وعليكم السلام ورحمة الله وبركاته
صباح الخير وليد
الله يوفقك.
والف مبروك السيارة
يعطيك خيرها ويكفيك شرها
وعساها يارب فال خير
بخصوص الخوف من العين
الخوف قسمين محمود ومذموم
المحمود: مثل ما أنت شريت سيارة جديدة وفخمة
ماتضيف لها اكسسوارات ولاتغسلها ولاتظللها وتخليها مو مميزة في شكلها الظاهر فترة من الزمن لحد مايشوفونها الناس معك.
هذا خوف محمود.
الدليل: قصة الخليفة الراشد عثمان بن عفان رضي الله عنه
عندما رآى طفلا جميلا فقال لأهله دسموا نونته.
النونة: الغميزة
أو الجزء اللي داخل من الخد على الفم من يمين الفم ويساره.
وبعض الناس ماتوضح إلا مع الابتسامة.
والمقصود اصبغوها بالسواد لتشويه وجه الطفل
وفي هالتصرف حماية له من العين بإذن الله تعالى.
الخوف المذموم:
وهو مثل لما تشتري سيارة تترك السيارة الجديدة وتشتري قديمة
أو تشتري جديدة لكن مو مناسبة لنعمة الله عليك
أو تكون فئتها اقل فئة وانت قادر على الأعلى فئة
او تشتري فخمة وتوب بس ماتطلع بها وتتردد وتتكلف في إخفائها عن الناس.
عموما مذموم
لكن مو شرط حرام إما مكروه أو مذموم في عرف الناس.
بس لما يختل التوكل على الله هنا يكون التحريم الشرعي.
طيب هذا شيء ..!!
الشيء الأهم لما تقع الإصابة بالعين لاقدر الله
ويعرف المتهم بها
أو يكون غالب على ظنك إنه هو
هنا ورد حديث عن النبي صلى الله عليه وسلم أنه كان صحابينا يتوضآن
فوضع أحدهما ردائه وكان شديد بياض البشرة فقال صاحبه يالبياضك
كأنه لون ذات خدر، فاقعد الرجل والتوى ظهره
فاتوا به قومه للنبي صلى الله عليه وسلم فقال اتتهمون فيه أحدا فقالوا فلان ابن فلان.
فدعا به النبي صلى الله عليه وسلم فجاء مغضبا
فانتهره النبي صلى الله عليه وسلم وقال: علام يقتل أحدكم صاحبه، هلا بركت علي!!
وأمر النبي صلى الله عليه وسلم بأخد رداءه وبعض مماباشر جسمه من لباسه
فغسل وشرب منه المحسود وغسّل به فقام كان لم يكن به بأس.
أو كما في الحديث ((بالمعنى))
إذا خفت من أحد أن يحسدك:
1- تطلب منه أن يقول ماشاء الله تبارك الله.
2- إذا وقعت العين تغسل ملابسه وتغسل به ماأصابته عينه.
اتمنى وفيت في الإجابة ولو تبي توثيقها وثقتها لك.
عضو مميز كان بس الحين ردوده جدا صارت قصيرة ومختصرة شكله مشغوول او اوب فاضي يكتب 
الوضع العادي
