مستانسين ؟! - نادي الهلال السعودي - شبكة الزعيم

ابو طـــــلال · #1 21/10/2008, 02:52 AM

تحية لأحبتي الكرام ...

يقولون أهل الحجاز

.. أكل العنب حبة .. حبة

خلونا مع أول حبة من هالموضوع ... وترى موضوعي ماله هدف .. ( خمبدزه ) على شوية ( فلسفة ) على ثقالة

يعني اللى مامعه كيس فصفص ( مالح ) لايقرب ...

إعتبروني القناة الأولى وعندك ضيوف والريموت مهوب معك .. يعني خلني أبربر لين مااقووول ( تشششششش ) >> ذبابين مجمعة

مثل قناتنا اول لاخلص البث

نبدا مع هاللقطة ..

ليس كرهاً والله في هذا المشجع او في نادية .. لكن في تصرفة الغبي .. وكل من يقتحم الملاعب لأي هدف كان ومن أي انتماء حتى لو كان هلالي .. هالأمور زادت .. واللى يزود عن حده ينقلب ضدة ..
في تصريح معه تبين ان فقرات رقبته راحت فيها ..

لكنه حصل على مبلغ الرهان وهو 5000 ريال .. الفين يبي يصرفها ( إشاعات لرقبته ) وألفين للعلاج الطبيعي .. والف علاجات .. ويبي يزود من مخباته بعد كم ألف ...

هذا غير ماجاه من فضيحة وفشيلة وإسمه اللى كلن عرفة وصورته وهم باطحينة بالملعب قدام الناس تقول خاروف يبي يذكونه ! منظر مخزي والله .! أتوقع بعد حتى هذا المشجع سيندم على فعلته يوماً ماء ..

تحية للعسكري اللى رفعة فوق ( وهبد فيه )

وهو عاض لسانه وكنه يقول (( آآآآآبيييييييييييييه )) وفعلاً جابه الذيب
أتمنى إعطاء هذا العسكري مكافئة مادية ومعنوية .. لكي يكون قدوة لباقي العساكر في الملاعب وغيرهم من اللذين يقابلون الفوضى والإستهتار بليونه .. وتهاون .. حتى صار العقاب عند البعض ( نكتة ) وليست حقيقة ........................ إنتهى ,

====

الحمد الله والشكر ....

الحديد نزل سعرة .. وكل المؤشرات واهل العقارات يؤكدون بأن الإيجارات والعقار سوف ينخفض او على الأقل سوف يقف عن الإرتفاع والزيادة

وأنا في دوامي اشوف ( وجيه ) الزملاء ( مسفهله ) من هالأخبار والوعود القادمه .. وكان نقاشنا وحوارنا هو عن الحديد .. والأسمنت .. والرخص .. والتخفيض ..
طلعت من الدوام .. مريت مكتب العقار اللى مستأجر عنده لأكتشف بان موظف المكتب يزف لي بشرى زيادة إيجار ( شقتي ) 8000 ريال عن سعرها السابق

انا لو داري كان ماتابعت الاخبار .. ولا إستبشرت مع هالعالم !!

يمكن لو مااحتفل وأتفاعل مع الأخبار أبرك .. وإلا ؟

أخاف أحتفل بفوز الهلال على النصر وأفرح .. واخرتها أنصدم يوم الإربعاء بهزيمة لاسمح الله للزعيم ..

مــــــــاعلـــــــــينا ...

أبفرح بشويش

وألف مبروك

===

المقاطعات اللى طايحين فيها هاليومين ...

مقاطعة قنوات الــ art الرياضيه

والحين مقاطعة قناة أبو ظبي الرياضيه

مبداء المقاطعة انا بصراحة مااشوفة حل لعلاج المشلكة .. رغم إني اتحمس مرات للمقاطعة .. ومسجل في كل منتديات الخاصه بالمقاطعة .. وطاير في العجة معهم

وانا كل شهر مقاضيي خظرة ولاأجرمت بالمقاضي مكرونه ورز ..

مدري وش أنا مانن عليهم بمقاطعتي .. احس ان أصحاب المنتجات يبون يقولون لي : بقريحن يطيربك

عموما عمر المقاطعة ماكانت حل .. او ردت إعتبار .. او تسببت في إعتذار .. ذكروني إذا فيه .. وأذكرولي مقاطعات أدت لنتيجة إيجابية ؟!

أبو ظبي قناة فضائية رياضيه ( ببلاش )

والبلاش ربحة بيّن

تعليقها ممتاز ..
.. اللى تبيه منها خذه .. واللى مايجوز لك لاتشوفة .. إستفد قدر ماتستطيع .. هذه اعتبرها أكبر مقاطعة ...

طبعا لاأخفي مدى إعجابي ( بموقف ) أميرنا الرائع عبد الرحمن بن مساعد وحتى في حديثة بإنه وجهة رسائل كثيرة تكشف سياسة برنامجهم ومديرها وكل ذلك كان عبر القناة .. تسجيل الموقف يكفي والأمير أرادها هكذا .. يعني ترى أموركم ماتعجب وتجاوزاتكم نشوفها ..
وبعد حديثة وتسجيل موقفه لم يصرح بعدها .. ولم يكثر من الظهور والحديث عن هالموضوع .. هنا المقاطعة الحقيقيه ..

=======

لاأخيفكم سراً

كررت تجربة ( الإندساس ) و ( إندسيت ) بعد مباراتنا مع النصر مباشرة .. لمنتديات ( الرجّال )

>> يقالك مااحد يدري

خصوصا ان موقع الزعيم كان زحمة .. مالك ماطا

وسعوا صدري اللى يوسع صدورهم بالعافية

=======
مهيب هي يالحارثي

اما سعد الحارثي صاحب التصريح الأخلاقي والتشرة .. والعتب .. والزعل
ويوم ( تبقشت الأمور ) طلعت أردى من نور
أجل : ( ماعليك منه ) ؟؟؟؟؟؟ الخوجلي طلع أبرك للأسف

=======

الهلال قلبه طيب

الإتحاد كمثال .. لايرحم الفرق .. حتى لو باقي ربع دقيقه ومطرود من الفريق المنافس خمسة وهم فايزين عشرة .. يستمر الإتحاد باللعب ووده بزيادة الأهداف !!
في الهلال .. نجيب هدف .. ونرقد شوي ... يجينا تعادل نصحصح .. نجيب هدف الفوز نرقد .. تجينا هجمة تروعنا .. وننضغط من الفريق المنافس لين مايصفر الحكم ..
اللعبوا لأكبر عدد ممكن من الأهداف ياجماعة .. لاترحمون أحد

إنتهى ,

في الختام وبعد فوز الهلال على النصر .. جاوبوني بصراحة
7
7
7
7
7
7
7
7
7
7
7
7
7
7
7
7
7
7
7
7
7
7
( مستانسين )؟؟

أخوكم الصغير ابو طلال

الغدير الازرق · #2 21/10/2008, 03:20 AM

يالييييل الحييين انا هااج من المجلس واجي لقاك فيذا

متى تعقل انت متى تعقل

؟؟؟

هلا وسهلا حيييه ابو طلو

خخخخخخخخخ ياخوي ودي اعرف هاللي يطبون بالملعب

هم بكامل قواهم العقلية ؟؟ اتوقع لو افتح مخه ابلقى نخلة وعسيب

بس خل عنك كل كووم وحركة الأندرتيكر اللي سواها العسكري كووم

إقتباس


	المقاطعات اللى طايحين فيها هاليومين ...

بالعكس المقاطعة اللي قصدها ابن مساعد هي مقاطعة
ابو ظبي عن اخبار الهلال وتصاريح الهلاليين وصدقني المقاطعة
ماراح تنجح الا مع الهلال وإلا أي نادي ثاني صدقني محد بيطق
له خبر عندك اقرب مثال النصر قاطع الـ art ومحد درى عنه

وكل التوفيق لزعيمنا في المباريات القادمة
وبإذن الله الفوز حليفه يو الأربعاء

شكراً ابو طلوو

هامور البورصه · #3 21/10/2008, 03:26 AM

ايه والله مستانسين ابو طلال منزل موضوع

بس شسالفة المجلس يعني حاطه هناك اعلان لـ هالموضوع

على العموم

لولا موضوعك الي هيناك ماجيت هينا وشفت هالموضوع

صراحه منظر غير خضاري واحسها مبزره اني انزل اركض وادري اني اخرتها

بندبج من هالعسااكر بعدين انت قلت كلمه عجبتني انه راح يندم بعدين افرض هالشخص

صار شخصيه كبيره بالدوله مجرد ان احد يدور في فضايحه اول شي بيلاقيه هالمقطع

واسمه الي بالجريده واذكر مره بحائل واحد طمر يبي يطب بالملعب وطاح على وجهه

وانكسرت رقبته وتنوم بالمستشفى

ابو طلال يعطيك العافيه ع الموضوع

ابو طـــــلال · #4 21/10/2008, 06:44 PM

إقتباس

الرسالة الأصلية كتبت بواسطة هامور البورصه


	ايه والله مستانسين ابو طلال منزل موضوع بس شسالفة المجلس يعني حاطه هناك اعلان لـ هالموضوع على العموم لولا موضوعك الي هيناك ماجيت هينا وشفت هالموضوع صراحه منظر غير خضاري واحسها مبزره اني انزل اركض وادري اني اخرتها بندبج من هالعسااكر بعدين انت قلت كلمه عجبتني انه راح يندم بعدين افرض هالشخص صار شخصيه كبيره بالدوله مجرد ان احد يدور في فضايحه اول شي بيلاقيه هالمقطع واسمه الي بالجريده واذكر مره بحائل واحد طمر يبي يطب بالملعب وطاح على وجهه وانكسرت رقبته وتنوم بالمستشفى ابو طلال يعطيك العافيه ع الموضوع

هلا وغلا طارق .. الله حيّه .. غايب هاليومين

كفشتني أجل ؟ عاد مهوب بكرا القاكم مقلديني ... ماركة مسجلة بإسمي ( تنزل موضوع بالمجلس وتخليه شوي ثمن تبلغ عنه وتقول تراني نزلته بالغلط )

هالحركة تسحب لك كم واحد من المجلس العام وأعضاءه الغالين

بس كنك شطحت واجد .. أي مسؤول بالدوله وهذا ركضه ( تقول نعامة )

ماتسوى عليه كسرة هالرقبة والله .. وهالفشيلة ..

يسلمووو طروووق

ابو طـــــلال · #5 21/10/2008, 12:52 PM

إقتباس

الرسالة الأصلية كتبت بواسطة الغدير الازرق


	يالييييل الحييين انا هااج من المجلس واجي لقاك فيذا متى تعقل انت متى تعقل ؟؟؟ هلا وسهلا حيييه ابو طلو خخخخخخخخخ ياخوي ودي اعرف هاللي يطبون بالملعب هم بكامل قواهم العقلية ؟؟ اتوقع لو افتح مخه ابلقى نخلة وعسيب بس خل عنك كل كووم وحركة الأندرتيكر اللي سواها العسكري كووم بالعكس المقاطعة اللي قصدها ابن مساعد هي مقاطعة ابو ظبي عن اخبار الهلال وتصاريح الهلاليين وصدقني المقاطعة ماراح تنجح الا مع الهلال وإلا أي نادي ثاني صدقني محد بيطق له خبر عندك اقرب مثال النصر قاطع الـ art ومحد درى عنه وكل التوفيق لزعيمنا في المباريات القادمة وبإذن الله الفوز حليفه يو الأربعاء شكراً ابو طلوو

هلا وغلا طّلول .. سبحان الله .. ياخي احبك لكن مو حبن فيك ..

علشانك سمي ولدي طلّول .. وإلا لو إسمك ( بخيت .. وإلا فرج .. كان تجاهلت حتى ردك بهالموضوع يالزلابة

أما المقاطعة فهي أكيد مؤثرة على القناة إذا كان الفريق مثل نادي الهلال .. خصوصا إنه نادي غالباً ماتكون نتائجة إيجابية والفوز حليفة .. ومقاطع .. ماراح يلقى تصاريح من لاعبينه .. وبنفس الوقت بيكون الفريق المقابل للهلال ( مهزوم ) والنفسية ( دمار ) يعني ماراح يلقى تصريح من الفريق الثاني .. بالعربي وش بيسوون في هالحالة ؟؟ يقشرون بصل !!؟

هلابك طلول

Yasser Aldaajani · #6 21/10/2008, 03:23 AM

مستانسين .. واهم شي المقاضي حقتك ههههههههههههههههههههه

ومشكوور على الموضوع الممتع ..,,

ابو طـــــلال · #7 21/10/2008, 06:39 PM

إقتباس

الرسالة الأصلية كتبت بواسطة YASSER_O


	مستانسين .. واهم شي المقاضي حقتك ههههههههههههههههههههه ومشكوور على الموضوع الممتع ..,,

إنت شكلك مو مستانس وبس .. إلا متشقق من الوناسه .. جعله دوم ..

اجل ذليتهم بالمقاطعة واخرتها ( قارورة شطة ) وكيس ابو 45 كيلوا حق 4 شهور ..

مطفرين من مقاطعتي هالعالم ... خسرت اكبر المصانع انا

يسلمووو ياكابتن

هلاليه كووول22 · #8 21/10/2008, 03:35 AM

هلا ابو طلال
حركااات مسوي دعايه في المجلس لموضوعك

بخصوص المشجعين اللي ينزلون الملعب

لو في عقوبه رادعه ماشفنا كل مباراه والثانيه نازل مشجع يركض بالملعب
بس الله يسعدها هالعسكري

واكيد مستنانسيــــــــن

والله يوفقك الزعيم

و ان شاءالله من انتصار الى انتصار

ابو طلال ,,,
يعطيك الف عافيه على هيك موضوع

ابو طـــــلال · #9 21/10/2008, 07:53 PM

إقتباس

الرسالة الأصلية كتبت بواسطة هلاليه كووول22


	هلا ابو طلال حركااات مسوي دعايه في المجلس لموضوعك بخصوص المشجعين اللي ينزلون الملعب لو في عقوبه رادعه ماشفنا كل مباراه والثانيه نازل مشجع يركض بالملعب بس الله يسعدها هالعسكري واكيد مستنانسيــــــــن والله يوفقك الزعيم و ان شاءالله من انتصار الى انتصار ابو طلال ,,, يعطيك الف عافيه على هيك موضوع

ياهلا ومرحبا هلاليه كووول ... يانتم فضحتونا ياحقين المجلس العام .. ماصارت غلطة ومسكتوها علينا

بس خوش غلطة اللى خلتنا نشوف هالوجية السمحة من أعضاء المجلس العام الغالين على قلبي

اما إقتحام الملاعب في وقت المباريات صارت موضة .. حتى صاحب هالمقطع كان تحدي بينه وبين ربعة على ( 5000 ) ريال .. أتوقع لو انا معروض على هالمبلغ كان ( فكرت جديّاً بالعرض )

بس من غير طق .. وملاحق .. وسجن
عقب هالمسكين الواحد يبي يفكر برقبته وفي الفشيلة قبل المبلغ .. وكله من بطحتة بالملعب بتخلي الواحد يفكر الف مرة قبل مايتهور

يعطيك العافيه

سـيـف الـعـشـق · #10 21/10/2008, 03:40 AM

اكيد مستانسين

هـلابك يابوطـلال انت دايم رائع وموضوعك اليوم اروع

إقتباس


	أبو ظبي قناة فضائية رياضيه ( ببلاش ) والبلاش ربحة بيّن تعليقها ممتاز .. .. اللى تبيه منها خذه .. واللى مايجوز لك لاتشوفة .. إستفد قدر ماتستطيع .. هذه اعتبرها أكبر مقاطعة ...

كفيت ووفيت اخوي

تقبل مروري

ابو طـــــلال · #11 21/10/2008, 08:00 PM

إقتباس

الرسالة الأصلية كتبت بواسطة سـيـف الـعـشـق


	اكيد مستانسين هـلابك يابوطـلال انت دايم رائع وموضوعك اليوم اروع كفيت ووفيت اخوي تقبل مروري

عساه دوم مستانسين يالغالي ..

حضورك الأروع اخوي وشكرا لك ولموافقتك رأئي في مسألة المقاطعة ..

فجر الرياض · #12 21/10/2008, 04:18 AM

هلا ابو طلال

جيت من الاعلان اللي في المجلس

بالنسبه لحركة المشجع ابد مالها داعي وشوله يعرضون انفسهم للإهانه

عشان تحدي واشياء تافهه يعني بجد ماتسوا عليه شكله وهو يركض

يالله انتهت مهمته وش استفاد

؟؟؟؟ الله يهديهم

إقتباس


	( مستانسين )

ايــه

يعطيك العافيه ابوطلال ورده

ابو طـــــلال · #13 21/10/2008, 09:09 PM

إقتباس

الرسالة الأصلية كتبت بواسطة فجر الرياض


	هلا ابو طلال جيت من الاعلان اللي في المجلس بالنسبه لحركة المشجع ابد مالها داعي وشوله يعرضون انفسهم للإهانه عشان تحدي واشياء تافهه يعني بجد ماتسوا عليه شكله وهو يركض يالله انتهت مهمته وش استفاد ؟؟؟؟ الله يهديهم ايــه يعطيك العافيه ابوطلال ورده

هلابك والله .. متعهدة أخبار المجلس العام

جازلك شكله وهو يركض وعاضن الغترة .!! ولاهمه أحد

إستفاد 5000 ريال يبي يصرفهن على إشاعات وعلاجات لرقبته الله يصلحة بس

وإن شاء الله دوم مستانسين ..

أسعدني حضورك .. شكرا لك

...][ هلالي الخبر ][... · #14 21/10/2008, 04:50 AM

سلام.

الله يهديك مسوي حالك غلطان. اجل حاط اعلان هناك

ياخي العسكري ذا يانه بطل اقوى من باتيستا

:
وهو يركض هبدبه الارض.

موضوعك زوين ومستانسين ابشرك.

تحياتي ياخونا الصغير

ابو طـــــلال · #15 21/10/2008, 09:39 PM

إقتباس

الرسالة الأصلية كتبت بواسطة ...][ هلالي الخبر ][...


	سلام. الله يهديك مسوي حالك غلطان. اجل حاط اعلان هناك ياخي العسكري ذا يانه بطل اقوى من باتيستا: وهو يركض هبدبه الارض. موضوعك زوين ومستانسين ابشرك. تحياتي ياخونا الصغير

هلا وغلا براعي الخبر .. فديت قلوبكم ياهل الشرقية

ماحطيت إعلان .. بس أعضاء المجلس العام عيّارين .. عساك ماتغلط عندهم إلا يمسكونها عليك ..

أنا والله أعجبني هالعسكري .. وقد أعجبني ضابط مره عطى واحد إقتحم مباراة وكان الهلال فيها ( خقلة ) ( شلوت يعني ) يوم خقلة الضابط وقف .. شكله صاح .. بس ماتكلمت فيه ذيك الأيام لان المشجع كان ( هلالي )

هلابك يابعدي