صالح كامل ودريم بوكس
 

السلام عليكم

صبحكم الله بالخير

بدون مقدمات

انا اشوف كثيير من الاعضاء يسبون صالح كامل صحيح المنتدى فيه حريه بس بحدوود يعني تتكلم عن استغلاليته اذا انت تشووف انه استغلالي اما انك تسبه .........

اشوف كثيير يقولون قناه الزعيم غاليه وقاطعوا القناه شوفوا الجزيره اقتدوا فيها الجزيره يالاي ار تي

الجزيره قناة( مدعومة حكوميا) من دوله من اغنى دول دول العالم مقارنه بمساحتها وعدد سكانها هذي نقطه كثييييييير ما يعرفها

وهذا السعر في نظري انه معقوول لانها قناه وحده وانا متأكد لو فيه اربع او خمس قنوات للزعيم كان صارت قيمه القناه لما تقسم سعر الباقه على عدد القنوات تقريبا نفس سعر الباقه الرياضيه وبتقل قيمه القناة الواحده بس فيه معدات ومعليقين ومقدمين واستديوهات خاصه بالزعيم ولا ننسا ان (الزعيم له نصيب من هالقناة)


لوالنصر له هالقناه وبنفس السعر اتوقع بنشوف كثيرين يطالبون فيها ويبغون تصير للزعيم قناه مستقله والسعر بيكون اخر اهتماماتهم فهذي فرصه ما تتعوض

صالح كامل موقع مع الهلال موسم واحد بيجس النبض لو الهلاليين يشتركوون في القناه

وبعد ما يوقع صالح كامل عقد طويل (اقصد لفتره اطول) نضغط عليه بيكون مجبر انه يخفض مع ان السعر في نظري معقول ولكن للي يطالبون بخفض السعر بتكون هذي افضل طريقه للظغط عليه وانسب وقت وانا اشوف لو يخلي قيمه القناه ثلاثميه وخمسين اتوقع ما تخسر القناه

انا سمعت عن حكم دريم بوكس من كم شهر في المنتدى لو كان الكلام اللي سمعته صح صراحه ما تسوى ان الواحد يقع في الحرام والسرقه عشان والاعتداء على ممتلكات الغير عشان يطالع الهلال اتمنى يشوف له طريقه اخرى لمشاهده الزعييم يعني لكل شيء حده

ولنتذكر دائما انك تدعم الزعييم وهذي نقطه بحد ذاتها كافيه بالنسبه لي للدفع

وانت بدعمك بهذي الطريقه تفيد وتستفيد تفيد الزعيم وصالح كامل وتسفيد بمشاهده تدريبات الهلال وتعليق هلالي وتحليل هلالي وغيره وغيره

وفي الختام اطالب الجماهير الهلاليه فضلاً لا امراً بالاشتراك بالقناه لانه اذا راحت الفرصه وذهبت لغيرنا بتعرفون بتعرفون قيمه القناه


اتمنى الردود تكون بعقلانيه وحضاريه ولا يكون فيها تجريح او استهزاء

fayez88

يعني ياخوي سعرها 1680 ريال ماهي استغلال

وبعدين كلها حرام بحرام

اشتراكك بالعارتي يعتبر حرام لوجود قنوات افلام

يازين الدريم بوكس بس

وانت الصادق يابو الشباب والزعيم يستاهل ..

بس وش قصة الدريم يوكس ما فهمتك تقصد انه حرام ؟واذا كان حرام ؟ليش؟وليش احنا مو حرام

يستغلنا صالح كامل علشان بطاقة سعرها اللي رفتها عليها لو تحطها في جمعية خيرية احسن ..

تقبل مروري

مشكور نزيه على ردك انا ما احب اتعمق في موضوع حلال وحرام بس انا من وجهه نظري ان الحرام انواع السرقه الاعتداء اكثر حرمه من انك تشاهد قناة افلام مع اني مادري عنها هي حلال ولا حرام والله اعلم واذا انت خايف انك تقع في الحرام وتشاهد فلم اذا اشتركت في القناة تقدر انك ما تشاهد قناة الافلام

سعر القناه اعتقد 400 وشوي

زيزو مشكوور لردك على الموضوع والله لو تحط فلوسك في مؤسسه خيريه احسن من انك تشتري فيها ثوب لك ولا انا غلطان وكل واحد يحكم عقله واللي يبي يتبرع من وجهه نظري لن يعيقه اشتراك لزعيم

... يعني اللحين دريم بوكس حرام ؟؟؟ علينا ياولد

... طيب لايكون art حلال انا صراحة ماني معك

ااخواني حللتهم الي ار تي وحرمتم الجهاز اللي يفك الشفره

طيب بالاساس مو حرام على صالح كامل اللعب في جيوب العالم


وغير كذا ليش يقول كلام في العقد ويخلف بعد العقد

اخوي ممدووح والله انا مدري عن الحلال من الحرام فيهم لكني سمعت من الناس والله اعلم

اخوي مامون مشكور لردك واتمنى اني اقنعت الكثيرين من اللي كانوا رافضين دعم الزعيم اقصد القناه

الســــلام عليكــــم ..

في النهاية , نتمنى أن يحصد الهلال الألقاب .

مشكوور لردك اخوي خالد ويطيك العافيه بس اعتقد انك لم تقرأ الموضوع كاملاً

وعليكم السلام اكيد هذا ما نتمناه وشكراً على المشاركه

ماراح اعلق الا على مسئلة رسيفر الدريم بوكس

انت عارف انك لمى تركب رسيفر نايل سات حرام . . ؟

لان فيه قنوات اغاني وافلام وكل هالامور

والارتي نفس الشي

والدريم بوكس نفس الشي

لكن لاتقولين تحريم انك تتفرج على المباريات بالدريم بوكس

انا ما اشوف ان فيها شي

يتفاهم صالح كامل معاهم


احنا لقينا هالمنتج بالسوق وشريناه

فيه اتفاقيه حصريه لصالح كامل هذي مو مسؤوليتنا كمواطنين

انا بصراحه ماشفت شي بالتلفزيون ولا قرار من الدوله بمنع الدريم بوكس

عشان كذا انا اشتريه وانا متطمن مثل ما اشتري اي شي ثاني ولا يهمني شي

وشكرا لك

مشكوور اخوي عزوز على المشاركه ويعطييك العافيه بس مسأله حلال وحرام لا انا ولا انت نقدر نفتي فيها هناك من هم اهل للافتاء والله اعلم

بس انا ابعطييك مثال لو انك مشترك في نادي رياضي بملغ الف ويجي واحد مو من اللي يشتغلون بالنادي ولا له علاقه بالنادي يقولي انا ابدخلك بطريقه او باخرى تتمرن في النادي بس عطني ميتين ريال وادخلك هل تقبلها انك تدخل وتتمرن بهالطريقه بغظ النظر عن حلها من حرامها هي طريقه لا تمت للاخلاق بصله

اول شي ان الهلال لن يستفيد من زياده عدد المشتركين لان الهلال وقع العقد لمده سنه بمليونين وسواء اشترك احد او لم يشترك الهلال سياخذ المليونين

تقبل مروري اخوي

يعني الحرم الحين جاء بس على دريم بوكس

ولا استغلال ابو كامل للناس الي ما يقدرووون مو حرام

بس صرنا نشوووف الامور من ناحيه و الناحيه الثانيه بلغصب نغفل عنها

سبحان الله بس