|
الله يستر من اللي بيصير ! السلام عليكم ورحمة الله وبركاته كيف حالكم يازعماء هاه صليتوا استسقاء ؟ ان شاء الله ربي يجيب الخير ==== المهم ياجماعة الربع وبالذات جماهيرنا اللي بالقصيم واللي بيحضرون المباراة انتم تعرفون ان ملعب الحزم صغير مرهـ لا يتجاوز بالكثير 5000 متفرج وماشاء الله على الزعيم جمهورهـ في كل مكان ومعروفة شعبية الزعيم في القصيم > كيف السجع :d اللي انا متأكد منه ان بيجي حضور كثيف جدا جدا بحسب مارأيته في التقارير المصورة يوم يوصلون اللاعبين للبكيرية وكيفية التزاحم من قبل الجماهير وتسلق الجدارن وغيرهـ وانت عارفين ان الزعيم توهـ مأدب الفقر بهدفين ولا احلى > ماجاب طاري كباري :surprised: وتعرفون حرَة النصراويين من المباراة ومطالبتهم الغبية بمعاقبة جماهير الزعيم على ان جمهورهم دايم يكون طرف في مشكله . الزبدة واللي بحذر منه انه اليوم الله يستر من الحضور الكثيف وماسيصاحبه من فوضى واخاف تمتد للملعب وتأثر على المباراة وياخوفي يحصل مثل ماحصل قبل موسمين في ملعب الحزم وعوقب الهلال على اثر هذه الاحداث فأتوقع من الحين سوف يحصل نزول الجماهير لأرض الملعب والله يستر من جد وانتم خابرين لجنة الاستعباط يدورون الزلة علينا ==== فالله يستر وبالنسبه لجمهور الزعيم اللي بيحضرون مايحتاج طبعا اذكركم انكم جمهور راقي وذواق بس انتبهوا من المندسين لا يعكرون صفو المباراة ختاما اقول الله يوفق الزعيم ويكسب الـ 3 نقاط من حكم ابو حقب ( عندما ترى في الدايري سطحه فاعلم ان هناك مروراً سرياً ) :d:d:d:d:d:d:d:d |
سلومي تفال بالخير ان شاء الله مايصير لان جمهور الزعيم واعي وبعدين لو صار لاقدر الله قبلنا في مباراة النصر والرائد نزل مشجع وبهذل رجال الامن حتى مسكوه وماعاقبو النصر...وتعجبني حكمك |
إقتباس:
اخوي انا متفائل بس ولو يجب الحذر لان هذي الملاعب الصغيرة ماتناسب فريق كبير زي الهلال وبالنسبه لمباراة الرائد والنصر والمشجع النصراوي وتقول ان النصر ماعاقبوه مدري ياخوي شكلك ماتتابع الكورة السعودية وماتدري ان اكثر فريق ماخذ راحته هو النصر ولا شف الليزر لهم سنتين يكبسون به ولا عاقبوهم ولو واحد من جماهير الهلال رمى له قارورة مويه على طول يعاقبون الفريق ==== وبالنسبه للحكمه طلعت مني لاني واطي النار :clapping: |
كلامك سليم لازم يكون الجمهور أكثر هدوء وان كان في هذه الملاعب (يعني الصغيرة) يختلط الحابل بالنابل واكيد بعض الصحفيين اليوم يسوي مسودة لمقال بكرة عنوانه عاجل للجنة الانضباط وغيره مجاملة الهلال ....... الخ حتى يقدر يضغطون على اللجنة لكن الله يستر تقبلوا مروري ،، |
من المفترض يكون فيه امن قادر على انه يمسك زمام الامور .. الله يستر من هالملعب اللي يجيب الهم .. كل ما شفت هالملعب يجيني اكتئاب و احس اننا مستحيل نتطور .. الله يستر و بس .. |
إقتباس:
وهذا اللي خايفن منه انه مع الكثرة بتصير فوضى ورجال الامن بيكونون قليلين مقارنة مع الحضور وبيجيك كم صحفي ويولم له مقالة عن هالشي ويهيج اللجنة على الزعيم |
إقتباس:
تقوله صادز والله من جد من اشوف ملعب الحزم وملعب نجران اتشائم منه لانه ملعب مايساعد كلش |
شكررررررررررررررررررررررررررا |
| الوقت المعتمد في المنتدى بتوقيت جرينتش +3.
الوقت الان » 05:01 PM. |
Powered by: vBulletin Version 3.8.7
Copyright ©2000 - 2025, Jelsoft Enterprises Ltd