هي مجرد فكره ياسمو الامير عبد الرحمن بن مساعد لزيادة عدد حضور الجمهور
 

السلام عليكم ورحمة الله وبركاته


بصراحه وبدون مقدمات خطرت في بالي فكره وهي انه بعد كل فوز للهلال يكرم الجمهور ويتم تخفيض قيمة تذكرهالمبارة القادمه لهم اما يدفع النادي مثلا القيمه المخفض منها او يتم التخفيض إذا كانت المبارة بأرض الهلال وهذه الفكره فيها فايده للي مايقدر يدفع قيمة التذكره ويحب الهلال ويتمنى انه يحضر مبارياته كذالك هي تكريم للجمهور وايضا يتضاعف عدد الحضور

اتمنى تعجبكم الفكره كذالك اتمنى من كل من يشاهد الموضوع يطرح رايه سواء إيجابي او سلبي واتقبل نقدكم وأرائكم بصدر رحب ومشكورين مقدما لكل من يشاهد الموضع

فكره حلوه وأتمناء تطبيقها في أسرع وقت
وياحسفه صار جمهور الهلال مايجي الى بتخفيض
http://www.alhilalclub.com/site/modu.../3/31SDSDA.jpg

اولا مشكور على مرورك الاكثر من رائع
ثانيا يأخي لاتلوم الجمهور بقدر ماتلوم ارتفاع الاسعار إضافه الى ذالك اسعار الاشتراك بقناة الارتي والزعيم الخياليه

ياخوي وين 20 ريال كثيره الله يرحم والديك التذاكر في اوروبا توصل قيمتها الى اكثر من

100 ريال سعودي والملعب فل وانت تقول 20 ريال كثيره

وللمعلوميه ابن همام معترض على اسعار التذاكر في السعوديه يقول ماتناسب الاحتراف قله اسعار

التذاكر يعني حنى في نعمه والجمهور مايهمه قيمه تذكره لكن ماادري قله الحضور وش سببها

كلامك سليم 100% بس ليه قله الجمهوووور وخاصه في الرياض

اخوي 20 ريال بالنسبه لك قليله او عاديه لكن لغيرك كثيره يعني لو واحد راتبه 2000 ريال ماتكفيه لأخر الشهر وهو عزوبي اقصد في وقتنا الحالي وغلاء الاسعار
وغير هذا فيه بعض الجمهور يحضر للمبارة بتكسي من اجل الهلال فقط بالله عليك يدفع للتاكسي او للتذكره؟
ثانيا بأوربا تقدر تحجز الكرسي لاحظ اقول كرسي مو مثلنا اذا خلصت المبارة تشوف الجمهور كله يطقطق ظهره وبعضهم يفضل الوقف من الجلوس على كراسي (انتظار) واحيانا يكون اسمنت(صبه)

يالغالي لا نتهاون بعدد المقاعد الموجوده في المدرجات

ولو أن الزعيم قد هالمقاعد وزود

ولكن الجمهور لا يحضر لأسباب عده

من أهمها أن المباريات تأتي بأيام الدوامات وهذا عائق كبير

يا اخي لمتى وحنا نقول غالي وغالي وغالي وغالي التذاكر رخيصة علينا كلنا واللي ما يبغا يحضر حتى لو كانت التذاكر بريال راح يتعذر خلونا من الخرابيط

فكــــــــره ممكــــــن حلـــــــوه

أخي العزيز الألماس ياسر الياس،

موضوعك جدا مهم، وهو الجماهير

أخي العزيز، ماطرحته جدا جميل، ولكن عندما نتكاتف ونأتي للمبارة بكثرة تعكس حبنا لنادينا، وعندما نرتّب صفوفنا في المدرجات ونشارك بفعاليّه وتنظيم راق جدّا نؤثّر ايجابا وبقوّه على الفريق، تأكد مطالب الجماهير يتم تنفيذها وزياده...لنبدأ بأنفسنا كجمهور ثم نأتي على الاداره

ولك تحيّاتي

ياخوك عدم حضور الجمهور له اسبابه


أول شي ملعب الملز حصى وين نجلس فيه , ثاني شي في اوربا فيه شاشه وتشتغل طول المباراة يعني تشوف المباراة من الشاشه حتى وانت في الملعب


ثالث شي في اوربا الواحد يوصل قبل المباراة بدقايق لانه عارف وين يجلس ...



واقتراحك اخوي حلو لكن اتوقع 20 ريال منطقيه

السلام عليكم ورحمة الله

والله ياعزيزي اشووف ان اسعاار التذاكر جدا مناسبة ورخيصة بعد والادارة مالها دخل لأن عوائد التذاكر لموبايلي والهلال فالادارة ماتقدر تخفض بدوون الرجوع للشركة الراعية...

لكن قد يقول قائل الادارة تشتري جزء من التذاكر وانا اقول هذا صعب شوي لأن الادارة وش تلحق مكافئات لاعبيين واجهزة ادارية و و و و و و و

لكن هنالك فكرة ثاني يعني انا يوم كنت بالسعودية والله اني حاط آخر اهتماماتي اني احضر مباراة لأن ياخي سووء التنظييم في الملاعب والفوضى العارمة هناك
يعني اذابغيت تحضر مباراة تبدأ الساعة 8 وربع مثلا لازم تكون مسنتر في الملعب من الساعة اربع وساعة علشان تدخل الملعي وثلاث ساعات عشاان تنتظر المباراة او اكثر يعني والله مضيعة وقت ودرجة الحرارة وقلة الخدمات تخاف تقوم من الكرسي تلقاه راح عليك و............إلخ
لكن لو ترقم كراسي المدرجات واللي يشتري تذكرة خالاص يعرف وين مكانه مثل ماهو معمول به في جميع انواع العالم مثلا بانجلترا حضرت مباريات بالرغم انه اسعاار التذكر ب700 ريال او اكثر بس خلاص تشتري التذكرة قبل بأسبوع ولا اسبوعين وتعرف المكان اللي بتجلس فيه وقبل المباراة بعشر دقايق تعال...
منها انك تجي وانت جدا مرتاح مافيه لطعة ست ساعات او اكثر مافيه طواابيير على البوابة تجلس ساعتين او ثلاث عشان تدخل مافيه مراكض كل واحد يحجز له عشر كراسي
كل شي مرقم بالتذكرة
انا اجزم لو طبقت عندنا بالسعودية والله الجماهير راح تتضاعف اكثر او اكثر افضل من تخفيض التذكرة ولطعة ست او سبع ساعات
والله كثيريين اللي يبوون يحضرون المبارياة بس الانظمة والعشوائية هي اللي تحول ان اغلب الجماهير تحضر

وتقبل مروري وعذرا على الاطالة...

يارجال لو يصير سعر التذكرة بريالين قالوا لا غالي نبي بريال ...

مع احترامي لكم التذاكر في مباراة النصر قدمت موبايلي تذاكر مجانية ومع ذلك الملعب كان نص ممتلئ..


والمشكلة كل يوم واحد كاتب موضوع ليش مانلغي عقد فلان ونجيب فلان ..

الحمدلله التذكرة بـ20 ريال واحضر مع اي واحد ..

ياخي لاحد يتعذر باوربا ومدري وش وغيرها من زمان والجمهور الهلالي يملئ اي ملعب ..

ما احترامي لك الفكرة تعبانة وكذا راح ينظر منها النادي
وبعدين للاسف اضعف جمهور للهلال في المملكة هم جمهور(الرياض)

20 مب مثقلة على احد ان شاء الله