أظن أنه حتى بعض تلك الآثار بدأت تأخذ طريقها للزوال.. وإن كنت سعيداً هنا، فذلك لأننا سنتخلص تدريجياً من ظاهرة الإسراف في كل شيء، ملبساً كان أو مشرب.. شكراً يا غالي:) |
ياحبي لك يابو طلال تحاول قد ماتقدر تقنّعنا بواقعنا التعيس :naughty: شكلي بأسحب على قسم الجمهور وأقعد في المجلس على طول طالما المواضيع تحسسنا إن (الحياة حلوة بس نفهمها):d ربي يعطيك العافية ياصاحبي وشريكي في العشق وسامحنا على المرور الخاطف (المتسرب):smilie47: |
لعله يكون درس .. نتعلم منه أخطائنا .. اللهم ادفع عنا الغلاء . |
حياك الله وبياك اخي الحبيب ابا طلال :smilie47: الصغير عمراً والكبير فهماً :d بالفعل صار فيه وعي عند الغالبية والا بعض الناس الا يومك ما يعشى الا ريَش :d في المثل : رب ضارة نافعة واتمنى ان نكون انتفعنا من الوضع الحالي وان شاء الله يتحسن الوضع ونكون تعلمنا الدرس ... وكما قال الشاعر : واللي يفكر بس في عيشة له ** الفول بريالين والخبز بريال شكرا بو طلال ورده ودمت بخير وعافية ,,, |
ماشاء الله عليك ابو طلو وريتنا الجانب المشرق بالموضوع:d الحمدلله عى كل حال والله يدفع عنا الغلاء ويرجع الاوضاع احسن من قبل :) |
بصراحه تعلمنا اشياء كثير انشاء الله تفيدنا مشكووور اخوي ابوطلال على طرحك الرائع واسلوبك الجميل يعطيك العافيه تحياتي |
هلا بحبيبي ابو طلو وربي لك وحشه قلوووووووووووب من جهازي لجهازك خخخخ اجل اجهزه فك الشفره انا اشهد انك صادق هالازمه فتحت عيون الاوادم على اشياء كثيره ورب ضاره نافعه |
ابدعت ابو طلال كعادتك الله يعطيك العافيه من اول كان الناس تلقى مهاوش عند الحساب الحين كل واحد يحاسب عن نفسه ومايشتري الشي الا بعد مكاسر وصياح في المحل عشان يخصم في السعر اول كنا الواحد من اول ماتقول له معك ريال عطاك عشره الحين يعطيك ريال ويسالك ليه مع ان اقتصادنا اقوى لكن الشكوى لله متى نسمع خبر تخفيض الاسعار متى نسمع عن زياده رواتب ومكافات |
| الوقت المعتمد في المنتدى بتوقيت جرينتش +3.
الوقت الان » 09:34 AM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd