مع احترامي لعقلك الي مدري كيف يفكر




بالله عليك عمرك سمعة بشركه ما تستفيد من المنتج او الرعايه؟؟




يعني بالله عليييك تبي الشركه تفيدك ولا تستفيد منك إجل وش الفايده



هذا بخصوووص موبايلي فأقول ياليت اذا جيت تكتب شي تفكر زين







موبايلي عآآآآلم من خيالي

إقتباس الرسالة الأصلية كتبت بواسطة هلالي غييييير الحقيقه انا قريت كلامك فقط عن موبايلي وتوقفت عن القراءة لأني وجدت انه في البداية المعلومة مغلوطة لذلك لم أكمل ... وحقيقة دسك لباقة زيرو داخل موضوعك فيه تعمد للدعاية لهذه الباقة

وانا يسعدني انك توقف عن تكمله الموضوع دامك استنتجت اني اسوي دعايه لباقه زيرو بلس او الاتصالات انا ذكرتها للمقارنه وتوضيح الفرق .

اما اذا انت فهمت انها دعايه مشكلتك مو ذنبي .

إقتباس الرسالة الأصلية كتبت بواسطة stnq blo مع احترامي لعقلك الي مدري كيف يفكر بالله عليك عمرك سمعة بشركه ما تستفيد من المنتج او الرعايه؟؟ يعني بالله عليييك تبي الشركه تفيدك ولا تستفيد منك إجل وش الفايده هذا بخصوووص موبايلي فأقول ياليت اذا جيت تكتب شي تفكر زين موبايلي عآآآآلم من خيالي

المهم انت عقلك يفكر هذا يكفي ..

ما قلنا ما تستفيد تستفيد ومن حقها بس لا تطلعونها بالصوره المثاليه و انها جات للسعوديه عشان دعم ورعايه الهلال وانها تقدم لنا اشياء ما تقدمها غيرها .. باقات افضل منها وبودون اشتراك ليه ما تسويها موبايلي لباقه الموج الازرق .

بعدين اوعدك اني اذا جيت اكتب مره ثانيه وعارف انك بتقراء الموضوع افكر زين وموبايلي بعد عشان ما تزعل يابو عقل يفكر ..

اجل موبايلي عالم من خيالي والله الخيال الي معيش نفسك فيه يالغالي

الاخوان هذه طبيعة الاستثمار وبصراحه موبايلي وبس اجل الاتصالات انصح كل هلالي بتحويل رقمه لموبايلي لدعم فريقه اجل تدعم الفرق الاخرى عن طريق المشجع الهلالي فإذا كنت مشجع حقيقي وداعم لفريقك باي طريقه فمن الافضل ان تكون بجانب الشركه الراعيه والداعمه لفريقك وهذه ابسط الطرق لدعم فريقك المفضل فتصور انك هلالي وخط هاتفك من الاتصالات فمن تكون تدعم بــ التأكيد انك داعم للفرق المنافسه لفريقك المفضل ولذالك من الواجب عليك ان تكون داعم لفريقك ومع احترامي لكاتب الموضوع فقد جانبه الصواب لانه يريد شركه راعيه من غير ماتستفيد وهذا مستحيل فالفائده من قدم الزمن تكون غالباً مشتركه هذا وتقبل وجهة
نظري المتواضعه...
مع تحياتي لكل هلالي مخلص لفريقه
وفي الاخير سلام للجميع

كل الكلام اللي قلته راح اوافقه عليه الا موبايلي فهو جانبه الصواب تمام رااح اتكلم مو على اني هلالي لكن انت قارنت بين الخدمات بينها وبين الاتصالات
وبيما ان الجوال شئ اساسي لايمكن الاستغناء عند 98% من الناس

انت قارنت الأسعار بين الشركتين ولكن لم تكملها بشكل صحيح
1ـ موبايلي باقه الموج الازرق الأشتراك الشهري 40 وسعره الدقيقه بينهم 20 وبين الباقات الاخرى والمشغل الثاني 30 هلله هذا بالاضافه الى 60 دقيقه مرئيه عن كل فوز هلالي وتخفيض 60 % بعد الدقيقه الثالثه للباقات الاخرى والمشغلين الاخرين
يعني تصير الدقايق بعد الدقيقه الثالثه 12 هلله ماصارت بالدنيا
ومو شرط على قولت اذا تبي تشترك لازم تكون هلالي فأنا صديقي اهلاوي مشترك فيها لانه يبحث الفائده لنفسه

2- الاتصالات باخذ معك باقه زيرو لانك تعتبرها افضل خدمه من موبايلي وذكرتها في حديثك
صح مافيها اشتراك شهري لكن لازم تكون الفاتوره لا تقل 350 ريال يعني لو تكلم 200 ريال بس راح يحسبون عليك 350 ريال بالفاتوره هذا بالاضافه الا سعر الدقيقه 30 هلله للاتصالات فقط وسعر الدقيقه للمشغلين الاخرين 35 هلله
وزيرو بلس لازم تكون الفاتوره لاتقل700 ريال لو تكلم 400 ريال تنحسب عليك 700 ريال
وسعر الدقيقه فيها 25 هلله للاتصالات فقط ووالمشغلين الاخرين 30 هلله
وين التميز اللي تذكره ياخوي
اما سالفه ندعم موبايلي على قولتك سؤال بسيط
_هل أنت تقدر تستغني عن الجوال
اكيد الاجابه لا
أذا انتي يجب عليك ان تختار أحد المشغلين للجوال

_سؤال ثاني الخدمه برايك من ناحيه الاستهلاك ايهما ارخص بغض النظر عن كونك هلالي واعتباره دعم للهلال أبي الجواب للمستهلك فقط..؟

اكيييد اللي اشوفه ويشوفه الجميع انه موبايلي وبفرق كثير اسئل مجرب



# ملاحظه بسيطه تدري اني اكلم ساعه كامله من موبايلي للأتصالات 7 ريال و75 هلله طبعا من اي باقه مفوتره من موبايلي سوا بلس او الموج الازرق او اي باقه

# ومكالمه ساعه كامله من الأتصالات الى موبايل في افضل باقه لها وهي زيرو بلس اللي فاتورتك لاتقل عن 700 ريال تبلغ 18 ريال

اتمنى اني وفقت بنقل الصوره كامله وبلغه الارقام

كلامك منطقي جدا ياغاليهم

يا هلالي غير بخصوص موبايلي انت غلطان

هل ريال مدريد بدأ بالإحترافية في عقودة دون تجارب ؟؟ أكيد لا

هل تشلسي وصل إلى قمة الإحتراف التجاري للأندية في العالم دون تجارب ؟؟؟ أكيد لا

إذا كانت إجابتك نعم فأنت لم تشاهد الرياضة إلى قبل موسم

وإذا كانت إجابتك لا إذا لماذا تطالب بالإحترافية التامة من أول تجربة

حطوة خطوة إلى أن نصل إلى مبتغانى

شكراً

والله لو وفرت على نفسك الوقت الى جالس تجمع فيه الموضوع وتنزلة كان احسن لك

قم بس قم

إقتباس الرسالة الأصلية كتبت بواسطة غاليهم عزيزي هلالي غير,,, حط هالمعلومة في بالك مافيه اي شركة في العالم بتدخل مشروع شراكة الا تبغى زيادة ارباحها بالشكل الاول الشي الثاني زيادة انتشارها . الشي الثاني انا كنت ابنوم بس يوم قريت ردك وتنقيصك من عقليتي خلاني ارد عليك وابين لك انك مخطي 200% خصوصا في كلامك عن موبايلي والغريب كيف يكون تفكيرك سطحي الى هالدرجة على العموم انا راح ابين لك بس ياليت تجيب قلم ودفتر وتتابع معي اول شي 1- عندك خبر ان موبايلي تدفع للهلال مبلغ 65 مليون ريال كل سنة ولو ان ولا واحد اشترك في باقة الموج الازرق. 2- واصلك العلم اللي يقول عند تحقيق الهلال بطوله محلية ياخذ 5 مليون والبطولة الخارجية 10 مليون . 3- قد سمعت ان الهلال ياخذ نصف دخل موبايلي الهلال اللي تعتبر شي منفصل عن باقة الموج الازرق . طيب اذا بافكر نفس تفكيرك واخليك تحسب معيس حبه حبه عدد مشتركي الموج الازرق الان 110 الف مشترك نقدر نقول ان كل هلالي مشترك في باقه الموج الازرق يدفع سنويا : ( 40 ريال * 12 شهر اشتراك ) + 45 رسوم تاسيس الباقه =525 ريال هذا بس رسوم اشتراك وتاسيس بدون مكالمات . واذا اخذنا هذا الرقم 525 * 110 الف مشترك = 57,750,000 ريال مقدار ماتدفع موبايلي للهلال لو قلنا هالسنة ان شاء الله حققنا بطولتين محليتين وبطوله خارجية البطوله الخارجية = 10.000.000 ريال سعودي البطولة المحلية = 5.000.000 ريال *2 اول شي 65.000.000 ريال + 10.000.000 +10.000.000= 85.000.000ريال سعودي معناه ان موبايلي دافعه اكثر من اللي خذت مع العلم اني ماحسبت مشتركي موبايلي الهلال ولا ذكرت ان موبايلي بعد كل فوز تعطيك 60 دقيقة مكالمة مرئية مجانا ولا حسبت قيمة الدعايات في القنوات ولا الجرايد اللي خلت نادي الهلال في كل مكان أخيرا اتمنى منك تبتعد عن التشكيك واتهاماتك للشعب السعودي انه سهل ينضحك عليه وعادي ترى الواحد يقول اني اخطيت والاختلاف لا يفسد للود قضية

كلاام كبير ..وتوضيح رآئع .. اهنيك ..

اخوي بالنسبه لموبايلي

اخالفك الرأي تماماً ... من ناحيه السعر والخدمه ..

اوافق بعض الاخوه فيما قالوا من ناحيه تعمدك الاعلان للاختلاسات السعوديه ضمن الموضوع ولباقه معينه ثبت فشلها ..

الهلال يحتاج لدعمنا .. فأن لم تكن معه ... لا تكن ضده

دمت بود

إقتباس ولعلمك انا ماني في الاتصالات ولا تهمني موبايلي والاتصالات وزين انا مع الي يقدم لي كعميل العرض الافضل مو الاستغلال الافضل .

يعني تبي الهلال يفتح صندووق للجماهير وكل واحد يتصدق بمبلغ معين

حشى ماصارت ؟؟

من حق الهلال يستفيد ومن حق موبايلي تستفيد


يا ذكي

يكفي ان الأمير عبدالله بن مساعد كان هو اللي ماسك ملف الاستثمار مع موبايلي..
يعني بذمتك موبايلي بتلعب على الرجل الاستثمار الأول بنادي الهلال ولا بتكون انت احسن منه.. والامير عبدالله قال الجمهور هو الوحيد الي يقدر يرفع دخل الهلال الى 100مليون بالسنه من خلال اشتراكه في خدمات موبايلي..الهلال او الموج الأزرق..

وتقبل مروري..

كيف الحال موبايلي اطلق من الاتصالات حقتك زرف عيني عينك

كانت الاتصالات راعيه للهلال تقريبا سنه على ما اعتقد قدمت شي للجمهور لهلالي

اقل شي موبايلي يوم مباره الهلال والنصر قدمت 15 الف تذكره هذا ابسط مثال

وحبيت اقولك اذا مو عاجبتك موبايلي خلك على الاتصالات ولا تشترك في الموج الارزق

لا يرتفع ضغطك وتقعد تحسب اخووي على العموم يعطيك العافيه على الموضوع

واختلف الراي لا يفسد للود قضيه واحترم وجهت نظرك

لم أكن أفضل أن تكتب كلمة التطبيل..
.
لكن لو الهلال تعاقد مع الإتصالات فلن يتعاقد
معها إلا لأن عرضها هو الأفضل..
و نحن ذكرنا أننا مع مصلحة الهلال و أننا باشتراكنا
هذا نزيد من دخل النادي..
.
أما بخصوص عدم التعليق على قناة ART الزعيم..
فأنا منذ افتتاحها لم أتحدث عنها..
سوى أني أتمنى أن تكون أفضل من سابقتها..
أما بقية التفاصيل فأنا معرض عنها لحين الانتهاء
من البث التجريبي..
و لعلمك أنا ما عندي تلفزيون عشان أشترك في
الزعيم.. ليس لقلة المال.. لكن والدي يرى أن التلفاز
سبب لدخول الشر للمنزل و تضليلنا عن الصواب..
و أتابع المباريات عند بعض الأشخاص و عن طريق
النت و بالتحديد شبكتي الهلال و الزعيم..