JSC Sports +4 ببلاش ... طيب لو هي A R T - نادي الهلال السعودي - شبكة الزعيم

تميم28 · #1 02/11/2008, 02:28 AM

بمناسبة مرور خمس سنوات على بث قنوات الجزيرة الرياضية

القنوات المحترفة والمحترمة

ويكفينا فخرا انها وضعت الاساطير وجمعتهم بمكان واحد ايام يورو2008

سامي و ارسن فنغر و شيزاري مالديني واندرياس بريمه

اما اللي في بالي ار تي الإخس

بيومي من يوم عرفت الار تي وهو فيها

مدري وش اسمه خالف المحلل مدري وش تاريخه

بدر بلال الذي غادرهم مراسل بكأس العالم 2002 ومايعرف يتكلم انجليزي

هذا احتراف ؟؟؟!!!

زبدة الهرج

ان قنوات الجزيرة الرياضية اطلقت قناتها الرابعة بلس بهذه المناسبة واعلنت نقل التشامبيونز ليق 2009

السؤال الذي يطرح نفسه

هل تتوقع ان الجزيرة الرياضية سيرغمون - كما يقول عدنان حمد الغبي عن مشتركي اي ار تي - يقول ارغمنا المشاهدين

هل تتوقع انهم سيطلبون من مشتركي قنوات الجزيرة الرياضية ان يدفعوا مبلغ اضافي للحصول علىJSC Sports +4 ؟

طيب لو كانت اي ار تي هم اللي وضعوا قناة جديدة مثلا نقول اسمها ارتي الزعيم ؟

هل تتوقعون يطلبون مبلغ اضافي على مشتركي القنوات ؟
وهل سيضعون شروطهم للاشتراك ؟ بحيث انك لاتستطيع ان تشترك باي ار تي الزعيم حتى تشترك بالعائلية
وتذل نفسك وتحط خشمك في التراب علشان عيون كامل وعائلته وتدفع مبالغ فوق اللألف وخمس ؟؟

وحتى بعد اشتراكك منتب شايف شيء يفتح النفس تحس انك تشوف قناتنا الرياضية الخشبية بس بفلوس

اما الجزيرة الرياضية .... يلهوي عليهم

والله ياهم محترفين ويحطونك بالجو بمراسلينهم مهوب الملوقي وطقته

عموما جاوبوا بصراحة على استفساراتي

شكرا

لايجي احد ويطلع لي بحياتي ويقول الجزيرة مدعومة من الحكومة

يعني الاي ار تي مهيب مدعومة ابد ؟؟؟

يارجال باعوا الوطنية لعيون الاي ار تي

كل الدول العربية تشوف منتخباتها غصبن على الاي ار تي اما نحن السعوديين هنك ياويلك وسواد ليلك

وتذكورن الماضي يازعماء

f-20 (al-kassr) f-20 · #2 02/11/2008, 02:41 AM

اخوي انا معك قلبا وقالبا بان مافيه مقارنه بين الا ار تي والجزيرة وامنيتي اني اشوف الدوري السعودي في الجزيره وحسبي الله على الا ار تي (وبالنسبه للي يقلون الجزيره مدعومه من الحكومه ..........ابي اقولهم ماعمر دعم الحكومات كان سبب خلف كسب حب واحترام المشاهد ولى حتى هذي راح تقلون تشترى بالفلوس).............وتنويه ترى الله بالعين ماشفناه بس بالعقل عرفناه .......................وبلاش حماس مع الا ار تي ماله سنع

والشكر لصاحب الموضوع

خالد القريني · #3 02/11/2008, 02:44 AM

اولا انا معكم في كلامك لكن تشبيهك خطا

مثلا قناه تخص نادي ليش اجعلها اظافيه مجانيه

وما هي فايده النادي منها ؟

وفايده الشركه الراعيه للقناه

لكن السؤال اللي يطرح نفسه لماذا التلاعب على الجمهور الهلالي بالمبالغ الباهضهـ

متكي بشبكة الزعيم · #4 02/11/2008, 02:51 AM

قــسم بالله شــي يقهـــر ويــرفــع الــضغـــط الــعااااارتــي مسـتوليـــه عــلى الشعــب السعــودي
والــدول الثـانـــيه مايفتحــون فمــهم قــدامهــم يخلونــهم يتــابعـون دوريــاتهــم ومنتــخبهــم بدون اشتــراك وتشفيــر
وحــنا مظــلومــين من قبــل الأتحــااااااد الــسعودي برئـاسة سلطـان ونــوااف
والله شي يقهــر

متعب بن زعيم الهلالي · #5 02/11/2008, 02:52 AM

اذا كان رب البيت للدف ضاربا

فشيمه اهل البيت هي الرقص\\

وافهم يا فهيم

ابعاد 566 · #6 02/11/2008, 02:56 AM

عزى الله انك رهيب

جبتها على الجرح

والغريبة رحت أبشترك بالزعيم قالولي خمس مية وشوي

يعني لو يشترك بس عشرين الف هلالي دخل لجيوبهم عشرة مليون

ليش تقبل إدارة الهلال يثمن الرخيص مليونين وشي

أســطورة الأســاطير9 · #7 02/11/2008, 03:01 AM

كبيــــــــــــــــرة يالجزيــــــــــــــــــــــــــرة

الزعيم007 · #8 02/11/2008, 03:02 AM

إقتباس

الرسالة الأصلية كتبت بواسطة f-20 (al-kassr) f-20


	اخوي انا معك قلبا وقالبا بان مافيه مقارنه بين الا ار تي والجزيرة وامنيتي اني اشوف الدوري السعودي في الجزيره وحسبي الله على الا ار تي (وبالنسبه للي يقلون الجزيره مدعومه من الحكومه ..........ابي اقولهم ماعمر دعم الحكومات كان سبب خلف كسب حب واحترام المشاهد ولى حتى هذي راح تقلون تشترى بالفلوس).............وتنويه ترى الله بالعين ماشفناه بس بالعقل عرفناه .......................وبلاش حماس مع الا ار تي ماله سنع والشكر لصاحب الموضوع

ر
صح عليك
صح عليك
صح عليك
صح عليك
صح عليك

كاشت في المريخ · #9 02/11/2008, 03:03 AM

أتوقع الجزيرة بتصير ب 250

بس والله يا بلاش

اسباني و ايطالي و تشامبيونز و كاس اوروبا

موبايلي عالم الهلالي · #10 02/11/2008, 03:04 AM

مشكلة عندنا مايفرقون بين القنوات التجاريه والحكومية !
وبنقعد من دول العالم الثالث دام إن شعبنا هذا تفكيره

موبايلي عالم الهلالي · #11 02/11/2008, 03:13 AM

إقتباس

الرسالة الأصلية كتبت بواسطة f-20 (al-kassr) f-20


	(وبالنسبه للي يقلون الجزيره مدعومه من الحكومه ..........ابي اقولهم ماعمر دعم الحكومات كان سبب خلف كسب حب واحترام المشاهد ولى حتى هذي راح تقلون تشترى بالفلوس

وش هذي حكمة !

إيه فلوس الحكومة القطرية هي اللي خلت المشاهد يحب القناة

جايبينلك أقوى الدوريات وأفضل المحللين والمعلقين
ومخلين الإشتراك بطفسة ! لأنهم ماهمتهم فلوس المشاهدين !

يعني لو كانت قناة تجارية وتكسب ربحها من المشاهد فقط كان حطولك الإشتراك بـ 7000 في السنة لتغطية تكاليف الدوريات والمعلقين والمحللين !!
ولا كان جابولك الدوري الموريتاني ويحلله ماجد عبدالله ويعلق عليه إبراهيم الجابر والإشتراك يبقى على150 في السنة

بتحبها إذا صارت كذا ؟؟!

رجاء إبعدوا عن الفلسفة والفلوس ماتشتري حب المشاهد

إلا تشتري أبوه بعد

fayez88 · #12 02/11/2008, 03:13 AM

إقتباس

الرسالة الأصلية كتبت بواسطة موبايلي عالم الهلالي


	مشكلة عندنا مايفرقون بين القنوات التجاريه والحكومية ! وبنقعد من دول العالم الثالث دام إن شعبنا هذا تفكيره

والله انك صادق

انا مدري يبون قناه الهلال ببلاش والاي ار تي شارييه حقوقها

صحيح فيها نوع من الاستغلاليه من ناحيه ارغامك على الاشتراك بقنوات انت ما تبييها ولا لها علاقه بالرياضه
بس الشكوى لله

عالعموم مشكوور على موضوعك

أنا الهلالي والنعم · #13 02/11/2008, 03:30 AM

شـكرا لك ، و ياسلام سلم على الجزيرة بس ..!

azoze996 · #14 02/11/2008, 03:39 AM

اقول غير السعودية الرياضية لاتدور
ههههههههههههههههههههههههههه

حاتم العمري · #15 02/11/2008, 03:39 AM

الجزيرة وبس ياشييييييييييييييييييييييييخ