][ محري بالخير يا مزن نشا . .ياحلو عقب الوسم رجع السحاب][..+ اضافة صور جديد - نادي الهلال السعودي - شبكة الزعيم

اليزابيث هيرلي · #1 25/10/2008, 07:55 PM

:

/

الصور أعلاه من عدستي يوم أمس <<< تسذب

:
:

قالوا في المطر ..

{أمطرت أمطرت والمديره فحطت

}

{اللهم زدوبارك وهدم المدارس << يالضعيفات تسيف مابوه أحد يحبهن

}

يالله مطر يالله سيل .. عسى تزعل أم حسين .. ناكل تمرها الزين ونترك تمرها الشين <<<وشلون تجي

أخبر الواحد لا زعل ما تلقى منه إلا الشين مير شكله عكس الناس

وبها المناسبة أحب اهني زميلاتنا

واخواتنا

و بناتنا

المعينات رسمياً في قرى الرس على الغياب اليوم وبكرا نظراً لسوء الأحوال الجويه

<<< ماعليه كلها 6 أو 7 سنين وداخلين الرس

تحياتي الخاصه والحاره ..

لـ رفايع الهيب

الركنه

بدايع الضبطان

ولا تهون ضريه <<<

****

أرجو أن تحوز الصور على إعجابكم ..

وادعوا لي حيث أن الوضع لدي متأزم جداً

أكتب وأنا الرعود والبروق من كل جهة بالسماء

والأمطار تهطل بغزاره بالغه والرياح شديده <<عن جد خايفه حيل

(اللهم صيباً نافعاً )

ودي أتغلب على خوفي من الرعد بس عجزت

باي باي يالنوووووم

<<< والله مالقاه غير بنت هكتور نيمه لو يجي صاروخ ماتشعر بشي

جرح يشكي · #2 25/10/2008, 08:02 PM

بتقهرونا والا كيف

ما شاء الله .. القصيم كلها ممطورهـ

.. والجنوووب

بس ترا جانا اليوم مطر خفيف المغرب

.. ولا زالت السماء ملبدهـ بالغيوم

.. بس الصووورة اللي فوووووووق جنااااااااااااااااااان

اليزابيث كراني

ابدعتي في الصور

...][ هلالي الخبر ][... · #3 25/10/2008, 08:12 PM

ماشاء الله تبارك الله .

حنا زاحفين اللي عندنا

يالله يارب تجيب الخير

الا يعني تطلعين الجيب

والله وتعرفين تصورين يا وشسمه اسمك صعب

Z3EEM . FC · #4 25/10/2008, 08:18 PM

ماشاء الله

بس ممكن تقوليلي وشو هذا الشيء الي تحت ... ؟

شكله يشهي مرره ودي العب فيه بيدي واغفص يدي فيه

بـنـ**الزعيم**ــت · #5 25/10/2008, 08:27 PM

الجو خيااااال
حنا الحين تمطر بقوه عندنا ببريده
يااازين من كشت بالطرفيه ولا حوله
اللهم صيبا نافعا
عوااافي ليز على التقرير الجميل
وان شاء الله اصور لكم مطرنا وانزله << نغرت

DR.KHALID · #6 25/10/2008, 08:46 PM

يااااااااااااااااااااااا لبيييييييييييييييييييييييييييييييييييه ي السيل

ي Z3EEM . FC

هذا يسمونه الرغاء .. وفيه ناس يسمونه الزبد .. وهذا من حديث الرسول صلى الله عليه وسلم (( ولكنكم يوم إذ غثاء كغثاء السيل )) ..

هذا هو غثاء السيل .. لما السيل يجي ويشيل معه اي شيء في طريقه ..

وغالبا وانت بكرامه يكون دمن الغنم والابل (( الروث ))

عشان كذا لونه بني

..

وعلى فكرة بحسب خبرتي الوسيعة في مجال السيول

.. لو تلمسه م تحس به

خفيف جدا .. زي الرغا الي فوق حليب الابل

شكرا ليز على القهر

والعنوان بطل صراحة

ألــســم ألــهــلألي · #7 25/10/2008, 08:47 PM

ماشاء الله تبارك الرحمن

ياعلوهـ مطرر نافع

لكن الصور ذي على طريق الجنوب ؟؟

دايمن هالمكان روعه بالامطار

إقتباس


	تحياتي الخاصه والحاره .. لـ رفايع الهيب الركنه بدايع الضبطان ولا تهون ضريه <<<

عقبال البجادية ودخنه هع هع

الله يقربكن عند اهلتس

ياما الثانكيووووووو الطويل

بنت عز ماتنهز · #8 25/10/2008, 08:48 PM

إقتباس

الرسالة الأصلية كتبت بواسطة Z3EEM . FC


	ماشاء الله بس ممكن تقوليلي وشو هذا الشيء الي تحت ... ؟ شكله يشهي مرره ودي العب فيه بيدي واغفص يدي فيه

نفس الشعوور قسمن

ليز يااااااااحظكم الله يرزقنا

شكلكم ماصدقتوا الامطار على طول صورتوا ياهل القصيم

والله اني اشم ريحه مطر فافرحوا ياهل الريااض

تسلمن يالغلا والله يزيدكم ان شاء الله

ღهلابوليღ · #9 25/10/2008, 08:53 PM

يالله يارب تمطرنا

في الرياض نشم ريحة مطر بس لين الحين

الســفيرة · #10 25/10/2008, 08:56 PM

ماشاء الله ماشاء الله

الله يزيدكم ياااااااااارب ويعطينا

احنا للحين لاغيوم ولاهم يحزنون

اللهم اسقنا الغيث ولاتجعلنا من القانطين

الصور رووووووووووووووعة ماشاء الله عليك

تجنن كنها صابون ودي امشي عليه حافية

Z3EEM . FC · #11 25/10/2008, 08:58 PM

إقتباس

الرسالة الأصلية كتبت بواسطة DR.KHALID


	يااااااااااااااااااااااا لبيييييييييييييييييييييييييييييييييييه ي السيل ي Z3EEM . FC هذا يسمونه الرغاء .. وفيه ناس يسمونه الزبد .. وهذا من حديث الرسول صلى الله عليه وسلم (( ولكنكم يوم إذ غثاء كغثاء السيل )) .. هذا هو غثاء السيل .. لما السيل يجي ويشيل معه اي شيء في طريقه .. وغالبا وانت بكرامه يكون دمن الغنم والابل (( الروث )) عشان كذا لونه بني .. وعلى فكرة بحسب خبرتي الوسيعة في مجال السيول .. لو تلمسه م تحس به خفيف جدا .. زي الرغا الي فوق حليب الابل شكرا ليز على القهر والعنوان بطل صراحة

انت الحين زدت الطين بله

وشو رغا + وشو روث

امزح والله فهمت وعرفت وش هذا

شكرا على اجابتك على سوألي ولك ورده +

والمعذره على الرد الثاني ياصحابه الموضوع

S K Y · #12 25/10/2008, 09:14 PM

اللهم صيبا نافعاً

والله عندنا في الرياض نشوف الغيوم ونشم ريحه المطر لكن الظاهر ذنوبنا واجد

صباح اليوم

T H U N A Y A N · #13 25/10/2008, 09:37 PM

مقدمة رائعة لموضوع رائع
،،

حبيت اضيف صورة بسيطة من امطار البارحــة
وبالتحديد على ضفاف وادي الرمة عند جســـر النبهانية مريت اليوم عند الساعة 10 صباحا ونا مستعجل وجبت هالصوره من الجوال . . .

قبل ساعة هطلت امطــار على القصيـــم يعنى على 8 وشوي . . .

،،

يعطيك العافيـــة على التقرير والصور الرائعة