نصيحه يا جمهور الزعيم .. لاتشتركون في قناة art al zaeem
 

السلام عليكم ورحمة الله ...

مسائكم ورد وجوري ..

في هذا الموضوع ياسادة يا كرام .. عتاب على الارتي

وربي يشهد اني مشترك في قناة الزعيم .. وندمت على كذا ..

يا اخوان .. قناة الهلال وماتشوف الا ازرق .. كل هالكلام طلع بلوشي ..

ياهووه .. اليوم جايبين لي اربع مرات اعادة لبرنامج واحد ..

ورب الكعبه انه غلاء فاحش .. واعرف ناس من عيال جيراننا انهم ما اشتركوا ..

ليش ..؟

اليوم جالسين نتابع في مجلسنا مباراة تشلسي وليفربول .. فـيوم خلصت حطيت ارتي الزعيم وتقريبا ساعه .. ورب الكعبه تفاهه..

واعلاناتها اكثر من برامجها .. بالعربي تسويق للارتي ..

اوكي ادفع 500 ريال بس لاتجيبون لي الا ارتي الزعيم ..

لالالا .. لازم تدفع 440 رسم باقة اساسية وتضيف عليها ارتي الزعيم .. بــ 480 ريال زيادة قلت اوكي وكل شي يهون .. لعيون الزعيم .. ودفعنا 920 ريال .. في الاخير احصل اني ملعوب علي والقناة اصلن لو يشيلون الزعيم منها احسن لانها قناة لاتمت بصلة للزعيم بل انها تسويق ودعاية للارتي ..

كيف تكون للزعيم وهي برنامج او برنامجين يوميا ويعاد اكثر من اربع خمس مرات !!!! .. كليناها والله ...

عموما .. انا متضايق لاني كليت هالمقلب الحلوو . . لكن عل الله يغير مابهالقناة الحلوة ...

لكن ... وكما ذكرت آنفا في عنوان الموضوع ..

نصيحه لكل هلالي لا تشتركوا بها .. لانها استغلال من الشيخ كامل مدري ناقص ..

واذا صدر منكم عدم الاشتراك فسيضطرون لتنزيل السعر كي لايخسروا ..

وبعد ذلك فيها الف حلال ..

اسف عالاطالة ...

تقبلوا تحياتي ..

محدثكم / عبدالعزيز العنزي ...

عسى عمرك طويل ..

تعبنا وحنا نشكي ونقول ان الهلال مستغل من كل مكان

اعلام مستغلنا .. كتاب ومستغلين اقلامهم واشهارها على حساب الهلال

كل شي بالوجود ما ينجح الا اذا ارتبط بالهلال

..

يا خوي يسوون اللي يبونه بس ما توصل انهم يستغلونا

مبسوطين انتم بالصفقه مع ART ??

وربي انها المستفيده الوحيده من ورا هالقناه

ليييييييييييه باقي الفرق قنواتهم مفتوحه وحنا بأشتراك

ونشترك بقيمه اكبر من قيمة كرت الجزيره

اللي ينقل دوريات اوروبيه

كل هذي علامات استفهام ومالها اي اجابه !!!

..

لله دركم يا جمهور الهلال كم انتم صامتون

:(

اشكرك على مرورك العطر ...

وانت احد الاعضاء المتحسر على تعاقدنا مع عارتي ..

اهنئك على حماستك للهلال ... ولك مني اجمل التحيات ..

مهما كان

هذي قنااه الهلال الرسمية المفروض نتعاون معها

يا اخي الكريم اتعاون معها .. بس يجيبون شي كله هلال في هلال ...

مهوب ملون .. والله اني اشوف شعار النصر والاهلي في اعلانات النهائي اكثر من شعار الهلال ..

نتقطع ونحرج ولا احد لمنا ...

تكفى يابو فيصل طالبينك تكفى تكفى تكفى شف لنا حل مع العارتي ..

أنا إشتركت مع 4 من إخواني كله لأجل الزعييييييييييييييييييييييم وبس

وخل عنكم القرقر الفاااااااااااضي

والله مسخرة 1600 علشان اشوف قناة الزعيم والطالب يصنعون 1600 ارجو يا اميرنا عبد الرحمن بس مساعد تشوف لنا حل مع هذا الغلاء

ياناس افهموا ... انا مانبي نشترك وبس ونضيع فلوسنا ..

انا نبي شيء يخلينا نقتنع انها قناة هلاليه 100% ..

مو جايينا ... يقابلون مع ابو فيصل بعد مباراة الحزم ويقوله ارتي الزعيم هذي القناة ..

وهو مايندرا عنه ..

اهم شي يكون طاقم القناة كله هلالي من معلق الى مخرج الى مصور ... ابغا اشوف كل الشاشة هلال ..

الاندية العالمية ... قنواتها مافي ولا شي يخص اي نادي حتى ملخص المباراة يحذفون منه اهداف الخصم اذا كان فيه اهداف .. ليش ؟؟؟ لانه قناة نادينا مهيب قناة النادي الثاني .. يعني حقانيين بمعنى الكلمة ..

اهنييييييييك على حماسك

بس تأكد ان كل الفلوس والرابح الاكبر هي ( ART )

ونادي الزعيم بيجيه ( الفضله ) الزائده

وبالعقل ودي اسألك

معقوله قناه وحده بس تكون قيمتها اغلى 3 مرات من قيمة ( اشتراك الجزيره )

اللي تحمل في جعبتها اقوى دوريات العالم ؟؟؟؟؟؟؟؟

يا عمي نبي كلام منطقي مو لغة فلوس و حسابات خاطئه

وعلى فكره لا تفكر انك اذا اشتركت يعني انت هلالي واللي ما اشترك يعني منافق

ترى ربي وضع فينا عقول تدرك الخطأ والصح والاتستغلال هذا عيني عينك

وما رح نرضى انه يستمر ورح ينتهي بأذن الله

دوبنا في البداية يا غالي
القادم احلى للهلاليين

الله لا يهيينك ابي اتناقش معك بالموضوع اللي كتبته

ولو اقنعتني وربي لأحذف عضويتي

دور آخر موضوع انا كتبته واتمنى اشوف ردك

شاكر ومقدر

وازيدك من الشعر بيت القناه تجيب الاهداف اللي في الهلال اكثر من اهداف الهلال

ابو زياد نورت الصفحه بطلتك ..

لكن يالغالي .. ترا دورينا مو ابو 38 مباراة ولا 34 ولا 30 .. ترا كلها 22 مبارة ..

ولا باقي من الدور الاول الا ست مباريات وكلها راح تنقل في الارتي الكرة السعودية .. (7 &8 & 9 )

ولا راح يكون فيه تغيير .. وكلنا راينا مباراة الحزم .. اقتباس واضح مافيه شي مميز

يعني ارتي الزعيم تنقل من ارتي 7 وش الفايده .. ابغا المعلق هلالي ! ابغا المراسلين هلاليين ..

ابغا المخرج هلالي ..!!


عموما ... اشكر الجميع على تفاعلهم ..

ودمتم بود ....