|
اللـــه أكــبـــر .. ( قصيده من نظمي ) ... http://aliaaa0.googlepages.com/a902850174.gif مقدمة هذه القصيده كتبتها بسرعه أعذروني على تواضعها مناسبتها أنني صدمت من إحدى المعلمات عندنا في القصيم تفصل طالبات أحد الصفوف و تجعل فصل للبدو و فصل للحضر لسبب أن الحضر ( من جلدتها ) لا يريدون البدويات !!!! الله اكبر كيف نطغى بالميول ذا قبيلي و ذاك من طرش البحر الله اكبر لا حكينا باالأصول بين عبد و شيخ و الثالث خضر !! الله اكبر الله اكبر لو تقول البدو عدوان و احبابي حضر من صنع هالفرق يااحفاد الرسول من سعى للتفرقه بين البشر وش جرى للناس يا وين العقول النسب ما هوب للجنه مهر ذا كلام الله بالحكمه يحول دون فتنة جاهليات و خطر قال ساس الفرق ( تقوى ) و الخبول حطوا انساب البشر ساس الفخر هوو سؤال ٍ في وسط عقلي يجول و كل جواب ٍ عند رداد الخبر وش تركنا لليهود اللي تقول حنا أصفى عرق ما بين البشر !!! أختكم الوفا ديـــن |
صــح لســانـكـ قصيده رائــعــه ماشاءاللـه عليــكـ واللـه انكـ صــادقـه بـكـل كلمـه قلتيــها يعطيكـ الــعــافيـهـ |
فيني منك صح بدنك و لا هنت ما أقول غير الله يصلح أحوالنا شاكره مرورك الرائع |
هلا و الغلا الوفا صح لسانك و لا فض فوك ( حبكة ) القصيدة ظاهرة و متجلية , و مضمونها قوي و فكرتها رائعة .. مترابطة و سلسة و تحمست معها كثير s13s و جميل أن الشاعر يسخر أفكاره لخدمة الدين و نبذ الجاهلية الأولى و ترك العنصرية و الأفكار المسمومة الغريبة ... حاولت أجاري القصيدة برد و أعتذر عن ركاكة الأسلوب فهي إرتجالية .... أتمنى أكون وفقت ان شاء الله أقول في الرد .... قال ( ياسر ) من صميم القلب , قول ما يبي من قوله هذا , إلا ( الأجر ) كل شي ما هو على السنة ( يزول ) و كل منهج غير شرع الله ( كفر ) و الذي يسعى لتمييز الأصول مثل من يسعى لتمزيق( الأسر ) كلنا ( أسرة ) , و للأسرة ( قبول ) و ( حب ) يجمعها , على خيرٍ و شر ما تفرقنا ( الأسامي ) يا عذول و ما يشتت شملنا ( حاسد ) , قذر كلنا ( إخوة ) , بلا ( صربٍ ) و كول و لا يفيد , ( اللون ) في بيض و سُمُر يا عسى الساعي بشرّه ما ( يطول ) و من مشى ( دربه ) عسى رِجله ( الكسر ) مجتمعنا ( صار ) يدعي للذهول يعجز الواحد و لو يقلب حجر ما لقينا للفشل فينا ( حلول ) غير ( نشتم ) بعضنا , طول العمر و شكراً |
صح لسانك اختي :) وصح لسانك اخوي ياسر :) عموماً العصبيه ليست محدوده على هذه المعلمه الحضريه فقط بالمقابل فيه من البدو يعتبر الحضري ( ..........) لست بموقع المدافع عن الحضريه لا والله لكن انا عاشرت مثل هالفئات هذي خصوصاُ من العساااكر :surprised: من المواقف عسكري بدوي وقفن وصكني بقسيمه بشئ ماله داعي مثلاً التضليله ،، خلاص فكيته انتهى الامر .. طيب اوك عطني قسيمه وانتهى الامر والله حول الساعه موقفني بطريق عام وكل شوي مبلغ ومدري شسالفته ؟ ياخي عطني قسيمه وخلاص وشوله هالمرمطه اللي ماله داعي وبالمقابل ابن جلدته يطقله سلام :) وانا ماقلت كلام من الراس لكن هذا اللي حاصل والله ماتقولين في هذا ياعزيزتي :) انا والله لانيب عصبي ولا شئ لكن الحق ينقااال :) سي يو |
روعة يا الوفاء من آجمل ما قرأت وصح لسانكـ |
الثقفي صح لسانك و لا هنت رد رائع و في صميم الموضوع حلو الواحد أنه يلقى ناس تشد على يده لفعل الخير لأننا كمسلمين صرنا نفكر غلط للأسف شاكره مرورك الرائع و إضافتك الأروع شرفتني |
بريماكس صح بدنك و في هذي عز الله صدقت أنا بدويه و اعرف بدو يتعاملوا بهذي الطريقه لكن لا انا و لا عائلتي نتعامل بهالطريقه و لله الحمد انا و الله ما خصصت الحضر و الدليل على ذلك البيتين الاولين هذي المعلمه مو قبيليه لكن ما عبت عليها هالشي لان كلكم لآدم و آدم من تراب أنا عبت التصرف و انا اختك لانه صدمني بجد و أما انك تقول البدو فيهم حقهم اقول نعم لان حتى الاخوان فيهم صالح و فيهم طالح كل الناس فيهم حقهم شرفني مرورك لا هنت |
الرسول عليه الصلاة والسلام يقول "دعوها فإنها منتنه" لست أدري متى سترتقي أفكارنا عن التعميم والتعصب كلكم لآدم وآدم من تراب يعطيك كل العافية أختي المتميزة حروفك قمة في الجمال والتميز شاعرتنا المتميزة حروفك تستحق الإعجاب شاعرتنا ننتظر قادمك بلهفة بالحب والإشراق |
صح لسآآنك يالـ وفـآ .. روووووعه .. ! ورده .. ~! |
وعليكم السلام ورحمة الله وبركاته .. مرحبا وش تركنا لليهود اللي تقول .................................................. يا عسى الساعي بشرّه ما ( يطول ) حنا أصفى عرق ما بين البشر !!! ............................................ و من مشى ( دربه ) عسى رِجله ( الكسر ) ...................................................................... صح لساااااانك أخوي المبدع الراااائع "يــاسر" s60sيا لبى ى ى قلبك يا شييييخه وصح لسااااااانك بردتي قلبي بهالبيت الله يسعد قليبك :stoned: وبعدين لا يهمونك هالأشكال وإحمدي الله مليون إنك في هالموقف لأن اللي حالته صعبه مو هالناس المضطهدين اللي ينرحم من جد هالمدرسه وأشكالها !!! الله ينور بصايرهم بس! واصلي في إبداعك الشعري s60s الله لا يضرك .. ما شاء الله تبارك الله :stoned: |
اعتدنا من الشعراء التفاخر بالأنساب والقبيلة وكأنهم يرون انفسهم شعب الله المختار .. الوفا ديني .. الهلالي الثقفي حقيقة تلكـ السطور التي قرأتها من كليكما اثلجت صدري:) لاحرمكما الله الأجر ورده :) |
صَحْ لسانك الوفآ :smilie47: .. صحْ لسانكَ ياسرَ ورده أبيات رآئِعهَ وجميلهَ مِنكما أسألٌ اللهَ أن لايحرمِكماَ الأجر أطيبٌ التحاياَ وأصدقهاَ |
{لآ فرِقِ بين عرِبيِ ولآ اعجميِ الآ بالتقوِىِ} صحيح هناك ناس تصير بينهم حروب عشان القبايل او هذا بدوي وهذا حضري وغيره.. صرااحه اعجبتني القصيده لأني من هواه الشعر وخاصه مايكتبه اعضاء المنتدى الغالي.. ربي يبارك فيك ويخليك لعين ترجيك.. |
(إن أكرمكم عند الله أتقاكم) حسافه هذي تكون معلمه ومربيه أجيال انا متأكد أنها تعاني من مشكله داخليه أو موقف أثر في نفسيتها .. مسكينه راح تعاني في حياتها بالنسبه للقصيده صح لسانك كفيتي ووفيتي وصح لسانك الهلالي الثقفي إضافه ولا أجمل |
| الوقت المعتمد في المنتدى بتوقيت جرينتش +3.
الوقت الان » 08:27 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd