قصة ( تمزيق ) حلم الفتى الذهبي ( نواف التمياط )
هذا عنوان موضوع اوقصة الكاتب المعروف وليد الفراج في جريدة الرياضي عدد رقم / 2028 الاربعاء 15 / 5 / 2002

واتمنى من كل الاعضاء في منتدى الزعيم قراءة الموضوع من الجريده مباشره


ولاكن ( وزبدة ) الموضوع

ان الوفد الهولندي جاء للتفاوض ولم يعطيه احد وجه وراحوا يتمشون في الفيصليه والثمامه وسوق الذهب ( تصريفه )
المهم اتفقوا في الرياض ان العقد قيمته 2 مليون دولار و20% من قيمة انتقاله لاي نادي ومليون دولار رواتبه في السنه ( وصرفوهم ) روحو وبجيكم الخبر
راحوا المساكين وجاهم ( الفاكس ) اتفاق جديد قال نادي الهلال نبي 4 مليون دولار و20% من اي صفقه انتقال من نادي بعد رودا يعني ( احتكار ) وقالولهم الوعد ( باريس )
رد رودا وقال ما عندنا الا الاتفاق الاول ولا ( قفل على الطلب ) واخيرا وصلوا على ( قفل على الطلب )
مسكين نواف دخل المعسكر للمباراة النهائيه وهو ضايع بين اعضاء الشرف وما قصر رفع راسنا فوق وهو خسران 6 مليون دولار كانت ممكن تجيه في الخمس سنوات القادمه
الحين سافر وهو مايدري ( وش السالفه ) بس الي يبيه وليد الفراج هو نفسه الي يبيه كل محب للكره السعوديه خاصه والعربيه عامه
تكفى يا افضل ما انجبت الكره العربيه ارفع راس العرب كلهم وخليك شديد وتراك عندنا اغلى من ملايين العالم كله وتوكل على الله وتاكد ان كلنا ندعيلك وبالذات ( المعاقين ) الي تحبهم ويحبونك .

وشكرا لوليد الفراج واقولك انت اذكى كاتب وتستاهل تكون ( زبدة الكتاب الرياضيين ) والله يوفقك .

خالد ( انا احبكم )

لا تكبر الموضوع ......


و نواف بيقدر ان شاء الله أنه يثبت نفسه في المنتخب وبيتوفق مع نادي أكبر منه أن شاء الله

حبيبي الزعيم الهلالي
الله انشاء الله يوفقه مع نادي احسن من رودا بمليون مره
بس يا غالي انا اتكلم عن موضوع في الجريده
وتراني احب الهلال واعتبره موطني واحب نواف واعتبره اخوي وابيله كل خير
ولاتستعجل واقراء الموضوع من الجريده

اخوك
خالد

عزيزي اتفق معك ان نواف ظُلم في حرمانه من هذا العقد

لكن هذا الكاتب هل يقصد محبة نواف او مصلحة نواف انه ممن يكرهون الزعيم ولاعبيه وجماهيره كره العمى ولكنه يحاول الصيد في الماء العكر من باب عسى ولعل ان تصيب ويكفي ما كان يتقيء به ( اعزكم الله ) في القناة القطرية ضد المنتخب هو والطبل الاخر الطويرقي لان غالبية لاعبي المنتخب من الزعيم وليسوا من فريقهم المفضل .

الهراج ماعنده سالفه ولاتهمه مصلحة نواف او غيره ... ما يهمه اللا نفسه وجريدته ومنصبه

نواف وبس

اول شي اخوي اظاهر انك منتب متابع لاخر الاحداث
و هي ان الامير سعود بن تركي تنازل عن مليون دولار
من قيمة الصفقة عشان نواف و بعدين بيني و بينك ترى العرض
الي طرحوة رودا قليل موب بحجم نواف و الهدف منه انهم
عارفين ان سعره راح يرتفع بأذن الله بعد كأس العالم و يبون
يستفيدون منه ماديا و اذا ما احد بغاه ما راح يخسرون شي
و بعدين هذا ضمان لحقوق الاعب اولا و النادي ثانيا و انا
من الناس الي يقول انه يحترف بعد كأس العالم افضل له
لانه ان شاء الله راح تجيه عروض اقوى من اندية افضل
و لعلمك احب اقولك شي قد قريته في موقع الارسنال ان
النادي الانجليزي يوم تعاقد مع الاعب الياباني اونو كان هو
خيارهم الثاني و كان خيارهم الاول نواف بس الاصابة الي
جته الموسم الي راح قدام الاتحاد كانت السبب وراء انهم
تعاقدو مع اونو و ياليتني مسجل في المنتدى ذاك الوقت عشان
ازلكم الرابط و الموضوع بس اخ يالقهر و ترى الموضوع صحيح
ما فيه اي تزييف و معناه ان نواف ممكن يلعب في اعرق الاندية الاوربية
بس لازم يعطا الفرصة اما بنسبة لبليد الهراج هذا اصلا عايش على الصيد في المياه العكرة و لا يبي مصلحة احد يبي مصلحة نفسة بس
في الاول كان يسوي مشاكل في النصر و اكبر دليل مشكلة الهريفي
قبل العام بس يوم جاه التهديد من ابو ثمامة غير الوجه على الهلال
بس يا جبل ما يهزك ريح و لا عليك منه ترى ما يبي غير مصلحة نفسة
بس

و آسف على الاطالة

قل للهراج بدري على هالموضوع !!!!!!!

وشكل التمياط بتصريحه الأخير موقت لمثل هالكتابات...

أنا من رأيي أن الإحتراف بعد كأس العالم أفضله
لأنه راح يثبت نفسه وراح تجيه عروض من أنديه كبيره
وبعروض مغريه.

اخوي العيار اشكرك لاتفاقك معي ( والحمد لله على كذا )


الفارس الازرق انا معك ممكن يبحث عن نفسه لاكن مقدم جريده طيبه


موج الخليج الازرق و( الغالي ) انا صدقني متابع للاخبار الرياضيه ومتابع جيد بعد ( والحمد لله ) وارجوك لا تتسرع وانا المتاكد منه ان نواف يستاهل اكثر بكثير من رودا وحتى الارسنال ولاكن انا قلت الكلام الي كاتبه وليد الفراج في الجريده فقط لا غير


الساطي انا ما اعرفه ( وش رايك تقوله انت )


عاشق الزعيم الله يسمع منك


اخوكم
خالد ( قال موضوع مكتوب وتورط )