بسم الله الرحمن الرحيم
السلام عليكم ورحمة الله وبركاته

مســـاء الخيرات والليرات ..

/،
أول شي كلكم صفوا طابور واحد وكل واحد يواسيني ويقول لي الحمدلله ع السلامة ومعوّض خير ..

هذا طال عمرك أخوكم في الله طالع مع هيز فاذر .. مع ابوي يعني ..
كنــا في المــكتب ، طلعنا بعد صلاة العشاء ؛ التفت ابوي التفاتة خطافية وقال شرايك نروح جيان .. قلت له مهيب بطالة طال عمرك ، رح لجيان .
دخلنا جيان ، وقفنا السيارة بالمواقف ونزلنا وسكرنا البيبان وقفلناها << بيطول السالفة ..
المهم ونـدخل وناخذ حاجتنا ونطلع .. ونروح للسيارة الي .. ايوة ما غيرها الي وقفناها بمواقف جيان وسكرنا بيبانها وقفلناها .
وفجأة .
الا القزاز مكسوووووووووووور
ياجماعة !!
القزاز مكسور ، ووين فيه .. في المواقف الداخلية لجيان
وليته القزاز الي راح ، جهاز لابتوب ماله شهرين او ثلاثة !!
/،
المصيبة ، أمن جيان يقولون الكاميرات ما تغطي المواقف .. فقط ع البوابات الرئيسية !!

يعني هالأمن فالحين ينشبون للشباب ووشو له داخل ووين أهلك وممنوع ، والأمن والسلامة معطينها اشششششششكل !!
،/
مالكم بالطويلة ، على طول بلاغ للدوريات الأمنية ، وتوصل الدورية وعلمناه بالسرقة ، وحولنا لمركز الروضة لابارك الله فيه من مركز ، وقال لنا انه مسلّم اثنين لشرطة الحمراء ..
والله ونروح لشرطة الروضة ونتلحط فيذاك لين يجي طويل العمر راعي البصمات ، ويرفع بصمة أربع أصابع !!
وكثر الله خيره يقول وراكم حاطين الجهاز بالسيارة ..
مادرينا طال عمرك اننا في تكساس ولانيويورك ..
/،
طلعنا من مركز الروضة على مركز الحمراء ، الضابط المناوب يقول ما جانا شي ، طيب يابن الحلال الدوريات يقولون انهم مسلمين لكم اثنين !!
يقول يعني بنكذب عليك حنا ..

مدري وين متعلمين فن التعامل ..
،/
القزاز تصليحه بمبلغ وقدره ، والتظليل بملبغ وقدره ، واللابتوب بمبلغ وقدره ..
خسائر تصل لاكثر من 6 آلاف ريال سعودي ..
إلى متى التسيّب ، وين تطبيق الحد !
والله بيني وبينكم الحد ما عاد ينفع للأسف ، القلوب قاسية ولا تأبه !
قبل أمس في الليل حصل قصاص خلف مركز ماكس .. المجاور لجيان خريص !
وفي اليوم التالي وفي وقت قريب من وقت القصاص تحدث سرقة بدون أي مبالاة !
أسأل الله أن لا يكون ما يحل بنا نوع من أنواع العذب من نزع للأمن !


..


طيب ياناس .. إلى متى الجرائم في السعودية !!
وخصوصاً في الرياض ، مدينة الجرائم والعمل ..
الجرائم والعمل .. كيف يجتمعون !!
الله أعلم !

..

اخوكم في الله مشتت ، ومنقهر حده ، قبل شهرين سرقة بيت .. وسيارة ..
وألحين كسر زجاج وسرقة لابتوب ..

حسبي الله ونعم الوكيل ..

..

ختـــاماً .. أخشى أن يمر يوم نرى فيه قانون جديد في المجلس العام يقضي بمنع وضع المواضيع التي تتحدث عن السرقة "لكثرتها" !
وقد يأتي يوم نرى فيه موضوع على غرار اسأل والمجلس يجيب ، يكون عنوانه علمنا سرقتك واحنا نواسيك ..


..

للاسف الامن هنا صورة واقصد امن المجمعات التجارية صورة لااقل ولااكثر . . .

والغريب ان هناك دوريات أخرى هي المجاهدين في نفس الموقع ولاأدري كيف صارت . . . !!!

اخي عبدالرحمن الله يعوضك عليك خيرا . . .

ولانقول الاحسبنا الله ونعم الوكيل في مايحصل هذي الايام

لا تهاجر واذا هاجرت خذني معك

إقتباس ختـــاماً .. أخشى أن يمر يوم نرى فيه قانون جديد في المجلس العام يقضي بمنع وضع المواضيع التي تتحدث عن السرقة "لكثرتها" ! وقد يأتي يوم نرى فيه موضوع على غرار اسأل والمجلس يجيب ، يكون عنوانه علمنا سرقتك واحنا نواسيك ..

صدق شر البلية ما يضحك

لاحول ولا قوة الا بالله وش سالفتك ياكن كن مع السرقات
بصراحة مأساة وما اقول الا الله يستر ..

و الله يعوضكم خير يالغالي ..
وان شاء الله آخر مره بس ترى الحرص زين يعني لاب توب في السيارة من جد شي مغري
اللحين لو تحط عشرة اريل كسروا القزارة اذكر واحد من الشباب كسروا قزازه على جوال بانده لعبه
حق ولده الصغير !!! وباهو صفق ولده قال له ليش تحط الجوال هنا يابن ..

عبد الرحمن

دمتم بخير وعافية ,,,

اول شي الحمد الله عل السلامه
ثاني شي الحمد الله في سيارة ولافيك
ثالث شي ليه تحط الاب توب بسياره

لاتحط شي يغري لاجوال لافلوس حت كيسه فاضيه لاتحط

رابع شي الله يعوضك بلاب توب احسن منه وقزاز سياره يلمع


وخامس شي الله يحيمنا من هالسرقات والله يهدي من سرق

هلا بالغالي ..

الله يعين , ومعوضين ان شاء الله ..

انا عمي مرة وهو رايح للبنك يسحب مبلغ مالي يبي يسدده لمكتب عقاري

وعمي عارف الحركات اللي تصير بعد الواحد يطلع من البنك

ويطالع في المرايات ولا فية اي واحد يراقبة ,, ويروح للمكتب العقاري

على وقت اذاان المغرب وقال راعي المكتب لعمي معك المبلغ قال خلنا نصلي اول شي ..

الله يهديه قال من باب المداعبة [ ابتلشنا فيكم ياعتيبة انتم ودينكم ] ..!

وماطالع عمي الا والبنقالي العامل يقول سيارة كسّر مكسوور القزاز

يوم طلعو من الصلاهـ

ويطالع الا المبلغ وقدرة 20,000 راحت علية , الله يعوضة ..

---

ان الله لايبتلي الا المؤمنين ورده


فمان الله

ورده

لاحول ولاقوة الا بالله


الله يعوضكم عن السيارة واللاب توب والبيت يارب
والله السرقات كثرت قبل فترة انسرق بيت عمي الله ياخذهم ماخلو شي


بس تبي الجد اخوي وماتزعل ،، الشرطي معه حق اللاب توب المفروض تخبيه مو تتركه بوضع مكشوف ..

انا حتى لما يمرون اهلي علي الجامعه ياخذوني ونحول على مجمع اخبي شنطتي تحت الكرسي عشان مايشوفونها شكبرها ويكسرون القزاز علبالهم شي ثمين فيها

معوض اخوي مع الاسف هذي نتيجة البطالة والفراغ

إقتباس وقد يأتي يوم نرى فيه موضوع على غرار اسأل والمجلس يجيب ، يكون عنوانه علمنا سرقتك واحنا نواسيك ..

هههههههههههههههههههههههههههههههههههههه

الله يكون بعونك

إقتباس ختـــاماً .. أخشى أن يمر يوم نرى فيه قانون جديد في المجلس العام يقضي بمنع وضع المواضيع التي تتحدث عن السرقة "لكثرتها" ! وقد يأتي يوم نرى فيه موضوع على غرار اسأل والمجلس يجيب ، يكون عنوانه علمنا سرقتك واحنا نواسيك ..

اهلا كان هنا

الله يعوضكم ان شاء الله بالافضل

غريبه من هالحرامي الجرئ القوي الي بيسرق بمواقف جيان

والله وانا خوك انا ابصم لك بالعشره ان السرقات وهالامور

من العماله بنسبه 80 بالميه

حتى اني امس مفرمت جهازي وانا رايح للمحل جنبه محلات سباكه وكذا

وانا شايل الشنطه الاب كنت خااايف كل البنقاليه يطالعون الشنطه يحسبون فيها ملايين

قلت لحد يسرقني لايف على الهوا >> لاعمرك تنكت


لاهنت ورده

الله يعوض عليك اخووي
والحمد لله على سلامتكم

وربي شي يقهر اذا الشرطه كذا!

الله يكون بعون الجميع


تحيااتي

الله يعوضك خير ان شاء الله

السرقات صارت في الرياض شي طبيعي يعني تقول فلان انسرقت سيارته او شي من اغراضه

خلاص تلقى الكل يقول الله يعوضك والله صار الواحد يخاف يترك حتى كيس فاضي في السياره

ثاني مره اللاب توب في البيت او شنطه السياره من باب الاحتياط ونقول حسبنا الله ونعم الوكيل

إقتباس والله بيني وبينكم الحد ما عاد ينفع للأسف ، القلوب قاسية ولا تأبه !

فعلاً أصبحت القلوب قاسية
ما فكروا بحال إللي يسرقونهم
حسبي الله عليهم


لكن أخوي كان هنا أنت بعد غلطان
يعني لاب توب تحطه في السيارة
والله لو تشيله معك داخل جيان أهون من إنك تحطه في السيارة

الله يعوضكم

معوضين خير...


من جد ماتدري احنا بشيكاغوا والا بالرياض...!؟

السرقات انتشرت بشكل مخيف مره...!

والأمن....لاتعليق...؟!

إقتباس ختـــاماً .. أخشى أن يمر يوم نرى فيه قانون جديد في المجلس العام يقضي بمنع وضع المواضيع التي تتحدث عن السرقة "لكثرتها" ! وقد يأتي يوم نرى فيه موضوع على غرار اسأل والمجلس يجيب ، يكون عنوانه علمنا سرقتك واحنا نواسيك .. ..

والله ماتدري يمكن يجي هاليووم...


نلتقي بـ سرقة جديدة...>>..فال الله ولا فالك...

وعليكم السلام ورحمة الله وبركاته


اسمحلي يا (كان هنا) على الجمله هذي>>>>>>انت شخص لا مبالي تخلي لاب توب في السياره !!!!!!! والله انا انضف الاكياس ما اخلي ولاكيس في السياره الا شلته عشان محد يكسر قزاز السياره تجي انت وتحط لااااااااااب توب الصراحه لو مكان الحرامي والله ما الومه يخلي لاب توب انت صاحي

على العموم الله يعوضك خير منه واحسن منه بمية مره

وهذا ابتلاء من الله وهو خير بعد عشان تنتبه مره ثانيه احسن ما ينسرق منك سياره ولا سي ثاني

اسمحلي على الاسلوب القاسي

ولك مني تحيه