نادي الهلال السعودي - شبكة الزعيم - الموقع الرسمي - متفرَقات هلالية.. أهلاوية.. إتهادية.. نثراوية

يقول عاصل عدام الصين عن عموده الفقري اللي مزعجنا فيه من ثلاث شهور انه يتكون من( الدعيع وتكر ! ونور ! ونواف واليامي ). .
وكلامه صحيح مية بالمية سامي ماهو بالعمود الفقري لأنه قلب الفريق ..
وعبد الله سليمان ماهو من العمود الفقري لأنه فرَق شمل أمهاتنا الثنتين احمد جميل ومحمد الخليوي من يوم طلع وطيَرهم من المنتخب ولذلك ولاعتبارات حقدية وحسدية تم استبعادة ..
ونور يمكن قصده ( كسر ) بالعمود الفقري والله أعلم ..
في مباراة السنغال عيب محمد شليَة في الشوط الاول ان الهجمات كانت من جهته .. وميزة أحمد الدوخي في الشوط الثاني ان الهجمات كانت من جهته برضه .. لكن الاول علينا والثاني لنا ..
الحسن اليامي رهيب وما مثله لكن شكله بيخمبق في كأس العالم يبي يحاول يصير النجم الأوحد لويس فيجو الغفلة .. ولا مناولة في مباراة السنغال حتى الكورة اللي كان سامي طالع له ومواجه المرمى خالي ما مررها له وشاتها في ركبة المدافع على أمل تروح بقدرة قادر للقول ..
الخوجلي وزايد مامثلهم وقاموا بالواجب لكن في كأس العالم مطلوب منهم يتفرجون على عميد لاعبي العالم حارس القرن محمد الدعيع ويتعلمون من إبداعاته قبل يترك المنتخب بعد سنوات انشالله ..
أغرب شي في تشكيلة المنتخب وجود اللاعب النكبة محسن الحارثي !! لكن يقولون والله أعلم ان سبب ضمه علشان يهمَز لعبدالله الجمعان ويطقطق له اصابعه بالتوفيق يا محسن في مهمتك الخاصَة ..
أم بي سي والأمين العام للاتحاد السعودي يقدمون خدمات كبيرة للهلال ..
أم بي سي يوم تقدم الوجه القبيح لجحا أمام الأشهاد وتبرئ ساحة الهلال وتكشف هالمريض أمام العالم ..
والأمين العام للاتحاد السعودي يوم يرشح النصر والاتحاد ويصر على ذلك علشان يجي ترشيح الهلال والاهلي وطرد الاتحاد والمرتزقة النصر من قبل الاتحاد الآسيوي وبكذا عرف البعيد والقريب من المدعوم ومن اللي يفرض نفسه بمجهوده ..
أداء المنتخب الرفيع في مباراة السنغال سرَه التقارب الحاصل ولأول مرة بين لاعبي أكبر فريقين داعمين للمنتخب الهلال والأهلي ..
السنة هذي سنة الهلال والأهلي سوا فوق .. والاتهاد والنثر سوا تحت .. الاهلي استفاد من بعده عن النثر وقربه من الهلال حصل بطولات .. والاتهاد تورط بقربه من النثر صار زيه العام الماضي بطل المركز الثاني والبطل مع باب الحريم .. صحيح جاور السعيد تسعد .. وجاور المنقنق تتعلم النقنقة بعيدا عن عالم البطولات ..
الهلال والأهلي تقاسموا بطولات الموسم .. والاتهاد والنثر تقاسموا العويل والنياح في نهاية الموسم .. الهلال والأهلي أنصفهم اتحاد قاري وجعلهم يشاركون وحدهم في البطولات الخارجية الموسم القادم .. والاتهاد خرج من المولد بلا حمص لا بطولات ولا مشاركات و بالنازل من يوم صابته عدوى الثرمة و انقلب عنده حرف الحاء وإلى هاء .. أما بالنسبة للنثر فعاداته ما فيه شي غريب .. الغريب انه يشارك خارجياً ولا يوصل للنهائي محليا .. أما تحقيق البطولات فمستحيل على النثر منذ مبطي .. منذ أن صابته الثرمة و صار نثر بدال نصر ..
ناصر الجوهر سيفاجئ الألمان والكاميرونيين بخلطة كأس آسيا السحرية خطة 4-5-1
لاحظوا لم يشارك كل من عملاق الحراسة أسد آسيا محمد الدعيع ( هذا سر الهدفين ) ولا فتى آسيا الأول نواف التمياط .. ولا عبدالله الجمعان راجمة الصواريخ .. ولا بي ففتي تو عبدالله الشيحان
انشالله بحول الله وقوته سيقود اللاعب الاسطورة الحقيقي سامي الجابر زملاءه إلى الدور الثاني من كأس العالم ..